Jeremia 7:26 - Tshwa Bible

²⁶ Kanilezi a va ingisangi, hambu ku riya tindleve; va lo nonohisa a tinhamu tabye, va maha kubiha ku hunza ni vararu vabye.

Jeremia 7:26 Mawu Ofanana

1 Tihosi 14:22

A va ka Juda va lo maha lezi zi bihileko mahlweni ka Jehova, va mu zangarisa ku hunza vadadani vabye hi zionho lezi va zi mahileko.

1 Tihosi 14:9

Wena u mahile kubiha ku hunza vontlhe lava va ku rangeleko; u ti mahele vanungungulu vanwani va zifananiso zi nyekisilweko u nzi zangarisa, u nzi fularela.

2 Tihosi 17:14

Kanilezi a va ingisangi; va lo nonohisa a tinhamu tabye khwatsi hi vararu vabye, lava va nga kholwangiko ka Jehova Nungungulu wabye. Ekso. 34:9; Deut. 31:27; Mal. 3:6

2 Tihosi 17:15

Va lo ala milayo yakwe, ni xivumelwano xakwe lexi a xi mahileko ni vararu vabye, ni kulaya loku yena a va layileko ha kona; va lo lanzela manyala, va nga ma tsiki, va lanzela mahanyela ya matiko lawa ma va ranzeleko, lawa Jehova a nga va leletela lezaku va nga mahi zo kota lezi zi mahiwako hi wona.

2 Kronekele 30:8

Makunu nwina mu nga nonohisi tinhamu ta nwina, khwatsi hi vadadani va nwina; khomani a canja ga Jehova, muta ndlwini yakwe yo basa a yi basisileko kala kupinzuka, mu ta khozela Jehova Nungungulu wa nwina, kasi a zanga yakwe yo tshisa yi fela ku Suka ka nwina.

2 Kronekele 33:10

Jehova i lo wulawula ka Manasa zinwe ni vanhu vakwe, kanilezi cima a va ingisangi.

2 Kronekele 33:23

Cima a nga ti koramisangi mahlweni ka Jehova, kota a raru wakwe Manasa a nga wa ti koramisile; kanilezi i lo hunzeleta kuonheni.

Nehemia 9:29

u va khongotela lezaku va tlhelela milayweni ya wena. Kanilezi vona va lo ti alisa, va nga ingisi zileletelo za wena, va huma zineneni za wena, lezi loku a munhu a zi maha, i ta hanya ha zona, va nonohisa tinhamu tabye, va ala ku ingisa. Ezek. 20:11; Rom. 10:5; Gal. 3:12

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Isaya 48:4

Hakuva nzi wa zi tiva lezaku wa nonoha, Lezaku a nhamu ya wena i siha wa xiketse, Ni ximombo xa wena i suku. Ekso. 32:9; 33:5; Jer. 6:28

Isaya 5:4

Xini xinwani xi nga fanele kuva xi mahilwe xivineni xa mina Lexi nzi nga xi mahangiko ke? Laha nzi nga rinzela a kuva xi pswala mauva yo nanziha, Hikuyini xi psweleko mauva yo bava ke?

Jeremia 11:8

Kanilezi a va ingisangi, hambu ku phuhunha ndleve yabye. Munwe ni munwani i na si hutsetse a njhenjhereka hi kunonoha ka mbilu yakwe yo biha. Hikwalaho nzi nehile hehla kabye a timhaka tontlhe ta lexi xivumelwano, lexi nzi va layileko a ku xi hlayisa, kanilezi a va xi hlayisangi.

Jeremia 16:12

Kasike nwina mu mahile zo biha ni ku hunza a vararu va nwina; hakuva munwe ni munwani wa nwina i te hutsetse kunonoheni ka mbilu yakwe yo biha, lezaku mu nga nzi ingisi.

Jeremia 17:23

Vona a va ingisangi, hambu ku phuhunha tindleve tabye; kanilezi va lo nonohisa a tinhamu tabye, kasi va ngazwi, ni ku nga amukeli kulayiwa.

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 22:21

Nzi wulawulile ka wena kuvuvumeni ka wena, Kanilezi uku: Nzi nga ta ingisa. Hi wona a mahanyela ya wena kusukela wuhlangini, Yaku, u nga tazwa a gezu ga mina.

Jeremia 25:3

A kusukela ka lembe ga wukhume ni manharu ya Josia, a nʼwana Amoni, hosi ya ka Juda, kala legi siku, a ka malembe laya ya 23 a gezu ga Jehova gi tile ka mina, nzi gi kanele ka nwina na ga hi mixo, kanilezi nwina a mu ingisangi.

Jeremia 25:7

Hambu lezo a mu nzi ingisangi, ku wula Jehova, lezaku kasi mu vindlukisa a zanga ya mina hi mitiro ya mandla ya nwina, kasi ku ti hala khombo ha nwece.

Jeremia 26:5

kasi ku ingisa a timhaka ta malanza ya mina a vaprofeti, lava nzi va rumeleko ka nwina, na ga hi mixo nzi va rumela, kanilezi nwina a mu ingisangi;

Jeremia 29:19

hakuva a va ingisangi a timhaka ta mina, ku wula Jehova, laha nzi nga va rumela a malanza ya mina vaprofeti hi kusimamisilweko. Kanilezi a mu zwangi, ku wula Jehova.

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Jeremia 32:23

va lota va gi khozisa, kanilezi a va ingisangi gezu ga wena, hambu a ku famba hi nayo wa wena; ni zontlhe lezi u nga va layile a ku zi maha, a va zi mahangi; u kala u va humesela wontihe makhombo lawa.

Jeremia 34:14

nziku: A kumbheleni ka ntlhanu wa malembe ni mambiri a munwe ni munwani i ta tlhatlha muHeberu-kulobye loyi a ti xavisileko ka nwina; i ta ku tirela a ntlhanu wa malembe ni ginwe, zonake u ta mu tsika a tlhatlheka; kanilezi a vakoko va nwina a va nzi ingisangi, hambu ni ku panga tindleve. Ekso. 21:2; Levi 25:39; Deut. 15:12

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Jeremia 35:17

hikwalaho Jehova, a Nungungulu wa tiyimpi, i ngalo: Languta, nzi ta neha hehla ka Juda ni ka vontlhe a vaaki va Jerusalema, gontlhe a khombo nzi gi wulileko ha vona. Hakuva nzi wulawulile kabye, kanilezi a va nzi ingisangi; nzi va vitanile, kanilezi a va hlamulangi.

Jeremia 44:16

vaku; Xungetano ni mhaka leyi u nga hi byela yona vitweni ga Jehova, hi nga ta ku ingisa. Isa. 42:20; Jer. 6:16

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 6:10

Nzi ta byela mani, Nzi maha wumboni kasi va ingisa ke? A tindleve tabye makhuna, a va zi koti kuzwa. A mhaka ya Jehova i nzhukano kabye, a va yi ranzi.

Jeremia 6:17

Nzi vekile varinzeli xikari ka nwina, nziku: Ingisani a gezu ga mpunzu. Kanilezi va hlamule, vaku: Hi nga ta gi ingisa.

Jeremia 7:24

Kanilezi a va ingisangi, hambu ku riya tindleve; kanilezi va lo famba lomu makungweni yabye ni lomu ka kunonoha ka timbilu tabye ta kubiha, va lo tlhelela nzhako, a va yangi mahlweni.

Jeremia 9:13

Jehova i ngalo: Hi kota ya lezi va tsikileko a nayo wa mina, lowu nzi nga wu veka mahlweni kabye, va nga ingisi a gezu ga mina, hambu ku famba ha gona,

Ezekieli 12:2

Nʼwana wa munhu, u akile xikari ka lixaka, la va hluwukwa, lava va nga ni mahlo ya ku wona, kanilezi va nga woni, laʼva nga ni tindleve tozwa, kanilezi va ngazwi, hakuva mba yindlu ya mihluwukwa. Deut. 29:4; Isa. 6:9; Mat. 13:14

Ezekieli 12:3

Hikwalaho wena nʼwana wa munhu, ti longisele a nhunzu ya ku famba hangalasiweni, u suka ni hlikanhi kuwoneni kabye; u ta rura na va kari va zi wona, kutani va ta zi pima lezaku mba yindlu ya mihluwukwa.

Ezekieli 20:30

Hikwalaho wula ka yindlu ya ka Israeli, uku: Hosi Jehova i ngalo: Xana mu ta ti nyenyezisa hi mikhuwo ya vararu va nwina, na mu lanzela a manyalataniso yabye ke, ku wula Hosi Jehova.

Danieli 9:6

A hi ingisangi a vaprofeti ma nga malanza ya wena, lava va wulawulileko hi vito ga wena ka tihosi ni tihosana ta hina, ni ka vadadani va hina, ni ka vanhu vontlhe va tiko.

Hosea 11:7

A vanhu va mina va bohile xifungo xo nzi fularela, hambu loku va vitanwa a kuya ka loyi a nga hehla, a nga kona ni munwe a mu tlakuselako a mbilu yakwe.

Zakaria 7:11

Kanilezi va lo ala ku ingisa, va tshukwama makatla, va vala tindleve tabye, aku kasi va ngazwi.

Malaki 3:7

Kusukela masikwini ya vararu va nwina mu hambukile milayweni ya mina, a mu yi hlayisangi. Tlhelelani ka mina, na mina nzi ta tlhelela ka nwina, ku wula Jehova wa tiyimpi. Kanilezi nwina mu ngalo: Hi ta tlhelela yini?

Mateu 21:38

Kanilezi a varimi, laha na va wonile a nʼwana wakwe, vaku xikari kabye: Hi yena mugi wa tshomba, ngonani, hi mu daya, higa tshomba yakwe. Tis. 2:2, 8; Joh. 11:53

Mateu 23:32

Hizona, tatisani a lipimo la vadadani va nwina.

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Deuteronome 8:20

Mu ta lova khwatsi hi matiko lawa Jehova a ma lovisileko mahlweni ka nwina, hakuva nwina a mu ingisangi a gezu ga Jehova Nungungulu wa nwina.