Jeremia 7:11 - Tshwa Bible

¹¹ Xana a yindlu leyi yi vitanwako hi vito ga mina, yi mahile a bako ga vaphangi a mahlweni ka nwina ke? Kunene, na minawo nzi zi wonile, ku wula Jehova. Isa. 56:7; Lu. 19:46

Jeremia 7:11 Mawu Ofanana

2 Kronekele 6:33

zonake ingisa wena na u hi kwaleyo tilweni, laho u akileko kona, u maha zontlhe lezi a wamatiko a zi kombelako ka wena; kasi a vanhu vontlhe va misava va fela ku zi tiva lezaku a vito ga wena gi khongeliwa lomu ndlwini leyi nzi yi akileko, va ku chava kukotisa tiko ga wena ga Israeli.

Isaya 1:12

Laha na muta mahlweni ka mina, himani a mu rumileko a ku kanzihela a tihubye ta mina ke?

Isaya 56:7

Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. 1 Tih. 8:41; Mat. 21:13; Lu. 19:46

Jeremia 2:34

Ni lomu minzhungweni ya nguwo ya wena ku kumiwa a nkhata Wa zisiwana lezi zi nga hiko na nanzu, Lava u nga va kumangiko na va bhoxa a yindlu ya wena, Kanilezi u va dele, hakuva u ranza a zakunghahi. Ekso. 22:2

Jeremia 23:24

Xana munhu a nga fihlala matshanwini ya zihundla lezaku nzi nga mu woni ke? ku wula Jehova. Xana a nzi tatisi a tilo ni misava ke? ku wula Jehova.

Jeremia 29:23

Hakuva va mahile wupumbu lomu ka Israeli, va bhaya ni vasati va vaakelwane, ni ku wulawula timhaka ta mawunwa vitweni ga mina, leti nzi nga va layangiko. Mina nza zi tiva, niku nzi mboni, ku wula Jehova.

Jeremia 7:10

Zonake mu ta yima; mahlweni ka mina a ndlwini leyi, yi vitanwako hi vito ga mina, muku: Hina hi ponile! na kasi ma ha engeta mu maha wontihe manyala lawo.

Ezekieli 35:13

Mu ti kulisile ka mina hi milomu ya nwina, mu nzi tatela timhaka ta ku nzi vukela; nzi zi zwile.

Danieli 9:18

Nungungulu wa mina, demba ndleve ya wena uzwa; vulula a mahlo ya wena u wona a marumbi ya hina, ni muti lowu wu vitanwako hi vito ga wena. Hakuva a hi veki mikombelo ya hina mahlweni ka wena hi kota ya kululama ka hina, kanilezi hi kota ya wuxinji ga wena ga hombe. Isa. 37:17; Tit. 3:5

Mateu 21:13

aku ngalo ka vona: Ku tsalilwe ku ngalo: A yindlu ya mina yi ta tibyiwa ku ngalo i yindlu ya kukhongela; kanilezi nwina mu yi mahile a bako ga vaphangi. Jer. 7:11; Mar. 11:17; Lu. 19:46

Marku 11:17

I lo va gonzisa, aku: A ku tsaliwangi lezaku: A yindlu ya mina yi ta vitanwa a yindlu ya kukhongela ya matiko wontihe? Kasi ke nwina mu yi mahile a mhako ya vaphangi. Isa. 56:7; Jer. 7:11

Johani 2:16

Aku ngalo ka lava va nga xavisa matuva: Susani lezi zilo laha; a yindlu ya Dadani mu nga yi mahi a yindlu ya mabhinzu. Lu. 2:49

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.