Jeremia 51:28 - Tshwa Bible

²⁸ Hlomisani matiko ni tihosi ta maMedi ni vamwamangulu va kona, a tinduna ta kona ni tiko gontlhe ga mufumo wakwe.

Jeremia 51:28 Mawu Ofanana

Genesisi 10:2

A vanana va Jafete hi Gomere, na Magoge, na Madayi, na Javani, na Tubale, na Mexeki, na Tirase.

1 Kronekele 1:5

A vana va Jafete: Gomere, na Magoge, na Madayi, na Javani, na Tubale, na Mexeke, na Tirase.

Estere 1:3

na ku hi lembe ga wunharu ga kufuma kakwe, i lo mahela tihosana ni malanza yakwe a mubuzo, ni tinduna ta mabutho ya le Persia ni ya le Media, a manghanakana ni tihosana ta matiko yakwe lava va nga wa tsombene mahlweni kakwe.

Estere 10:2

A mitiro yakwe yontlhe ya ntamu wakwe, ni mahungu ya wukulu ga Mordekai, lezi a nga tlakusiswa zona hi hosi, zi tsalilwe lomu bhukwini ga matimu ya tihosi ta le Media ni le Persia.

Isaya 13:17

Languta, nzi ta va vuxela a maMedi, Lava va nga khataleliko siliva, Hambu ku chela kota hi nzalama.

Isaya 21:2

Nzi wonisilwe a muwoniso wo tshisa nguvu; A mukanganyisi wa kanganyisa, ni muphangi wa phanga. Kanziha, O Elami; vimbezela, O Media; Nzi miyetile a miketo yontlhe.

Jeremia 25:14

Hakuva na vonawu va ta khoziswa hi matiko manyingi ni tihosi ta hombe; nzi ta va tlhelisela ku ringana ni zimaho zabye ni mitiro ya mandla yabye.

Jeremia 25:25

ni tontlhe tihosi ta Zimri, ni tontlhe tihosi ta Elami, ni tontlhe tihosi ta Media;

Jeremia 50:41

Languta, a vanhu va tako hi le Nwalungu, a tiko ga hombe ni tihosi to tala ti ta vuka hi le magemetamusi ya misava.

Jeremia 51:11

Lotani a tigalala, mu khoma a zitlhangu. Jehova i vindlusile a moya wa tihosi ta vaMedi, hakuva a mixuvo yakwe njo vukela Babuloni a kuva a lobyiswa. Hakuva hi kona a kuphota ka Jehova, a photelako a tempeli yakwe.

Jeremia 51:27

Yimisani a bandera lomu tikweni, muba mpunzu xikari ka matiko; hlomisani a matiko ma mu vukela, tsombanyisani a mifumo ya Ararate, Minni, Axkenaze, mu yimisa a tinduna ta yimpi kulwa naye; mahani mahaxi ma kanziha ma mu talela kukotisa humbi.

Jeremia 51:29

A misava ya rurumela, yi le kubayisekeni; hakuva a makungo ya Jehova ya ku hahlula a tiko ga Babuloni, gi ngavi na vaaki, ma maheka.

Danieli 6:1

Dariusi i lo zi wona na zi sasekile akuva a yimisa a 120 wa tihosana mufunweni wakwe wontihe.

Danieli 6:8

Makunu wena hosi, tiyisa nayo lowu hi vito ga wena, lezaku wu nga hunzuki, kukotisa a nayo wa maMedi ni maPersia lowu wu nga zi kotiko ku hunzuluswa.

Danieli 8:20

A hamba leyi u yi wonileko ya timhonzo timbiri, hi tihosi ta maMedi ni maPersia.

Danieli 9:1

Hi lembe go sangula ga kufuma ka Dariusi nʼwana Ahaswerusi, wa lixaka la maMedi, loyi a nga mahilwe hosi ya ngoma ya tiko ga maKaldea,