Jeremia 7:10 - Tshwa Bible

¹⁰ Zonake mu ta yima; mahlweni ka mina a ndlwini leyi, yi vitanwako hi vito ga mina, muku: Hina hi ponile! na kasi ma ha engeta mu maha wontihe manyala lawo.

Jeremia 7:10 Mawu Ofanana

1 Tihosi 9:3

Jehova i te ngalo kakwe: Nzi zwile a mukhongelo wa wena ni kukombela loku u ku kombelileko mahlweni ka mina. Mina nzi basisile a yindlu leyi u yi akileko, a kuva yi lumba a vito ga mina kala kupinzuka; a mahlo ya mina ni mbilu ya mina zi tava kona kala kupinzuka. Deut. 12:11; Tis. 132:14

2 Tihosi 21:4

I lo aka a alati lomu ndlwini ga Jehova, lomu Jehova a nga wa te ngalo: Nzi ta veka a vito ga mina le Jerusalema. Deut. 12:5; 1 Tih. 8:29

2 Kronekele 33:4

I lo aka a maalati lomu ndlwini ya Jehova, leyi yena Jehova a nga ku ngalo: A vito ga mina gi ta tshama lomu Jerusalema kala kupinzuka. Deut. 12:5; 2 Sam. 7:10, 13

2 Kronekele 33:7

I lo yimisa a xifananiso xi vatlilweko, lexi a nga xi maha yena, lomu ndlwini ya Nungungulu, leyi Nungungulu a ngaku ka Davida ni ka nʼwana wakwe Solomoni: Ndlwini leyi ni mutini lowu nzi wu hlawuleko xikari ka tontlhe tixaka ta va ka Israeli, nzi ta veka a vito ga mina kala kupinzuka.

Mavingu 15:8

A muphahlo wa va kubiha manyala ka Jehova; anilezi i tsakiswa hi mukombelo wa valulamileko.

Isaya 48:2

Hakuva va ti vitana hi vito ga muti wu basileko, Va ti seketela hi Nungungulu wa ka Israeli, Loyi a vito gakwe a nga Jehova wa tiyimpi.

Jeremia 32:34

Kanilezi va yimisile a manyala yabye a ndlwini leyi yi vitwako hi vito ga mina, va yi nyenyezisa. 2 Tih. 21:4; Jer. 7:30

Jeremia 34:15

Makunu mu wa hunzulukile, mu maha lezi zi lulamileko mahlweni ka mina, hi kuba hungu hi kutlhatlheka munwe ni munwani ka muakelwane wakwe; mu wa mahile a xivumelwano zinwe na mina lomu ndlwini leyi yi vitwako hi vito ga mina.

Jeremia 44:9

Kasi mu rivele a kubiha ka vakoko va nwina, ni kubiha ka tihosi ta ka Juda, ni kubiha ka vasati vabye, ni kubiha ka nwina wutsumbu, ni kubiha ka vasati va nwina loku va ku mahileko lomu tikweni ga ka Juda ni lomu maruweni ya Jerusalema ke?

Jeremia 7:11

Xana a yindlu leyi yi vitanwako hi vito ga mina, yi mahile a bako ga vaphangi a mahlweni ka nwina ke? Kunene, na minawo nzi zi wonile, ku wula Jehova. Isa. 56:7; Lu. 19:46

Jeremia 7:14

Hikwalaho nzi ta maha ka leyi yindlu yi vitwako hi vito ga mina, yaloyi mu yi tsumbako, ni ka wutshamu legi nzi gi nyikileko ka nwina ni ka vararu va nwina, kotisa lezi nzi mahileko ka Xilo. 2 Kro. 7:16

Jeremia 7:30

Hakuva a vanana va ka Juda va mahile kubiha a mahlweni ka mina, ku wula Jehova; va enghenisile a manyalataniso yabye lomu ndlwini yi vitanwako hi vito ga mina, va yi nyenyezisa.

Ezekieli 20:39

Kasike a ka nwina va yindlu ya ka Israeli, Hosi Jehova i ngalo: Fambani nwentlhelele mu ya khozela zifananiso za nwina. Kanilezi anzhako ka lezo mu ta nzi ingisa, mu nga ha nyenyezisi a vito ga mina hi minyikelo ya nwina ni zifananiso za nwina.

Ezekieli 23:29

Ya ta ku khoma hi tihanyi ta livengo, va susa a bhinzu ga mitiro ya wena, va ku siya na u hi ximbyiri u nga hi na nchumu; a wumbyiri ga wubhayi ga wena gi ta vumbululwa, a kubiha ka wena ni wubhayi ga wena.

Ezekieli 23:37

Hakuva va bhayile, a nkhata wu namarela mandleni yabye, va bhayile ni zifananiso zabye; ni vana vabye lava va nga nzi belekela, va va nyikele, a kuva kuga ka zona,

Ezekieli 23:39

hakuva a siku gwalego va nga wa dayele zifananiso a vana vabye, va lota ndlwini ya mina yo basa va ta yi nyenyezisa; hizalezo va nga mahisa zona ndlwini ya mina.

Ezekieli 33:25

Hikwalaho wulawula ka vona, uku: Hosi Jehova i ngalo: Muga nyama yi nga ni nkhata, mu tlakusela a zifananiso a mahlo ya nwina, mu halata nkhata; mu ta fumela a tiko ke? Gen. 9:4; Levi 19:26; Ezek. 18:6

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Ezekieli 5:11

Hikwalaho khwatsi hilezi nzi hanyako, ku wula Hosi Jehova, kota lezi u nyenyezileko a yindlu ya mina yo basa hi zilo za wena zo nyenyeza, ni manyala wontihe ya wena, nzi ta ku bakanya, a tihlo ga mina gi nga ta ku nyenyeletela, nzi nga ta ku hawukela.

Danieli 9:18

Nungungulu wa mina, demba ndleve ya wena uzwa; vulula a mahlo ya wena u wona a marumbi ya hina, ni muti lowu wu vitanwako hi vito ga wena. Hakuva a hi veki mikombelo ya hina mahlweni ka wena hi kota ya kululama ka hina, kanilezi hi kota ya wuxinji ga wena ga hombe. Isa. 37:17; Tit. 3:5

Hosea 6:9

Khwatsi mitlhawa ya vaphangi lawa ma xiyako vanhu, hilezo a xidlemo xa vapristi va daya vanhu lomu ndleleni yi yako Xekemi; ina, va maha wugevenga.

Amosi 4:5

Mahani miphahlelo ya kubonga hi lezi zi comelweko, muba nyiwo hi minyikelo leyi yi mahiwako hi kuxuva ka munhu; hakuva mu ranza lezo, nwina vanana va ka Israeli, ku wula Hosi Jehova. Levi 2:11; 7:12

Zefania 1:5

ni lava va khozelako a yimpi ya tilo na va hi hehla ka tiyindlu; ni lava va khizamelako va hlambanya ha Jehova, va tlhela va hlambanya ha Malkamu.

Malaki 3:15

Makunu hi ngalo a vamatshanza va katekile. Ina, va vuvuma lava va mahako kubiha; va phika Nungungulu, va huluka.

Mateu 23:13

Kanilezi khombo a give ka nwina vatsali ni vaFarisi, nwina vaxengeteli! Hakuva mu valela vanhu a mufumo wa tilo; nwina wutsumbu a mu engheni, hambu ni ku va vumela va enghena lava va ranzako ku enghena.

Johani 13:18

A nzi wulawuli ha nwina nwentlhe; nza tiva lava nzi va hlawulileko; aku kasi wu fela ku tatiseka a mutsalo lowu wu nge ngalo: Loyi a gako zibaba za mina, i nzi tlakusele xirenze. Tis. 41:9; Mat. 26:23

Johani 18:28

Zonake va lo huma na Jesu le ka Kayafasi, va mu yisa ndlwini ya wuhosi, yi wa hi mixo nguvu. Vona a va enghenangi ndlwini ya wuhosi, va nga ti nyenyezisa, kasi va ta zi kota kuga a pasika. Mat. 27:2; Mar. 15:1; Lu. 23:1; Miti. 3:13; 10:28; 11:3