Jeremia 7:18 - Tshwa Bible

¹⁸ A vanana va wungeletela tihunyi, a vararu va dzivela nzilo, ni vavasati va vuva mapa, kasi ku maha zikhekhetselo ka muzinza wa tilo; na va nyikela minyikelo ya zakunwa a ka vanwani vanungungulu, kasi ku nzi vuxela zanga.

Jeremia 7:18 Mawu Ofanana

1 Tihosi 14:9

Wena u mahile kubiha ku hunza vontlhe lava va ku rangeleko; u ti mahele vanungungulu vanwani va zifananiso zi nyekisilweko u nzi zangarisa, u nzi fularela.

1 Tihosi 16:2

Mina nzi ku tlakusile lomu tshurini, nzi ku yimisa a kuva murangeli wa vanhu va mina va ka Israeli; kanilezi wena u lanzele a ndlela ya Jeroboamu u onhisa a vanhu va mina, a va ka Israeli, va nzi zangarisa hi zionho zabye.

Tisimu 16:4

Kanilezi lava va ti yimiselako vanwani vanungungulu, Ku ta enzeleka kuxaniseka kabye; A miphahlo yabye ya nkhata cima nzi nga ta yi nyikela, Ge hambu ni ku kumbuka a mavito yabye hi milomu ya mina.

Isaya 3:8

Hakuva Jerusalema gi hahlukile, na Juda i wile, hakuva a tirimi tabye ni zimaho zabye zi vukele Jehova, va tsanwisile a mahlo ya wukulu gakwe.

Isaya 57:6

A xiavelo xa wena hi maribye yo retemuka ya nkova, Hi yona a tshomba ya wena leyo. Hi wona lawo u ma phahlelako hi vinya, Ni xinyikiwo xa mapa. Nzi ta xalaliswa hi lezo zilo ke?

Isaya 65:11

Kanilezi nwina lava mu tsikako Jehova, Mu rivalako a xitsunga xa mina xa kubasa, Mu longiselako Gadi a meza, Mu khelako Meni a vinya;

Isaya 65:3

I tiko legi gi nzi zangarisako xontlhe xikhati Hi ku phahlela lomu masinwini, Ni ku hisa tibani hehla ka ma alati ya zitini;

Jeremia 1:16

Zonake nzi ta hlawutela a kulamula ka mina hehla kabye hi kota ya kubiha kabye kontlhe, hakuva va nzi tsikile, va ya hisa tibani ka vanwani vanungungulu, ni ku khozela a mitiro ya mandla yabye wutsumbu.

Jeremia 11:17

Hakuva Jehova wa tiyimpi loyi a nga ku byala, i ta rumela makhombo hehla ka wena, hi kota ya kubiha loku ku mahilweko hi yindlu ya ka Israeli ni yindlu ya ka Juda, va nzi zangarisa hi ku hisa a libani ka Baali.

Jeremia 17:2

a vana vabye na va alakanya a maganzelo yabye ni zifananiso zabye za Axera lahasi ka tisinya to nyuka lomu migangeni.

Jeremia 19:13

A tiyindlu ta Jerusalema, ni tiyindlu ta tihosi ta ka Juda, ti tava ni chaka kota a wutshamu ga Tofete, ti nga tiyindlu tontlhe leti ku hisilweko langweni ya tona a libani ka butho gontlhe ga tilo, laho va nyikeleko a minyikelo ya zakunwa ka vanwani vanungungulu.

Jeremia 25:7

Hambu lezo a mu nzi ingisangi, ku wula Jehova, lezaku kasi mu vindlukisa a zanga ya mina hi mitiro ya mandla ya nwina, kasi ku ti hala khombo ha nwece.

Jeremia 32:29

A maKaldea ma vimbezelako muti lowu, va ta enghena ka wona va wu hisa hi nzilo, va hisa ni tiyindlu tontlhe leti ku hiselweko ka tona a tibani ka Baali, ni ku nyikelwa a minyikelo ya kunwa ka vanungungulu vanwani, kasi ku nzi zangarisa.

Jeremia 44:25

Jehova wa tiyimpi, a Nungungulu wa Israeli, i ngalo: Nwina ni vasati va nwina mu tatisile hi mandla ya nwina lezi mu nga wulile hi milomu ya nwina, muku: Futsi hi ta tatisa a zifungo za hina lezi hi zi fungileko, za ku hisela a muzinza wa tilo a libani, hi mu phahlela hi zakunwa. Tiyisanike a zifungo za nwina, mu zi tatisa!

Jeremia 44:4

Nzi lo khanzakanya nzi mu rumela a malanza ya mina, va nga vaprofeti, va taku ngalo: Mu nga maheni a manyalataniso lawa nzi ma vengako!

Jeremia 7:17

Xana a ku woni lezi va zi mahako lomu mitini ya ka Juda ke? ni lomu maruweni ya Jerusalema?

Mikosi 5:13

A majaha ma rwexilwe a maribye ya zigayo, A vanana va wile lahasi ka tinyanza ta tihunyi.

Ezekieli 16:26

U mahile wuoswi ni vaGipite kambe, a vaakelane va wena va nga ni nyama ya hombe; u vindlusile a zanga ya mina hi kutala ka wuoswi ga wena. Ekso. 32:1; Ezek. 20:7

Ezekieli 20:28

Hakuva laha nzi nga va enghenisile a tikweni legi nzi nga hlambanya lezaku nzi ta va nyika gona, a ka xihi xitsunga xo tlakuka va nga xi wona, ni ka tontlhe tisinya to tlhuma va lo mahela ka zona a miphahlo yabye, va nzi zangarisa hi minyikelo yabye; va hisa kambe ni muri wa masema yo nuhela, va chulula kona a minyikelo yabye ya kunwa.

Ezekieli 8:16

I lo nzi yisa hubyeni ya lomu xikari ka yindlu ya ka Jehova. Languta, laha nyangweni ya tempeli ya Jehova, xikari ka nyangwa ni alati, ku wa hi ni Xipimo xa 25 wa vavanuna, na va fularele a tempeli ya Jehova, a tinghohe tabye na ti cuwukile Mutsuwuka-gambo, na va khozela a gambo hi tlhelo ga Mutsuwuka-gambo, 2 Tih. 23:5, 11

Ezekieli 8:17

Zonake i te ngalo ka mina: Nʼwana wa munhu, wa zi wona lezi ke? Xilo xo hehuka ka yindlu ya ka Juda a ku maha manyalataniso khwatsi hi lezi va zi mahako laha ke? Hakuva va tatile a tiko hi tihanyi, va tlhela va vuxa a zanga ya mina; languta, va tshineta a ravi tinhovini tabye.

1 Va le Korinte 10:22

Xana ha yi vuxela xiluse a Hosi ke? Xana ha yi hunza hi ntamu ke? Ekso. 22:14

Deuteronome 32:16

Va vuxile xiluse xakwe hi vanwani vanungungulu, Va mu zangarisile hi manyala.

Deuteronome 32:21

Vona va nzi vuxele xiluse hi lezi zi nga hiko Nungungulu, Va nzi zangarisile hi zilo zabye za hava; Nzi ta va vuxela xiluse hi lezi zi nga hiko vanhu, Nzi ta va zangarisa hi matiko ya zipumbu.

Deuteronome 4:19

Ni loku u tlakusa a mahlo ya wena le tilweni u wona gambo ni hweti, ni tinyeleti, ni wontihe mabandla ya le tilweni, u nga dzuki u navela ku khizama mahlweni ka zona u zi khozela; hakuva Jehova Nungungulu wa wena i nyikile lezi zilo ka wontihe matiko ma nga lahasi ka tilo, lezaku zi tava tshomba ya wona. 2 Tih. 21:5; Jer. 8:2