Jeremia 7:31 - Tshwa Bible

³¹ A matshamu ma tlakukileko ya Tofeti va ma akile lomu nkoveni wa nʼwana wa Hinome, kasi ku hisela kona a vafana ni vanhanyana vabye hi nzilo; lezo cima na nga layangiko, ne ni ku zi alakanya. Levi 18:21; 2 Tih. 23:10

Jeremia 7:31 Mawu Ofanana

2 Tihosi 17:17

Va lo hisa vafana vabye ni vanhanyana vabye lomu minzilweni, va ti nyiketela kuvumbeni ni wuloyini, ni ku maha lezi zi bihileko mahlweni ka Jehova, va mu zangarisa. Levi 18:21; Deut. 18:10

2 Tihosi 23:10

A hosi yi lo nyenyezisa Tofeti legi gi nga le koveni wa vanana va ka Hinome, kasi a ngave kona munhu a ta nga hisa a nʼwana wakwe wa mufana kutani wa nhanyana laha nzilweni wa Moloke. Levi 18:21; Jer. 7:31

2 Tihosi 23:20

I lo daya vontlhe vapristi lomu maalatini, lava va nga wa hi kona, a hisa marambu yabye hehla ka maalati; zonake i lo tlhelela Jerusalema.

2 Kronekele 28:3

Ni kambe i lo hisa a tibani le nkoveni wa nʼwana Hinome, a hisa a vanana vakwe laha nzilweni, a lanzela mahanyela ya matiko lawa Jehova a nga ma hlongola mahlweni ka va ka Israeli. Deut. 18:10; Jer. 7:30

2 Kronekele 33:6

Ni kambe i lo enghenisa a vanana vakwe va xinuna nzilweni, le nzhelelweni wa vanana va ka Hinome. I lo ti nyiketela ka vanyamusolo, ni ka vangoma, ni ka zitumbe, a hlengela zinwe ni lava va mimoya yo biha ni yaloyi; i lo maha kubiha ko hunzeleta mahlweni ka Jehova, a mu zangarisa.

Isaya 30:33

Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

Isaya 57:5

Nwina lava mu vurako lahasi ka mikanyi, A hasi ka sinya yinwe ni yinwani yi hlukako; Nwina lava mu dayako vanana lomu mikoveni, Ni lomo timhakweni ta maribye. Levi 18:21; 1 Tih. 14:23

Jeremia 19:2

huma uya nkoveni wa nʼwana wa Hinnome, kusuhani ni nyangwa ya Zirengele, u kanela seyo a timhaka nzi to ku byela.

Jeremia 2:23

Xana u nga wutisa kuyini, uku: A nzi nyenyeziswangi, A nzi lanzelangi Baali? Hi nga wona a ndlela ya wena le nzhelelweni, Alakanya lezi u zi mahileko. Wena u kameli ga mazambo, legi gi tsutsumelako lahaya ni lahaya.

Jeremia 32:34

Kanilezi va yimisile a manyala yabye a ndlwini leyi yi vitwako hi vito ga mina, va yi nyenyezisa. 2 Tih. 21:4; Jer. 7:30

Jeremia 32:35

Va akele Baali a matshamu yo tlakuka le koveni wa nʼwana Hinnome, lezaku kasi va hisela Moloki a vana vabye va xinuna ni va xisati; lezo nzi nga va rumangiko zona, hambu a kuva kupimeni ka mina lezaku va maha manyala lawa, va maha Juda a onha.

Ezekieli 16:20

Tlhatakumbiri, u tekile a vafana ni vanhanyana lava u nga nzi belekela, u phahlela ba vona lezaku va giwa ha zona. Kasi a wubhayi ga wena gi wa nga ringani, 2 Tih. 16:3; Jer. 7:31

Ezekieli 20:26

nzi lo va nyenyezisa hi minyikelo yabye, laha va nga hisa hi nzilo wontihe a matewula, lezaku va dzuka va chava, kasi va fela ku zi tiva lezaku hi mina Jehova. 2 Kro. 33:6

Ezekieli 20:31

Laha na mu nyikela a zinyikiwo za nwina, mu hisa a vana va nwina hi nzilo, ma ha ti nyenyezisa hi zifananiso zontlhe za nwina kala nyamutlha. Nzi nga vumela ku wutisiwa hi nwina, va yindlu ya ka Israeli ke? Nza hlambanya hi kuhanya ka mina, a nzi vumeli ku wutisiwa hi nwina, ku wula Hosi Jehova.

Levi 18:21

U nga nyikeli a vana va wena va mahiwa muphahlo ka Moloki. U nga nyenyezisi a vito ga Nungungulu wa wena. Hi mina Jehova.

Mika 6:7

Jehova i ta xalaliswa hi makume mazana ya tihamba, kutani hi mazanazana ya micongo ya mafura ke? Nzi ta nyikela a matewula ya mina hi zihambunyeto za mina, ni mbhanzu wa miri wa mina hi kota ya kuonha ka muhefemulo wa mina ke?

Deuteronome 12:31

U nga mahi zo kota lezo ka Jehova Nungungulu wa wena; hakuva zontlhe lezi va mahelako vanungungulu vabye zinyenyeko mahlweni ka Jehova lezi a zi vengako; hakuva hambu ni varisanyana vabye ni vanhanyana vabye va va hisile nzilweni ku maha miphahlelo ya vanungungulu vabye.

Deuteronome 17:3

a khozela vanwani vanungungulu, a khizama mahlweni ka vona, kutani mahlweni ka gambo ni ka hweti, kutani hi ka handla gontlhe ga tilo, lezi mina nzi nga leletelangiko,

Deuteronome 18:10

Ngha ku nga kumiwi ni munhu munwe ka wena loyi a nyikelako nʼwana wakwe kutani nhanyana wakwe laha nzilweni, ni loyi a tirako wutumbe, kutani mungoma, ni mulori,

Joxua 15:8

Zonake wu kanziha hi le nkoveni wa le Ben-Hinome, kala kureleleni ka xitsunga xa vajebusi hi le Dzongeni, laho ku nga ni Jerusalema; zonake wu kanziha le hehla ka xitsunga lexi xi cuwukeneko ni nkova wa Hinome, hi le Muhlwa-gambo, a magumeso ya libala la le Refaime, hi le Nwalungu.