Jeremia 8:12 - Tshwa Bible

¹² Va wa hi ni tingana hilezi va nga tirile manyala ke? A va na tingana, hambu ku pima lezaku xini ku wiswa tingana! Hikwalaho va tawa zinwe ni lava va wako: A xikhatini xa kutsayiswa kabye va ta khunguvanyeka, ku wula Jehova.

Jeremia 8:12 Mawu Ofanana

Genesisi 19:34

Zonake hi manziko wa kona loyi wa nhonzwa i te ngalo ka loyi wa nzisana: Languta, nzi etlele na dadani matolo; a hi engete kambe hi mu nwisa vinya wusiku legi, u enghenawu u etlela naye, kasi hiva ni tinyimba ha dadani.

Tisimu 52:1

Munhu wa lunya; Hikuyini u ti kukumukisako hi kubiha ke? A wuxinji ga Nungungulu gi simamisa kala kupinzuka.

Tisimu 52:7

Hi nga wona munhu loyi a nga tekangiko Nungungulu a kuva khokhola gakwe, A tsumba ntsena a wunyingi ga titshomba takwe, A ti tiyiseta lomu kubiheni kakwe.

Isaya 24:2

A mupristi i ta fanana ni vanhu; A nwinyi i ta fanana ni nanza; A khosikazi i ta fanana ni nanza ga xisati; A muxavisi i ta fanana ni muxavi: A mulombisi i ta fanana ni mulombi; Ni mulonzi i ta fanana ni loyi a nga ni nanzu.

Isaya 3:9

A tinghohe tabye ta va kona; va fanana ni vanhu va Sodoma, va maha zionho zabye kubaseni, a va zi fihli. Khombo ka mihefemulo yabye, hakuva va ti mahele kubiha vona wutsumbu. Gen. 13:13; Jer. 2:17

Jeremia 10:15

Zona a zi nyawuli, mitiro ya wu khohlisi; A xikhatini xa kutsayiswa zi ta lova.

Jeremia 14:15

Hikwalaho Jehova i wula lezo xungetano ni vaprofeti lava va profetako hi vito ga mina, na nzi nga va rumangi, lava va nge ngalo: A supado ni ndlala zi nga tava kona a tikweni legi, aku: A vaprofeti lavo va ta lobyiswa hi supado ni ndlala.

Jeremia 23:12

Hikwalaho a ndlela yabye yi tava ni matshamu ma retemukako munyameni, Va ta susumetiwa va wela kona. Nzi ta va nehela khombo a ka lembe ga kubiwa kabye, ku wu la Jehova.

Jeremia 3:3

Hikwalaho a tivula ti beletelwe, Zonake a vula yo ranga a yi nangi; Kanilezi a ximombo xa wena xi wa hi xa xibhayi, Lezaku u nga vumeli kuzwa tingana. Deut. 11:16; Ezek. 3:7

Jeremia 44:10

Kala nyamutlha a va se nga ti tsongahata, ge hambu ku chava, kutani ku famba hi milayo ya mina ni zileletelo lezi nzi nyikileko nwina ni vakoko ya nwina.

Jeremia 6:15

Xana va zwile tingana loku va mahile manyala ke? Kokwihi, a va zwangi tingana, Ne, a va tivi ku koyama tingana. Hikwalaho va tawa zinwe ni vanwani; Va tawa a xikhati nzi va tsavisako, ku wula Jehova.

Jeremia 6:21

Hikwalaho Jehova i ngalo: Nzi ta vekela tiko legi a zikhunguvanyiso, a vapswali ni vanana va ta khunguvanyeka khatiginwe, a muakelwani ni munghana wakwe va ta lova zinwe.

Ezekieli 23:18

I lo maha wuoswi gakwe kubaseni a vumbulula a wumbyiri gakwe; ni moya wa mina wu lo swihala ha yena, khwatsi hilezi wu nga swihala ni makabye wakwe.

Hosea 5:9

Efraime i ta maha marumbi hi siku ga kutsayiswa; nzi tivisile a tixaka ta ka Israeli a zinene za lezi zi ta ngata.

Zefania 3:5

Jehova i lulamile xikari ka wona, a nga mahi kubiha; mixo ni mixo i humesa a nongameto wakwe kubaseni, a nga tindeki; kanilezi a vakubiha a va tivi tingana.

Deuteronome 32:35

A kuphota ni kutlhelisela zi lumba mina, Zi vekelwe a siku lego a nkonzo wabye wu ta nga retemuka; Hakuva a siku ga kuxaniseka kabye gi tshinele, A zilo lezi va longiselweko zona zata hi xihatla.

Va le Filipi 3:19

A kugumelwa kabye hi kulova; a nungungulu wabye hi xingwengwe, va ti dzunza hi lezi zi nga tingana tabye, va khatalela a zilo za misava ntsena.