Jeremia 7:20 - Tshwa Bible

²⁰ Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Jeremia 7:20 Mawu Ofanana

2 Tihosi 22:17

Hakuva va nzi fularele va hisa tibani ka vanwani vanungungulu, va nzi zangarisa hi mitiro yontlhe ya mandla yabye; hikwalaho a zanga ya mina yi vindlukile yi vukela wutshamu legi; cima yi nga ta renga.

Isaya 10:17

A kuwonekela ka Israeli ku ta hunzuka ku maha nzilo, Ni Wa ku Basa wakwe i ta maha langavi, Gi ta vura gi hisa a mizwa ni zigetlwani zakwe hi siku ginwe.

Isaya 42:25

Hikwalaho i chulule a zanga yakwe hehla kabye, Ni kuleva ka yimpi. A nzilo wa yona wu va renzelekele, kanilezi a va wu pimangi; Wu va hisile, kanilezi a va wu khatalelangi. Jer. 7:20; Ezek. 20:8; Hos. 5:10

Isaya 66:24

Zonake va ta huma, va wona a zirumbi za lava va hambunyetileko mahlweni ka mina; hakuva a xiwungwani xabye xi nga tafa, ge hambu a nzilo wabye wu nga ta timeka. Va ta maha xinyenyeko ka nyama yontlhe. Dan. 12:2; Mar. 9:48

Jeremia 11:16

Jehova i ku chulile vito, gaku: Oliva yi nyukileko ya mihanzu yo saseka. Hi guwa ga hombe ga mududumela i yi hisile hi nzilo, a maravi ya yona ma hapukele.

Jeremia 12:4

Xana kala rini a tiko na gi keta. A khubyanyi na gi woma mikoveni. Hi kota ya kubiha ka lava va akileko lomo ke? A zihari ni zinyanyani za lova, Hakuva ve ngalo: A nga ta wona kugumelwa ka hina.

Jeremia 14:16

A vanhu lavo va nga profeta kabye va ta hoxwa maruweni ya Jerusalema hi kota ya ndlala ni supado, ku nga tava kona wo va lahla: vona ni vasati vabye, ni vana vabye va xinuna ni va xisati; hakuva mina nzi ta chulula kubiha kabye hehla kabye.

Jeremia 17:27

Kanilezi loku mu nga nzi ingisi, mu nga basisi a siku ga sabado, kanilezi mu rwala a minzhwalo ni ku enghena nayo hi tinyangwa ta Jerusalema hi siku ga sabado; zonake nzi ta dzivela a nzilo tinyangweni ta wona, wu hisa tiyindlu ta wuhosi ta lomu Jerusalema, a nzilo lowu wu nga ta timiwa. Ezek. 20:47; Hos. 8:14

Jeremia 17:4

Hi nanzu wa wena wutsumbu u ta lahlekelwa hi tshomba ya wena leyi nzi ku nyikileko; nzi ta ku maha u tirela a valala va wena a tikweni legi u nga gi tiviko. Hakuva mu dzivele a nzilo wa zanga ya mina lowu wu ta nga vura kala kupinzuka.

Jeremia 18:23

Kanilezi wena Jehova wa gi tiva A kungo gabye gontlhe go hlota ku nzi daya; U nga tsetseleli a kubiha kabye, Hambu a ku vinya a xionho xabye mahlweni ka wena; A va khunguvanyeka mahlweni ka wena, Va mahele lezi xikhatini xa zanga ya wena.

Jeremia 21:12

Nwina yindlu ya ka Davida, Jehova i ngalo: Lamulani hi kululama na ga hi mixo; mu ponisa loyi a phangiwako mandleni ya loyi a mu tsimbeketako; kasi a zanga ya mina yi nga vuri kota nzilo, yi hisa lezaku ku vumaleka ni mutimeli, zi maha lezo hi kota ya kubiha ka zimaho za nwina.

Jeremia 42:18

Hakuva Jehova wa tiyimpi, a Nungungulu wa Israeli, i ngalo: Laha mu ta nga enghena Gipite nzi ta chulula a zanga ya mina hehla ka nwina, khwatsi hilezi nzi nga yi chululisisa zona hehla ka vaaki va Jerusalema. Mu tava xiruko ni xirewukiso, mu rukiwe ni ku xanziwa; mu nga ta ha wona legi wutshamu.

Jeremia 44:6

Hikwalaho a khulo ga mina ni zanga ya mina zi lo chululeka zi vura lomu mitini ya ka Juda ni lomu maruweni ya Jerusalema; inyamutlha lezi zi hahlulwe zi maha marumbi.

Jeremia 6:11

Hikwalaho nzi tele hi zanga ya Jehova, Nzi karele hi ku ti khoma. Yi chulule hehla ka vanana lomu maruweni, Ni hehla ka tihlengeletano ta majaha, A nuna ni sati va ta khonwa zinwe, A zikhosana ni loyi a teleko hi masiku.

Jeremia 6:12

A tiyindlu tabye ti ta nyikiwa vanwani, Zinwe ni masimu yabye ni vasati vabye; Hakuva nzi ta tshambuluta a canja ga mina Hehla ka vaaki va tiko, ku wula Jehova. Deut. 28:30; Mik. 5:2

Jeremia 8:13

Nzi ta va lovisa bhi, ku wula Jehova. A ku na mauva sinyeni ya vina, Hambu a makuwu nkuweni, Na wona matluka ma womile. Lezi nzi va nyikileko zi ta pswonyoka kabye. Isa. 5:5; Lu. 13:6

Mikosi 4:11

Jehova i mbhetisile a khulo gakwe, i chulule a zanga yakwe yo tshisa; I dzivele a nzilo le Zioni, lowu wu hisileko a ziseketelo za gona.

Ezekieli 22:22

Mu ta nyekiswa xikari ka wona ku fanana ni siliva yi nyekiswako lomu nzhimbyeni; zonake mu ta zi tiva lezaku mina Jehova nzi chulule a zanga ya mina hehla ka nwina.

Ezekieli 7:12

A xikhati xi chikele, a siku ga tshinela. Loyi a xavako a nga tsaki, ni loyi a xavisako a nga tsanwi; hakuva a zanga yi hehla ka xidlemo xontlhe xa kona.

Ezekieli 7:14

Va bile mpunzu, va longisile zontlhe, kanilezi a nga kona a yako yimpini; hakuva a zanga ya mina yi hehla ka xidlemo xabye xontlhe.

Danieli 9:11

A vaIsraeli vontlhe va hambunyetile a nayo wa wena, va ku fularela, va nga ingisi a gezu ga wena. Hikwalaho a nzhukano yi chululwe hehla ka hina, ni xifungo lexi xi tsalilweko nayweni wa Mosi a nanza ga Nungungulu, hakuva hi mu onhele. Levi 26:14; Deut. 27:15; 28:15

Levi 26:28

zonake nzi ta mu vukela hi zanga, nzi mu tsayisa kambe ntlhanu wa makhati ni mambiri hi kota ya zionho za nwina.

Nahume 1:6

Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.

Zefania 1:2

Nzi ta lovisa zontlhe lezi zi nga kona misaveni, ku wula Jehova.

Zefania 1:3

Nzi ta lovisa a vanhu ni zihari, nzi lovisa tinyanyani ta tilo ni zidluwani za bimbi, a zikhunguvanyiso ni lava vobiha; nzi ta fuvisa vanhu laha misaveni, ku wula Jehova.

Zakaria 7:12

Va lo nonohisa timbilu tabye tiku khwatsi i daimani, lezaku va ngazwi a nayo ni timhaka leti Jehova wa, tiyimpi a nga ti rumele hi Moya wakwe hi nomu wa vaprofeti va kale; hikwalaho ku lo huma a zanga ya hombe hi ka Jehova wa tiyimpi.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Mateu 3:12

A lihlelo lakwe li le canjeni gakwe, yena i ta swiyelisisa a wuhulelo gakwe, a hlengeletela a mavele yakwe magombeni yakwe, kanilezi a mungu i ta wu hisa hi nzilo wu nga timekiko. Mal. 3:3; Xip. 13:30

Kuvululelwa 14:10

yenawu i tanwa a vinya ga zanga ya Nungungulu, legi gi chelilweko gombeni ga zanga yakwe gi nga luhlanywangiko; i ta xaniswa hi nzilo ni solufa mahlweni ka tingelosi to basa ni mahlweni ka Yivana. Tis. 75:8; Isa. 51:17; Jer. 25:15; Zip. 16:19; 18:6; 19:20; 20:10