Jeremia 7:33 - Tshwa Bible

³³ A zirumbi za lava vanhu zi ta giwa hi tinyanyani ta tilo ni zihari za khwati; a nga kona a to zi hlongola.

Jeremia 7:33 Mawu Ofanana

Isaya 18:6

Vontlhe va ta nyikelwa ka makoti ya lomu zitsungeni, Ni ka zivanza za khwati; A makoti ma ta vaga laha ximunwini, Ni zivanza zontlhe za khwati zi ta vaga laha wuxikeni.

Jeremia 12:9

Xana a tshomba ya mina yi ka mina kukotisa a makoti ya mivalavala? Loku zi hi tano a makoti ma ta yi vukela hi matlhelo wontihe. Yanani, mu ya tsombanyisa zontlhe zihari za khwati, zi ta yi khadamula.

Jeremia 14:16

A vanhu lavo va nga profeta kabye va ta hoxwa maruweni ya Jerusalema hi kota ya ndlala ni supado, ku nga tava kona wo va lahla: vona ni vasati vabye, ni vana vabye va xinuna ni va xisati; hakuva mina nzi ta chulula kubiha kabye hehla kabye.

Jeremia 15:3

Nzi ta va rumela mune wa makhombo, ku wula Jehova: A supado yi ta va hlasela, a timbyana ti ta va tlukula, a tinyanyani ta tilo ni zivanza za khwati zi ta va khadamula zi va lovisa. Levi 26:16; Deut. 28:26

Jeremia 16:4

Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 19:7

A ka legi wutshamu nzi ta hangalasa a makungo ya Juda ni ya Jerusalema; nzi ta va maha vawa hi supado ya valala vabye, hi mandla ya lava va hlotako wutomi gabye. A zirumbi zabye zi ta giwa hi tinyanyani ta tilo ni zihari za khwati.

Jeremia 22:19

I ta lahliwa ku fanana ni mbongola, I ta ruruvisiwa, a ya hoxiwa handle ka tinyangwa ta Jerusalema.

Jeremia 25:33

Lava va delweko hi Jehova va ta mbambamela misaveni kusukela mbhirini kala ka yinwani mbhiri ya misava; va nga ta rilelwa, hambu ku hlengeletiwa, hambu ku lahliwa, va te maha koho misaveni.

Jeremia 34:20

nzi ta va nyikela canjeni ga valala vabye, ni canjeni ga lavo va va xuvelako a kufa, a zirumbi zabye zi ta giwa hi tinyanyani ta tilo ni zivanza za misava. Deut. 28:26; Jer. 7:33

Jeremia 9:21

Hakuva a kufa ku nomile ku enghena ka tinjhanela ta hina, Ku enghenile tindlwini ta hina ta wuhosi; Ka daya vanana maruweni ni majaha laha maphangweni.

Jeremia 9:22

Wula: Jehova i ngalo: A zirumbi za vanhu zi tawa kota koho lomu masinwini, Ni ku kotisa milumbi ya mutshoveli, A nga kona wa ku rolela.

Ezekieli 29:5

Nzi ta ku hoxa xiwuleni, wena ni zidluwani za micongo ya wena, u ta wela lomu mafuzini; u nga ta tsomhanyiswa hambu ku rolelwa. Nzi ta ku nyikela akuva u giwa hi zihari za misava ni tinyanyani ta tilo.

Ezekieli 39:4

U ta wela zitsungeni za ka Israeli, wena ni mitlawa ya wena yontlhe, ni matiko lawa ma nga zinwe na wena. Nzi ta ku nyikela u giwa hi makoti ya tixakaxaka, ni zivanza za khwati.

Deuteronome 28:26

Ni zirumbi za nwina zi ta kuva kuga ka tontlhe tinyanyani ta tilo, ni zivanza zontlhe za misava, ni laho ku nga tava kona munhu wo zi hlongola.

Deuteronome 8:20

Mu ta lova khwatsi hi matiko lawa Jehova a ma lovisileko mahlweni ka nwina, hakuva nwina a mu ingisangi a gezu ga Jehova Nungungulu wa nwina.