Jeremia 6:19 - Tshwa Bible

¹⁹ Ingisa, o misava: Nzi ta neha a khombo hehla ka tiko legi, wu nga mbhanzu wa maalakanyo yabye; hakuva a va ingisangi a timhaka ta mina, va kanyisile a nayo wa mina.

Jeremia 6:19 Mawu Ofanana

Mavingu 15:26

A maalakanyo ya wa kubiha manyala ka Jehova; anilezi a timhaka ti nene ta mu tsakisa.

Mavingu 28:9

Loyi a valako ndleve yakwe legaku a ngazwi nayo, i mukombelo wakwe wu tava manyalataniso.

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 59:7

A mikonzo yabye yi tsutsumela kubiheni, Yi hatlisela ku ya halata a nkhata wu nga hiko na nanzu; A maalakanyo yabye maalakanyo ya kubiha, A kuhahlula ni kulovisa zi lomu tindleleni tabye.

Isaya 66:18

Hakuva nza yi tiva mitiro yabye ni maalakanyo yabye. A xikhati xata laha nzi ta nga tsombanyisa a matiko wontihe ni tirimi; va tata va ta wona kungangamela ka mina.

Jeremia 11:11

Hikwalaho Jehova i ngalo: Nzi ta neha khombo hehla kabye, va nga ta huluka ka gona; va ta rila ka mina, kanilezi nzi nga ta va ingisa. Mav. 1:28; Isa. 1:15

Jeremia 15:6

U nzi tsikile, ku wula Jehova, U tlhelele nzhako. Hikwalaho nzi nawulutile a canja ga mina nzi ku lovisa. Nzi karele hi ku ku tsetselela.

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 19:3

Uku: Zwanani a mhaka ya Jehova, nwina tihosi ta Juda, na nwina vaaki va Jerusalema; Jehova wa tiyimpi, a Nungungulu wa ka Israeli i ngalo: Langutani, nzi ta neha khombo wutshanwini legi, lego kani hi mani a to gizwa a tindleve takwe ti ta tinga. 1 Sam. 3:11; 2 Tih. 21:12

Jeremia 21:14

Nzi ta mu tsayisa maringano ni mbhanzu wa zimaho za nwina, ku wula Jehova. Nzi ta dzivela nzilo khwatini ga nwina, wu ta lambuxa zontlhe zi nga lahandle ka muti. Mav. 1:31

Jeremia 22:29

O tiko, tiko, tiko! ingisa a mhaka ya Jehova!

Jeremia 29:19

hakuva a va ingisangi a timhaka ta mina, ku wula Jehova, laha nzi nga va rumela a malanza ya mina vaprofeti hi kusimamisilweko. Kanilezi a mu zwangi, ku wula Jehova.

Jeremia 4:14

Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

Jeremia 4:16

Byelani matiko, mu tivisa Jerusalema, Lezaku a vavimbezeli vata hi le tikweni ga le kule, Va huwelela hi magezu yabye a ku vukela a miti ya ka Juda.

Jeremia 4:4

Mahani zitshiva ka Jehova, Mu susa a dewu ga timbilu ta nwina, Nwina vavanuna va ka Juda ni vaaki va Jerusalema, Kasi a zanga ya mina yi nga ta vutsuka kota nzilo, Wu vura lezaku wu nga timiwi, Hi kota ya kubiha ka mitiro ya nwina. Deut. 10:16; Rom. 2:28; Kol. 2:11

Jeremia 49:37

Nzi ta maha Elami a mbhela ntamu mahlweni ka valala vabye, a mahlweni ka lavo va hlotako wutomi gabye. Nzi ta va nehela khombo, yi nga zanga ya mina, ku wula Jehova. Nzi ta ruma a supado yi va lanzela kala vontlhe vaku bhi.

Jeremia 6:10

Nzi ta byela mani, Nzi maha wumboni kasi va ingisa ke? A tindleve tabye makhuna, a va zi koti kuzwa. A mhaka ya Jehova i nzhukano kabye, a va yi ranzi.

Jeremia 6:18

Hikwalaho, nwina vamatiko, ingisani; na wena hlengeletano, tiva lezi zi va humelelako!

Jeremia 8:5

Hikuyini lava vanhu va Jerusalema va hluwuka hi kusimamisilweko ke? Va tiyile kukhohlakaleni, va ala ku wuya.

Jeremia 8:9

A titlhari tite koyo tingana, Ta rurumela ni ku khomiwa. Ti kanetile a mhaka ya Jehova, Mbutivi muni ti nga nago ke? Deut. 4:6; Joba 5:13; 1 Kor. 3:19

Danieli 9:11

A vaIsraeli vontlhe va hambunyetile a nayo wa wena, va ku fularela, va nga ingisi a gezu ga wena. Hikwalaho a nzhukano yi chululwe hehla ka hina, ni xifungo lexi xi tsalilweko nayweni wa Mosi a nanza ga Nungungulu, hakuva hi mu onhele. Levi 26:14; Deut. 27:15; 28:15

Hosea 10:13

Mu rimile kubiha, mu tshovela kugoha; mu gile a mihanzu ya mawunwa, hakuva u tsumbile a ndlela ya wena, ni wunyingi ga tinhenha ta wena.

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Amosi 2:4

Jehova i ngalo: Hi kota ya zionho zinharu za Juda, kutani mune wa zona, nzi nga ta susa a xitsayiso, hakuva va alile a nayo wa Jehova, a va hlayisangi a zilayelo zakwe; a vanungungulu vabye va mawunwa va va hambukisile, lava a vararu vabye va nga va lanzela. Vala. 2:11

Mika 1:2

Nwina matiko wontlhe, ingisani! Zwana wena misava, ni zontlhe lezi zi nga ka wena! Hosi Jehova i na ni wukustumunyu go mu vukela, yona a Hosi leʼyi nga tempeleni ya yona yo basa. Deut. 32:1; Isa. 1:2

Mika 6:2

Nwina zitsunga, zwanani a keco ya Jehova, na nwina ziseketelo zi tiyileko za misava; hakuva Jehova i na ni mhaka ni vanhu vakwe, i ta ranisa Israeli.

Johani 12:48

Loyi a nzi alako, a nga amukeliko a timhaka ta mina, i na ni mulamuli loyi a mu lamulako; a mhaka leyi nzi nga yi wulawula, hi yona leyi yi ta nga mu lamula hi siku go gumesa. Deut. 18:19; Mar. 16:16; Lu. 10:16

Mitiro 8:22

Hikwalaho hunzuluka kubiheni ka wena, u kombela ka Hosi, kutani u nga tsetselelwa a kualakanya ka mbilu ya wena.

Deuteronome 30:19

Inyamutlha mina nza vitana a tilo ni misava a kuva vakustumunyu va mina, lezaku mina nzi vekile mahlweni ka nwina a wutomi ni kufa, a zikatekiso ni makhombo. Hikwalaho hlawula wutomi kasi wa fela ku hanya, wena ni pswalo wa wena;

Deuteronome 32:1

Nwina matilo! zwanani, nzi ta wulawula; Ni misava a yi ingise timhaka ta nomu wa mina!

Deuteronome 4:26

mina nza vitana nyamutlha a tilo ni misava a kuva vakustumunyu vo mu kecara, lezaku nwina mu ta yafa hi kuhatlisa a tikweni lego mu yako ku ya gi fumela, le tlhatukweni wa Jordani, cima nwina mu nga ta simama ni masiku ya nwina mu hanya, hakuva mu ta ya lobyiswa hakunene.

1 Samueli 15:23

Hakuva a kuhluwuka ku fanana ni wutumbe, ni xikanikani xi fanana ni ku khozela xifananiso ni terafime. Makunu kota lezi u alileko a gezu ga Jehova, yenawu i ku alile; u nga ha ta kuva hosi kambe.

1 Samueli 15:26

Samueli i te ngalo kakwe: A nzi na ku famba na wena, hakuva u hoxile a gezu ga Jehova, yenawu Jehova i ku hoxile, kasi u nga ha mahi hosi ya va ka Israeli.