Jeremia 8:10 - Tshwa Bible

¹⁰ Hikwalaho nzi ta nyikela a vasati vabye ka vanwani, Ni masimu yabye ka lava va ta nga ma wutla. Hakuva vontlhe va ti nyiketile kunaveleni, Kusukela ka ntsongwani kala ka wahombe. A vaprofeti ni vapristi vontlhelele va kanganyisa.

Jeremia 8:10 Mawu Ofanana

Joba 31:10

Zonake a sati wa mina ngha a gayela munwani, A vanwani va etlela naye.

Isaya 28:7

Kanilezi laha kambe a vanhu va dedereka hi kota ya vinya, Va khunguvanyeka hi byala; A vapristi ni vaprofeti va dedereka hi byala, Va popilwe hi vinya, va dedereka hi byala; Va khuvatana loku va profeta ni ku maha wuwoyiwoyi kulamuleni.

Isaya 57:17

Nzi mu zangarele nzi muba Hi kota ya xionho xakwe xa likungo; Nzi lo ti fihla zangeni ya mina, Na yena a su hutsetse a famba hi ndlela ya kuranza ka mbilu yakwe.

Jeremia 14:14

Jehova i lo nzi hlamula, aku: A vaprofeti va profeta mawunwa vitweni ga mina. A nzi va rumangi, a nzi va layangi; a nzi wulawulangi nchumu kabye. Va profeta ka nwina a miwoniso ya mawunwa ni kuvumba, a zilo za mahala za kukhohlakala ka timbilu tabye.

Jeremia 14:18

Loku nziya masinwini ku kona lava va delweko hi supado, Ni loku nzi enghena mutini nzi wona lava va swodokako hi ndlala: Ina, hi wumbiri gabye a muprofeti ni mupristi va nzulanzula na va nga ku tivi laha va yako kona.

Jeremia 17:11

Khwatsi hi hwari leyi yi kuhlehelako a manza lawa yi nga ma tsikelangiko, Zinghaho ni loye a hlengeletelako a kufuma handle ka nongameto; Na hi xikari ka masiku yakwe i ta ku tsika, Ni kugumeseni kakwe i tava muhunguki.

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Jeremia 32:32

hi kota ya kubiha kontlhe ka vana va Israeli ni vana va ka Juda, loku va ku mahileko kasi ku nzi zangarisa, vona ni tihosi tabye, ni tihosana tabye, ni vapristi vabye, ni vaprofeti vabye, ni vanhu va ka Juda ni vaaki va Jerusalema. Neh. 9:34; Dan. 9:8

Jeremia 38:22

Languta, a vavasati vontlhe lava va seleko a ndlwini ya hosi ya ka Juda va ta yiswa ka tihosana ta hosi ya Babuloni; a vavasati lavo va taku: A vanghana va wena va ku kanganyisile, Ve ku hlulile; A milenge ya wena yi kari yi njhibila maropeni, Vona na va tlhelele nzhako! Obad. v. 7

Jeremia 42:1

Zonake a tinduna tontlhe ta mabutho na Johannani nʼwana Karea, na Jezania a nʼwana Hoxaia, ni vontlhe vanhu, lava va tsongwani ni vahombe,

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Mikosi 4:13

Zi mahekile hi kota ya zionho za vaprofeti ni zigoho za vapristi, Lava va nga halata a nkhata wa valulamileko xikari ka gona. Mat. 23:35

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Amosi 5:11

Lezi nwina mu kanzihelako loyi a vumalako, mu mu khupisa hi mavele; hambu loku mu akile a tiyindlu hi maribye yo vatliwa, mu nga ta tshama ka tona,, ni loku mu phayile a zivina za nwina zo saseka, mu nga tanwa a vinya ka zona. Deut. 28:30, 38; Zef. 1:13

Mika 2:4

A siku lego va ta mu xelembenza hi lisimu, va taba nkosi hi lisimu la xirilo, vaku: Hakunene hi Iovile! I nyikela vanwani a tshomba ya tiko ga hina. Hikuyini a nzi wutleleko gona? I avele a masimu ya hina ka lava va hluwukileko. 2 Tih. 17:24

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Mika 3:5

I wula lezo Jehova xungetano ni vaprofeti lava va pengisako a vanhu va mina; loku va hi ni nchumu xo tlukuluta hi meno yabye, vaku: Kurula! kanilezi loku va nga nyikwangi nchumu, va va vuxela yimpi.

Habakuka 1:6

Hakuva nzi ta vuxa a maKaldea, a tiko go leva ga tihanyi, legi gi tsemakanyako a misava yontlhe, kasi ku ya teka a wuakelo legi gi nga hiko gabye.

Zefania 1:13

A kufuma kabye ku ta phangiwa, a tiyindlu tabye ti hahlulwa. Ina, va ta aka tiyindlu, kanilezi va nga ta tshama ka tona; va ta byala zivina, kanilezi va nga tanwa a vinya ga kona. Deut. 28:30, 38; Am. 5:11

Titusi 1:11

lava va faneleko ku valiwa milomu, hakuva va hahlula mingango yi mbhela, hi ku gonzisa lezi zi nga faneliko, kasi ku kuma bhinzu go biha. Mat. 23:14

Titusi 1:7

Hakuva a murisi ngha a nga soleki, kota lezi a nga nekwa ya Nungungulu; na a nga hi na xikanikani, na a nga hi na xizangazangani, a nga ti nyikeliko kunweni ka byala, na a nga hi mubi, na a nga naveli bhinzu go biha; Levi 10:9; Mat. 24:45