Jeremia 6:12 - Tshwa Bible

¹² A tiyindlu tabye ti ta nyikiwa vanwani, Zinwe ni masimu yabye ni vasati vabye; Hakuva nzi ta tshambuluta a canja ga mina Hehla ka vaaki va tiko, ku wula Jehova. Deut. 28:30; Mik. 5:2

Jeremia 6:12 Mawu Ofanana

1 Kronekele 21:16

Laha Davida a nga tlakusa a mahlo yakwe i lo wona a ngelosi ya Jehova na yi yima laha xikari ka tilo ni misava, na yi welele supado canjeni ga yona yi tlakusela Jerusalema. Zonake Davida ni masingalakati va lowa lahasi hi tinghohe tabye na va ambele a tinguwo ta tisakwa.

Isaya 10:4

Mu ta zi kota ku korama xikari ka tiperesu ntsena, Hambu kuwa lahasi ka zirumbi za va delweko. Hambu lezo, a zanga yakwe a yi rengangi, Ni canja gakwe ga ha nawulukile.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Isaya 9:12

A maSiria hi Mutsuwuka-gambo, ni Mafilistia hi le Mupela-gambo; Va ta khadamula Israeli hi nomu wu ahlamileko. Hambulezo, a zanga yakwe a yi rengangi, Ni canja gakwe ga ha nawulukile.

Isaya 9:17

Hikwalaho Jehova a nga ta xalaliswa hi majaha ya gona, Ge hambu ku hawukela a zisiwana ni tinoni; Hakuva vontlhe vakhohlisi ni vaonhi, Yontlhe milomu yi wulawula wupumbu. Hambu lezo, a zanga yakwe a yi rengangi, Ni canja gakwe ga ha nawulukile.

Isaya 9:21

Manase i taga Efraime, na Efraime aga Manase; Hi wumbiri gabye va ta vukela Juda. Hambu lezo, a zanga yakwe a yi rengangi, Ni canja gakwe ga ha nawulukile.

Jeremia 15:6

U nzi tsikile, ku wula Jehova, U tlhelele nzhako. Hikwalaho nzi nawulutile a canja ga mina nzi ku lovisa. Nzi karele hi ku ku tsetselela.

Jeremia 21:5

Mina wutsumbu nzi talwa na nwina hi canja gi tlakusilweko, hi woko ga ntamu, ni zanga, ni khulo ni xiviti xa hombe. Deut. 29:28

Jeremia 38:22

Languta, a vavasati vontlhe lava va seleko a ndlwini ya hosi ya ka Juda va ta yiswa ka tihosana ta hosi ya Babuloni; a vavasati lavo va taku: A vanghana va wena va ku kanganyisile, Ve ku hlulile; A milenge ya wena yi kari yi njhibila maropeni, Vona na va tlhelele nzhako! Obad. v. 7

Jeremia 38:23

A vasati va wena vontlhe ni vana va wena va ta yisiwa ka maKaldea, na wena u nga ta huluka a canjeni gabye, kanilezi u ta khomiwa hi canja ga hosi ya Babuloni; ni muti lowu wu ta hiswa hi nzilo hi kota ya wena.

Jeremia 7:20

Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Jeremia 8:10

Hikwalaho nzi ta nyikela a vasati vabye ka vanwani, Ni masimu yabye ka lava va ta nga ma wutla. Hakuva vontlhe va ti nyiketile kunaveleni, Kusukela ka ntsongwani kala ka wahombe. A vaprofeti ni vapristi vontlhelele va kanganyisa.

Mikosi 2:8

Jehova i xuvile ku khungumula a khurisi ga nhanyana wa Zioni; I tshambulutile a lingoti, a nga khanyetangi woko gakwe a tsika ku gi onha; Kanilezi i mahile a ligingisi ni khurisi ziba nkosi, zi onhekile khatiginwe. 2 Tih. 21:13; Zak. 1:16

Mikosi 3:3

Kambe ni kambe i nzi hunzulusela canja gakwe A siku gontlhe.

Mikosi 5:11

Va pfinyele vavasati le Zioni, Ni vanhwana lomu mitini ya ka Juda.

Mikosi 5:2

A tshomba ya hina yi nyikilwe a vamatiko, A tiyindlu ta hina ti le mandleni ya vahleva. Deut. 28:30

Mikosi 5:3

Hi mahilwe zisiwana, a hi na vabeleki, A vamamani va hina va fana ni tinoni.

Ezekieli 35:3

uku ka xona: Hosi Jehova i ngalo: Nzi yimekeiene na wena xitsunga xa Seire, nzi ta nawuluta a canja ga mina nzi ku vukela, nzi ku maha marumbi ni xirewukiso.

Ezekieli 7:24

Hikwalaho nzi ta va nehela a vamatiko vo biha nguvu, va ta ta teka tiyindlu tabye. Nzi ta bohlisa a matshanza ya laʼva ntamu, a matshamu yabye ma basileko ma ta nyenyeziswa.

Mika 2:4

A siku lego va ta mu xelembenza hi lisimu, va taba nkosi hi lisimu la xirilo, vaku: Hakunene hi Iovile! I nyikela vanwani a tshomba ya tiko ga hina. Hikuyini a nzi wutleleko gona? I avele a masimu ya hina ka lava va hluwukileko. 2 Tih. 17:24

Zefania 1:13

A kufuma kabye ku ta phangiwa, a tiyindlu tabye ti hahlulwa. Ina, va ta aka tiyindlu, kanilezi va nga ta tshama ka tona; va ta byala zivina, kanilezi va nga tanwa a vinya ga kona. Deut. 28:30, 38; Am. 5:11

Zefania 1:4

Nzi ta nawuluta a canja ga mina hehla ka Juda, ni le hehla ka vontlhe vaaki va le Jerusalema; nzi ta lovisa a salela wa Baali wutshanwini legi, ni vito ga vapristi va zifananiso zinwe ni vapristi; 2 Tih. 23:4