Jeremia 7:6 - Tshwa Bible

⁶ loku mu nga xanisi a muluveli, a xisiwana ni noni, loku mu nga halati a nkhata wa va nga hiko na nanzu ka legi wutshamu, hambu ni ku lanzela vanwani vanungungulu, muva ni makhombo hi kota ya vona; Ekso. 22:21

Jeremia 7:6 Mawu Ofanana

2 Tihosi 21:6

I lo hisa a nʼwana wakwe nzilweni, a namarela wutumbeni ni wuloyini, a yimisa vangoma ni vavumbi, a maha kubiha ko hunzeleta mahlweni ka Jehova, a mu zangarisa. Levi 18:21; 19:26; Jer. 32:35

2 Tihosi 24:4

kambe hi kota ya nkhata lowu wu nga hiko na nanzu lowu a wu halatileko, hakuva i tatile a Jerusalema hi nkhata wu nga hiko na nanzu; hikwalaho Jehova a nga vumelangi ku tsetselela.

Tisimu 106:38

Va halata nkhata wu nga hiko na nanzu, A nkhata wa varisanyana ni vanhwana vabye; Va phahlela ha vona ka zifananiso za le Kanani, Ni tiko gi nyenyeziswa hi nkhata. Mitse. 35:33

Mavingu 23:10

U nga hunzulusi a mbhingano wa kale, nga engheni sinwini ga xisiwana: Ekso. 22:22; Deut. 19:14

Isaya 59:7

A mikonzo yabye yi tsutsumela kubiheni, Yi hatlisela ku ya halata a nkhata wu nga hiko na nanzu; A maalakanyo yabye maalakanyo ya kubiha, A kuhahlula ni kulovisa zi lomu tindleleni tabye.

Jeremia 13:10

A tiko legi go biha, legi gi nga vumeliko a kuzwa a magezu ya mina, legi gi fambako hi kunonoha ka mbilu ya gona, gi lanzela vanungungulu vanwani, gi va tirela ni ku va khozela, gi ta fanana ni bhandi legi gi nga vuniko nchumu.

Jeremia 19:4

Hakuva va nzi tsikile, va hanahanisa a wutshamu legi, hakuva lomu va hisile tibani ka vanwani vanungungulu, lavo va nga va tivangiko, vona ni vakoko vabye ni tihosi ta ka Juda; va tatisile legi wutshamu hi nkhata wa va nga hiko na nanzu;

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Jeremia 2:34

Ni lomu minzhungweni ya nguwo ya wena ku kumiwa a nkhata Wa zisiwana lezi zi nga hiko na nanzu, Lava u nga va kumangiko na va bhoxa a yindlu ya wena, Kanilezi u va dele, hakuva u ranza a zakunghahi. Ekso. 22:2

Jeremia 26:15

Ntsena tivani lezaku, loku mu nzi daya, mu neha a nkhata wu nga hiko na nanzu hehla ka wutsumbu ga nwina, ni hehla ka muti lowu, ni hehla ka vontlhe va akileko ka wona; hakuva hi Jehova a nzi rumileko a ku ta kanela ka nwina tontlhe leti timhaka. Mat. 23:35

Jeremia 26:23

Va lo humesa Uria le Gipite, va mu wuyisa ka hosi Jehoiakimu, loyi a nga ta mu daya hi supado, a hoxa xirumbi xakwe minkeleni ya cumbu hi vanhu.

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Jeremia 5:28

Va kulukile, va tolile mafura; a kubiha kabye a ku na magumo; a va yimeli mhaka ya zisiwana lezaku zi vuvuma; a va tsemi mhaka ya vavumali hi fanelo.

Jeremia 7:5

Hakuva loku mu chukhwatisa a mahanyela ya nwina ni mitiro ya nwina, loku mu lamula hi kululama xikari ka munhu ni muakelwani wakwe,

Jeremia 7:9

Xana ma ha ta yiva, mu daya, mu bhaya, mu hlambanya mawunwa, mu hisa miphahlo yo nuhela ka Baali, ni ku lanzela vanwani vanungungulu lavo mu nga va tiviko?

Mikosi 4:13

Zi mahekile hi kota ya zionho za vaprofeti ni zigoho za vapristi, Lava va nga halata a nkhata wa valulamileko xikari ka gona. Mat. 23:35

Ezekieli 18:6

a nga geli le hehla ka zitsunga, ge hambu ku tlakusa a mahlo yakwe a cuwuka a zifananiso za yindlu ya ka Israeli, leyi a nga wisangiko tingana a sati wa muakelane wakwe, ge hambu ku tlhangana ni wasati loyi a nga xikhatini xo tsawuka;

Ezekieli 22:7

Lomu ka wena a vararu ni vanyine va kanyiswa, a vamatiko va tsimbeketwa; lomu ka wena ku xaniswa lava va felweko ni tinoni.

Levi 19:33

Loku muluveli a akile tikweni ga nwina, mu nga mu xanisi.

Levi 25:17

Ngha a nga hi kona loyi a kalavelako a muakelani wakwe; kanilezi chava Nungungulu wa wena; hakuva hi mina Jehova, Nungungulu wa nwina.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mateu 27:25

A vanhu vontlhe va lo hlamula, vaku: A nkhata wakwe a wuve hehla ka hina, ni hehla ka vana va hina. Deut. 19:10; Jox. 2:19; 2 Sam. 1:16

Mateu 27:4

aku: Nzi onhile lezi nzinyikeleko munhu a nga onhangiko nchumu. Kanilezi va te ngalo: Xini lexo ka hina? I mhaka ya wena!

Deuteronome 11:28

Ni nzhukano loku mu nga ingisi a milayo ya Jehova Nungungulu wa nwina, ni loku mu hambuka ka ndlela leyi nzi mu leletelako inyamutlha, mu lanzela vanwani vanungungulu lava mu nga va tiviko.

Deuteronome 24:17

U nga hambukisi a nongameto wa muluveli ni wa xisiwana, ni kambe u nga teki a nguwo ya noni u maha yo zima ha yona seve. Isa. 1:17; Jer. 5:28; Ezek. 22:29

Deuteronome 27:19

Khombo a give ka loyi a hambukisako nongameto ka muluveli, ni ka xisiwana, ni ka noni! A vanhu vontlhe va ta hlamula, vaku: Amen!

Deuteronome 8:19

Ku taku laha u ta nga rivala Jehova Nungungulu wa wena, u lanzela vanwani vanungungulu u va tirela, ni ku khizama mahlweni ka vona, nza tiyisa hakunene mahlweni ka nwina inyamutlha lezaku mu ta lova futsi.

Jakobe 1:27

A kukholwa ku basileko, loku ku nga hiko na kusoleka mahlweni ka Nungungulu wa hina a Dadani, hi loku: A kuya kamba zisiwana ni tinoni kuxanisekeni kabye, ni ku ti hlayisa a nga hi na bala hi za tiko. Isa. 1:16; Mat. 25:36; Rom. 12:2