Jeremia 7:23 - Tshwa Bible

²³ Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi. Ekso. 19:5

Jeremia 7:23 Mawu Ofanana

Joba 36:11

Loku va mu ingisa, va mu khozela, Vona va ta mbhetisa masiku yabye zikatekisweni. Ni malembe yabye lomu kutsakeni. Deut. 30:19

Tisimu 119:3

Lava va nga mahiko kubiha, Va fambako tindleleni takwe.

Tisimu 40:6

A miphahlelo ni minyikelo a ku tsaki ha yona; U vulule a tindleve ta mina; A ku ranzi a miphahlo ya kuhiswa ni minyikelo ya kuonha. Isa. 1:11; Mika 8:7; Maheb. 10:5

Tisimu 81:13

Loku ku wo khwatsi a tiko ga mina ga nzi ingisa, Loku ku wova Israeli i wa famba hi tindlela ta mina!

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Eksodusi 16:32

Mosi i te ngalo: Lezi zi leletelweko hi Jehova hi lezi: A ku hlayiswe a homeri leyi yi teleko hi manna xikari ka mingango ya nwina, kasi a zizukulwana za nwina zi ta ta wona a zibaba lezi nzi nga mu wundla ha zona lomu xiwuleni, xikhati lexo nzi nga mu humesa tikweni ga Gipite.

Isaya 3:10

Wulani lezaku lava va lulamileko va katekile, hakuva va taga a mbhanzo wa zimaho zabye.

Jeremia 11:4

lexi nzi layeleko a vararu va nwina a siku lego nzi va humesileko a tikweni ga Gipite, a phingweni ga nyunzo ya xiketse, nziku: Ingisani a gezu ga mina, mu maha zontlhe lezi nzi mu rumako; zonake mu tava tiko ga mina, na mina nzi tava Nungungulu wa nwina, Ekso. 19:5; 1 Tih. 8:51

Jeremia 11:7

Hakuva kusukela a siku lego nzi nga humesa ha gona a vararu va nwina tikweni ga Gipite, kala ku chikela nyamutlha, nzi va byelile na nza ha vinzuka ni mixo, nzi va laya nziku: Ingisani a gezu ga mina! 2 Tih. 17:13

Jeremia 13:11

Hakuva kota lezi a bhandi gi namarelako xiwunwini xa munhu, hizalezo nzi mahile yontlhe a yindlu ya Israeli ni yontlhe a yindlu ya ka Juda ti namarela ka mina, ku wula Jehova, kasi vave ka mina a tiko, ni vito, ni wudzunzo, ni wukulu; kanilezi a va vumelangi ku ingisa. Deut. 26:19

Jeremia 22:21

Nzi wulawulile ka wena kuvuvumeni ka wena, Kanilezi uku: Nzi nga ta ingisa. Hi wona a mahanyela ya wena kusukela wuhlangini, Yaku, u nga tazwa a gezu ga mina.

Jeremia 22:3

Jehova i ngalo: Lamulani hi fanelo ni kululama, mu ponisa loyi a phangiwako a mandleni ya loyi a mu tsimbeketako; mu nga xanisi a muluveli, ni xisiwana, ni noni, mu nga va tsimbeketi, hambu ku halata nkhata wa lava va nga hiko na nanzu wutshanwini legi.

Jeremia 24:7

Nzi ta vaha timbilu to nzi tiva lezaku hi mina Jehova; vona va tava vanhu va mina, mina nzi tava Nungungulu wabye, loku va tlhelela ka mina hi mbilu yabye yontlhe. Deut. 30:6; Maheb. 8:10

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Jeremia 32:23

va lota va gi khozisa, kanilezi a va ingisangi gezu ga wena, hambu a ku famba hi nayo wa wena; ni zontlhe lezi u nga va layile a ku zi maha, a va zi mahangi; u kala u va humesela wontihe makhombo lawa.

Jeremia 38:20

Jeremia aku: Va nga ta ku nyikela. Hi nga ingisa a gezu ga Jehova, legi nzi ku byelako gona; u ta tshameka khwatsi u hanya.

Jeremia 42:6

Hambu za kuva zo saseka kutani zo biha, hi ta ingisa a gezu ga Jehova a Nungungulu wa hina, loyi hi ku rumako ka yena, kasi hi fela ku humelela loku hi ingisa a gezu ga Jehova a Nungungulu wa hina.

Zefania 3:2

A wu ingisangi gezu ni ginwe, a wu amukelangi a ziluleko, a wu tsumbangi Jehova, a wu tshinelangi ka Nungungulu wa wona.

Zakaria 6:15

Lava va nga le kule va tata va ta aka a tempeli ya Jehova; zonake nwina mu ta zi tiva lezaku nzi rumilwe ka nwina hi Jehova wa tiyimpi. Lezi zi ta maheka loku hakunene mu ingisa a gezu ga Jehova a Nungungulu wa nwina.

Zakaria 7:7

Kasi a mu tivi a timhaka leti Jehova a nga ti wulawula hi vaprofeti va kale, a xikhatini lexi a vaaki va Jerusalema va nga vuvuma zinwe ni miti leyi yi gi ranzeleko, a tlhelo ga Dzonga ni le mikoveni na ka ha akilwe ke?

Va le Roma 16:26

kanilezi makunu yi wonekelisilwe hi Mitsalo ya vaprofeti, khwatsi hi kulaya ka Nungungulu wa pinzukelwa, yi tibyisilwe ka matiko wontihe kuva kuingisa ka kukholwa; 2 Tim. 1:10

2 Va le Korinte 10:5

Hi hangalasa a maalakanyo, ni tigingisi tontlhe leti ti tlakukileko to bhiyela a kutiva ka Nungungulu, hi khozisa a maalakanyo wontihe mava tikhumbi ta ku ingisa Kristu; 1 Kor. 1:19; 3:19

Deuteronome 11:27

A xikatekiso loku nwina mu ingisa a milayo ya Jehova Nungungulu wa nwina leyi nzi mu leletelako inyamutlha.

Deuteronome 13:4

Nwina mu ta lanzela Jehova Nungungulu wa nwina; mu nyika xichawo ka yena mu hlayisa milayo yakwe, mu ingisa a gezu gakwe; mu mu khozela, ni ku namarela ka yena.

Deuteronome 13:5

A muprofeti loye, kutani mulori loye, i ta dawa; hakuva i kucetele vanhu ku hluwuka ka Jehova Nungungulu wa nwina, loyi a mu humesileko tikweni ga le Gipite, a mu tlhatlhisa ndlwini ya wukhumbi; a lava ku mu hambukisa ndleleni ya Jehova Nungungulu wa nwina, leyi a mu leleteleko ku famba ha yona. Hikwalaho mu ta susa lezi zo biha xikari ka nwina.

Deuteronome 30:2

loku wena u tlhelela ka Jehova Nungungulu wa wena, ni loku u ingisa a gezu gakwe hi mbilu yontlhe ya wena, ni muhefemulo wontihe wa wena, wena ni vanana va wena, khwatsi hi lezi nzi ku leletelako zilo zontlhe legi siku ga nyamutlha;

Deuteronome 30:20

u ranza Jehova Nungungulu wa wena, u ingisa a gezu gakwe, u namarela ka yena; hakuva yena mbutomi ga wena ni kuanza ka masiku ya wena, kasi wena wa fela ku tshama ka tiko legi Jehova a hlambanyileko ka vararu va wena, Abrahama, na Isaka, na Jakobe, a ku va nyika gona.

Deuteronome 30:8

Zonake wena u ta tlhela u ingisa a gezu ga Jehova, u hlayisa milayo yontlhe leyi nzi ku leletelako nyamutlha.

Deuteronome 4:10

hi siku lego u nga yima ha gona mahlweni ka Jehova Nungungulu wa wena le Horebe, xikhati lexo Jehova a ngaku ka mina: Tsombanyisa vanhu kasi va tazwa a timhaka ta mina, kasi va fela ku gonza ku nzi chava ka wontihe masiku lawa va ta nga hanya laha misaveni, kasi va fela ku gonzisa a vanana vabye.

Deuteronome 4:40

hlayisa milayo yakwe ni zileletelo zakwe lezi nzi ku leletelako nyamutlha, kasi u fela ku humelela, ni vanana va wena anzhako ka wena, niku kasi a masiku ya wena ma engetelwa laha misaveni leyi Jehova Nungungulu wa wena a ku nyikileko, a kuva ya wena kala kupinzuka.

Deuteronome 5:16

Chava raru wa wena ni nyine wa wena, kota lezi Jehova Nungungulu wa wena a ku leleteleko, kasi a masiku ya wena ma ta engetelwa, mu katekiswa laha misaveni leyi Jehova Nungungulu wa wena a ku nyikileko.

Deuteronome 5:29

Ko khwatsi va ngava ni timbilu ta xichavo ha mina, va hlayisa milayo ya mina yontlhe xontlhe xikhati; va wa ta tshameka ni vanana vabye kala kupinzuka!

Deuteronome 5:33

kanilezi fambani hi yontlhe ndlela leyi Jehova Nungungulu wa nwina a mu leleteleko, kasi mu fela ku hanya, mu tshameka; ni lezaku kasi masiku ya nwina ma fela ku anza a tikweni legi mu yako ku ya gi fumela.

Deuteronome 6:3

Zwana, O Israeli! u chivirika a ku maha lezi zilo, kasi wa tshameka, mu anza nguvu lomu tikweni legi gi khulungako masi ni wulombe, kota lezi Jehova Nungungulu wa vararu va wena a ku byelileko.

Maheberu 5:9

na a mbhelelisilwe i lo maha a muvangi wa kuhanyiswa ka pinzukelwa, ka vontlhe lava va mu ingisako;

1 Samueli 15:22

Samueli a ku ngalo: Xana Jehova wa tsakiswa hi minyikelo ya kuhiswa ni miphahlelo, ku hunza ku ingisa gezu gakwe ke? Zwisisa! a kuingisa ku chukwana ku hunza miphahlelo, ni ku hlayisa gezu ga Jehova ku hunza mafura ya tiyivu. Hos. 6:6; Mat. 9:13; 12:7