Jeremia 51:5 - Tshwa Bible

⁵ Hakuva Israeli na Juda a va tsikiwangi hi Nungungulu wabye, a nga Jehova wa tiyimpi, hambu lezo a tiko gabye gi goheleko Loyi wa ku Basa wa ka Israeli.

Jeremia 51:5 Mawu Ofanana

1 Tihosi 6:13

Nzi tshama xikari ka vanana va ka Israeli, cima nzi nga ta tsika a vanhu va mina va ka Israeli. Ekso. 29:45; Levi 26:11

2 Tihosi 21:16

Ni kambe Manasa i halatile nguvu a nkhata wu nga hiko na nanzu kala a tata a Jerusalema ha wona, kusukela nyangweni yinwe ya muti kala ka yinwani nyangwa, ahandle ka zionho zakwe lezi a onhisileko ha zona va ka Juda; i mahile kubiha mahlweni ka Jehova.

Ezra 9:9

Hakuva hina hakunene hi tikhumbi, kanilezi lomu wukhumbini ga hina Nungungulu wa hina a nga hi tsikangi; kanilezi i lo hi kombisa tipswalo mahlweni ka tihosi ta vaPersia, a hi humuta, lezaku kasi hi aketa a yindlu ya Nungungulu wa hina, yi vuxiwa luswa wutshanwini ga yona, hi nyikiwa a khokhola lomu tikweni ga ka Juda ni Jerusalema.

Tisimu 94:14

Hakuva Jehova a nga ta hoxa tiko gakwe, Hambu ku tsika a tshomba yakwe.

Isaya 44:21

Alakanya timhaka leti, wena Jakobe, wena Israeli, Hakuva u nanza ga mina, nzi ku mahileko; Israeli, u nanza ga mina, nzi nga ta ku rivala.

Isaya 51:15

Hakuva nzi Jehova a Nungungulu wa wena, Loyi a vindlusako a bimbi lezaku ma gobhoza a mabyandlati ya gona; A vito gakwe hi Jehova wa tiyimpi.

Isaya 62:12

Va ta vitanwa lezaku Mbanhu va basileko, A vatirulwa va Jehova; Na wena u ta wuliwa lezaku u Loyi a labyiwako, A muti wu nga tsikiwiko.

Jeremia 14:19

Xana Juda u mu tsikele magumo ke? Kutani u ngava u swirekile mbilu hi Zioni ke? Hikuyini u hi bileko lezaku hi nga zi koti ku chumiwa ke? Hi wa lavelele kurula, kanilezi a ku tangi kusasa; Hi lavelele xikhati xo chumiwa, kasi kuchava ku kona!

Jeremia 14:9

Hikuyini uku khwatsi u munhu a dzukisilweko, U kota nhenha yi nga zi kotiko ku hanyisa ke? Kasi u kona laha xikari ka hina, O Jehova, Hi vitanwa hi vito ga wena; U nga hi tsiki!

Jeremia 16:18

Hi kuranga nzi ta va tlhelisela kambiri a kugoha kabye ni zionho zabye; hakuva va nyenyezisile a tiko ga mina hi zirumbi za manyala yabye, na va tatisile a tshomba ya mina hi manyalataniso yabye.

Jeremia 19:4

Hakuva va nzi tsikile, va hanahanisa a wutshamu legi, hakuva lomu va hisile tibani ka vanwani vanungungulu, lavo va nga va tivangiko, vona ni vakoko vabye ni tihosi ta ka Juda; va tatisile legi wutshamu hi nkhata wa va nga hiko na nanzu;

Jeremia 23:15

Hikwalaho zakunghahi a wulako Jehova xungetano hi vaprofeti: Nzi ta va gisa manonwe ni ku va gisa wutsulu; Hakuva a kungabasi ku thapela tiko gontlhe Na ku huma hi ka vaprofeti va le Jerusalema.

Jeremia 31:37

Jehova i ngalo: Loku ku pimiwa a wukulu ga matilo le hehla, Loku ziseketelo za misava zi kambiwa, Nzi ta tsika lixaka lontlhe la Israeli hi kota ya lezi va zi mahileko, ku wula Jehova.

Jeremia 46:28

U nga chavi wena Jakobe, nanza ga mina, ku wula Jehova; Hakuva nzi zinwe na wena. Hakuva nzi ta mbhetisa wontihe a matiko Lawa nzi ku hangalasileko ka wona, Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Jeremia 50:20

A masikwini ya xikhati lexo, ku wula Jehova, a kugoha ka Israeli ku ta labyiwa, kanilezi ku nga ha ta kuva kona; ni zionho za ka Juda zi nga ta kumiwa, hakuva nzi ta rivalela lava nzi ta nga va siya kota misalela.

Jeremia 51:19

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe.

Ezekieli 8:17

Zonake i te ngalo ka mina: Nʼwana wa munhu, wa zi wona lezi ke? Xilo xo hehuka ka yindlu ya ka Juda a ku maha manyalataniso khwatsi hi lezi va zi mahako laha ke? Hakuva va tatile a tiko hi tihanyi, va tlhela va vuxa a zanga ya mina; languta, va tshineta a ravi tinhovini tabye.

Ezekieli 9:9

Aku ka mina: A kugoha ka yindlu ya ka Israeli na Juda ku hunzelele a ku kula. A tiko gi tele hi nkhata, ni muti wu tele hi lunya, hakuva ve ngalo: Jehova i tsikile a tiko, Jehova a nga woni.

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Hosea 2:1

Vitanani a vanakuloni, Ammi, ni vamakwenu, Ruhama.

Hosea 2:3

Loku a nga mahi lezo nzi ta mu tlomulela tinguwo, a sala ximbyiri khwatsi hi siku lego a nga belekwa, nzi mu maha a fanana ni xiwula, a tiko gi omileko, nzi mu daya hi tora.

Hosea 4:1

Zwanani a mhaka ya Jehova, nwina vanana va ka Israeli, hakuva Jehova wa kecara a vaaki va tiko, hakuva lomu tikweni a ku na zinene, a ku na wuxinji, ge hambu ku tiva Nungungulu.

Hosea 4:2

Ku kona ntsena ku hlambanya mawunwa, ni kukhohlisa, ni kudaya, ni wukamba, ni wubhayi; va tira hi tihanyi, ku halatwa nkhata.

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Mika 7:20

U ta tsumbeka ka Jakobe, Abrahama u mu mahela Wuxinji legi u nga gi hlambanyela a vadadani va hina kaleloko.

Zakaria 12:6

Hi siku lego nzi ta maha a tihosana ta ka Juda ti ku khwatsi i mbawula ya nzilo xikari ka tihunyi, khwatsi xihlahle xa nzilo xikari ka tinyanza. Ti ta lovisa matiko ya le kusuhi hi tlhelo ga xinene ni ga xibhabha; a Jerusalema gi tava wutshanwini ga gona, kwa le Jerusalema.

Zakaria 12:8

Hi siku lego Jehova i ta vikela a vaaki va la Jerusalema; hi siku lego loye wa gome i ta ku khwatsi hi Davida, ni yindlu ya Davida yi ta ku khwatsi hi Nungungulu, yi ku khwatsi i ngelosi ya Jehova mahlweni kabye. 1 Sam. 17:50; 18:7; 2 Sam. 17:8

Zakaria 2:12

Jehova i ta fumela Juda, ava tshomba yakwe a tikweni gi basileko, a engeta a ti hlawutela Jerusalema.

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.