Jeremia 51:45 - Tshwa Bible

⁴⁵ Vanhu vanga, humani ka wona, mu ti ponisa munwe ni munwani a zangeni yo tshisa ya Jehova.

Jeremia 51:45 Mawu Ofanana

Isaya 48:20

Humani lomu Babuloni, mu chavela kule ni maKaldea, Zi tlhatlhambuteni na mu yimbelela hi kutsaka, Muba hungu kala magemetamusi ya misava, muku: Jehova i tirule nanza gakwe Jakobe! Jer. 50:8; Kuv. 18:4

Jeremia 50:28

A gezu ga lava va ponako tikweni ga Babuloni ga zwakala le Zioni, gi tlhatlhambutela, a ku ti photela ka Jehova, a Nungungulu wa hina, loyi a photelako a tempeli yakwe.

Jeremia 50:8

Humani Babuloni mu tsutsuma, mu suka lomu tikweni ga maKaldea, muku khwatsi mu timhongo leti ti rangelako mitlhambi.

Jeremia 51:50

Nwina lava mu ponileko a supado, tsutsumani mu nga yimi; alakanyani Jehova na mu hi kule, mu alakanya Jerusalema timbilwini ta nwina.

Jeremia 51:6

Humani Babuloni mu tsutsuma, a munwe ni munwani a ponise wutomi gakwe, kasi mu nga lobyiswi hi kota ya xigoho xakwe; hakuva hi xona a xikhati xa kuphota ka Jehova, i ta muha a nchachazelo wakwe. Isa. 34:8; Kuv. 18:4, 6

Jeremia 51:9

Hi ringile ku chuma Babuloni, kanilezi a nga banyangi. A hi mu tsikeni, hi ti fambela munwe ni munwani aya tikweni ga ka kabye, hakuva a kutsayiswa kakwe ku chikele le tilweni, ku tlakukile ku chikela le marefini.

Zakaria 2:7

Ho, Zioni, tsutsuma wena loyi u akileko ka nhanyana wa Babuloni!

Mitsengo 16:26

Mosi i lo byela a tlhangano wontihe aku ngalo: Humani matendeni ya vanhu lava vo biha, mu nga henyi ni nchumu xa lezi zi nga zabye, mu nga loviswa hi kota ya zionho zabye zontlhe.

Mitiro 2:40

I lo va khongotela hi timhaka tinwani to tala, a va luleka, aku: Ti poniseni xizukulwaneni lexi xi gombonyekileko.

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

Kuvululelwa 18:4

Nzi lozwa ginwani gezu gita hi le tilweni, giku: Humani ka yena, nwina vanhu va mina, lezaku kasi mu nga hlengeli zionho zakwe, mu biwa hi zixaniso zakwe, Isa. 48:20; 2 Kor. 6:17