Jeremia 7:30 - Tshwa Bible

³⁰ Hakuva a vanana va ka Juda va mahile kubiha a mahlweni ka mina, ku wula Jehova; va enghenisile a manyalataniso yabye lomu ndlwini yi vitanwako hi vito ga mina, va yi nyenyezisa.

Jeremia 7:30 Mawu Ofanana

2 Tihosi 21:3

I lo aketa a matshamu ma tlakukileko lawa ma nga wa khungumulwe hi raru wakwe Hezekia, a aketa ni alati ga Baali, a maha xifananiso xa Axtarte, khwatsi hi lezi a nga wa mahile Ahabi a hosi ya ka Israeli; i lo khizamela wontihe mabandla ya tilo a ma khozela.

2 Tihosi 21:4

I lo aka a alati lomu ndlwini ga Jehova, lomu Jehova a nga wa te ngalo: Nzi ta veka a vito ga mina le Jerusalema. Deut. 12:5; 1 Tih. 8:29

2 Tihosi 21:7

I lo yimisa a zifananiso za Axtarte a zi mahileko ndlwini leyi hi kota ya Davida ni nʼwana wakwe Solomoni Jehova a nga te: Leyi yindlu ni muti wa Jerusalema nzi zi hlawule xikari ka tontlhe tixaka ta ka Israeli kasi ku aka a vito ga mina kala kupinzuka.

2 Tihosi 23:12

I lo khungumulela a maalati lawa ma nga wa hi le hehla ka yindlu yi tlakukileko ya Ahaza, lawa ma akilweko hi tihosi ta ka Juda, ni maalati lawa Manasa a nga wa akile ka tihubye timbiri ta yindlu ya Jehova; a hosi yi lo ma hahlula yi ma hoxa lahasi, yi ya halata a tsutsungwani wa kona le xicongwaneni xa Kidroni.

2 Kronekele 33:15

I lo susa a vanungungulu va vamatiko lomu ndlwini ya Jehova, ni zifananiso, ni maalati wontihe lawa a nga wa ma akile xitsungeni xa yindlu ya Jehova ni Jerusalema, a zi hoxa lahandle ka muti.

2 Kronekele 33:3

Hakuva yena i lo aka kambe a matshamu ma tlakukileko, lawa a raru wakwe Hezekia a nga wa ma khungumule; i lo engeta a aka a alati ga Baali, a maha zifananiso za Axtarte, a khizamela wontihe mabandla ya tilo a ma tirela.

2 Kronekele 33:7

I lo yimisa a xifananiso xi vatlilweko, lexi a nga xi maha yena, lomu ndlwini ya Nungungulu, leyi Nungungulu a ngaku ka Davida ni ka nʼwana wakwe Solomoni: Ndlwini leyi ni mutini lowu nzi wu hlawuleko xikari ka tontlhe tixaka ta va ka Israeli, nzi ta veka a vito ga mina kala kupinzuka.

Isaya 66:4

Hizalezo mina nzi ta ranza ku va nehela makhombo, Nzi ta tisa hehla kabye lezi va zi chavako; Hakuva laha nzi nga vitana a nga kona a nga vumela, Ni laha nzi nga wulawula a nga kona a nga ingisa; Kanilezi va mahile kubiha mahlweni ka mina, Va ranza lezi zi nga nzi tsakisiko.

Jeremia 16:18

Hi kuranga nzi ta va tlhelisela kambiri a kugoha kabye ni zionho zabye; hakuva va nyenyezisile a tiko ga mina hi zirumbi za manyala yabye, na va tatisile a tshomba ya mina hi manyalataniso yabye.

Jeremia 23:11

Hakuva a vaprofeti ni vapristi vontlhe a va basangi; Nzi kumile a kubiha kabye ni lomu ndlwini ya mina, ku wula Jehova.

Jeremia 32:34

Kanilezi va yimisile a manyala yabye a ndlwini leyi yi vitwako hi vito ga mina, va yi nyenyezisa. 2 Tih. 21:4; Jer. 7:30

Jeremia 32:35

Va akele Baali a matshamu yo tlakuka le koveni wa nʼwana Hinnome, lezaku kasi va hisela Moloki a vana vabye va xinuna ni va xisati; lezo nzi nga va rumangiko zona, hambu a kuva kupimeni ka mina lezaku va maha manyala lawa, va maha Juda a onha.

Ezekieli 7:20

Va wa ti kulisa hi kota ya wumbhuri ga siliva yabye ni nzalama; kanilezi va mahile hi zona a zifananiso za manyalataniso yabye ni zilo zo tshisa. Hikwalaho nzi zi mahile a zilo zo nyenyeza ka yona.

Ezekieli 8:3

I lo nawuluta xo khwatsi hi woko, a nzi khoma hi misisi ya mina, zonake a moya wu lo nzi tlakula ndengelengeni, wu nzi yisa Jerusalema hi miwoniso ya Nungungulu, a ka nyangwa ya le nzeni ya hubye, leyi yi ngomamako Nwalungu, laha ku nga hi ni xifananiso lexi xi vuxako kutsanwa ka Nungungulu. 2 Kro. 33:7, 15; Ezek. 3:12

Danieli 11:31

A mabutho ma rumilweko hi yena ma ta nyenyezisa a wutshamu ga kubasa ni khokhola, va ta fuvisa a minyikelo ya kuhiswa ya simasima, va yimisa a manyalataniso ya mbangalakasa. Mitse. 28:4; Mat. 24:15

Danieli 9:27

Yi ta maha xivumelwano xi tiyileko ni vanyingi ka viki ginwe. Hi khihlanya ga viki yi ta maha a miphahlelo ni minyikelo ya tinzhoho yi yima. A muhahluli i tata hehla ka tipapa ta manyalataniso ya mbalakasa, kala a tsayiselelo lowu wu yimisilweko wu chululiwa hehla ka muhahluli. Isa. 28:22; Mat. 24:15; Mar. 13:14