Jeremia 51:13 - Tshwa Bible

¹³ Wena loyi u akileko lomu micongweni yo tala, u na nga ni titshomba tinyingi, a kugumelwa ka wena ku chikele, a wukamba ga wena gi mbhelile. Kuv. 17:1

Jeremia 51:13 Mawu Ofanana

Genesisi 6:13

Jehova aku ngalo ka Noa: Nzi ta lovisa a nyama yontlhe, hakuva a misava yi tele hi tihanyi ta vanhu, languta, nzi ta va lovisa zinwe ni misava.

Tisimu 137:1

Le micongweni ya le Babuloni Hi wa tshama hi rila loku hi alakanya Zioni.

Isaya 43:14

Jehova a Mutlhatlhisi wa nwina, Loyi a Basileko wa ka Israeli, i ngalo: Hi kota ya nwina nzi rumile a muhlaseli le Babuloni, Nzi hlongola vontlhe vahombe va kona, A maKaldea va ta tsutsuma lomu matarwini yabye va nga tsaka ha wona.

Isaya 45:3

Nzi ta ku nyika titshomba ti fihlilweko. Ni cuma xi tumbetelweko matshanwini ya xihundla, Kasi wa fela ku tiva lezaku mina Jehova Loyi nzi ku vitanako hi vito ga wena, nzi Nungungulu wa ka Israeli.

Isaya 57:17

Nzi mu zangarele nzi muba Hi kota ya xionho xakwe xa likungo; Nzi lo ti fihla zangeni ya mina, Na yena a su hutsetse a famba hi ndlela ya kuranza ka mbilu yakwe.

Jeremia 17:11

Khwatsi hi hwari leyi yi kuhlehelako a manza lawa yi nga ma tsikelangiko, Zinghaho ni loye a hlengeletelako a kufuma handle ka nongameto; Na hi xikari ka masiku yakwe i ta ku tsika, Ni kugumeseni kakwe i tava muhunguki.

Jeremia 50:27

Tlhavani tontlhe a tikuzi takwe, a tiye wuxinjelweni. Khombo ka vona, hakuva a siku gabye gi chikele, a xikhati xa kutsayiswa kabye.

Jeremia 50:31

Languta, nzi yimekelene na wena, nyamatshanza-nziwena, ku wula Hosi Jehova wa tiyimpi, hakuva a siku ga wena gi chikele, a xikhati xa kutsayiswa ka wena.

Jeremia 50:37

A supado a yive hehla ka mahaxi yakwe ni tikareta takwe, ni hehla ka valuveli vontlhe lava va nga xikari kakwe, kasi va tlhela vaku khwatsi mba vavasati. A supado a yive hehla ka titshomba takwe, lezaku ti phangiwa.

Jeremia 51:36

Hikwalaho Jehova! ngalo: Nzi ta ku yimela, nzi ku photela; Nzi ta maha bimbi gakwe gipswha, Nzi pswhisa ni hlowo yakwe.

Mikosi 4:18

Va xiya kufamba ka hina, lezaku hi nga dzuki hi fambafamba maruweni ya hina. A kugumelwa ka hin, ku tshinele, a masiku ya hina ma mbhelile, hakuva a kugumelwa ka hina ku chikele.

Danieli 5:26

A tlhamuselo wa wona hi lowu: Mene, Nungungulu i hlayile a masiku ya mufumo wa wena, a wu mbhetisa.

Amosi 8:2

Yena aku ka mina: Amosi, xini u xi wonako? Mina nziku: Xirunzu xo tala hi mihanzu yi buvileko. Zonake Jehova aku ka mina: A kugumelwa ka vanhu va mina va Israeli ku chikele. Nzi nga ta ha va tsetselela kambe. Am. 7:8

1 Pedro 4:7

Kanilezi a kugumelwa ka zontlhe ku tshinele; hikwalaho ngha mu hi ni kupima ku nene, mu ti khoma lezaku mu zi kota ku khongela. Mat. 26:41; Rom. 13:12

2 Pedro 2:3

Hi ku navela kufuma, va ta bhinzula ha nwina hi magezu ya kukanganyisa; kanilezi a kukoneka kabye ka kale a ku hlweli, ni kulobyiswa kabye a ku etleli. Deut. 32:35; Tit. 1:11; Juda 4, 15

Kuvululelwa 17:1

Ku lota yinwe ya tingelosi ta ntlhanu ni timbiri leti ti nga hi ni ntlhanu wa mikhelo ni yimbiri, yi ta wulawula na mina, yiku: Ngona laha, nzi ta ku komba a kulamulwa ka xibhayi xa hombe lexi xi tshamileko lomu matini yo tala, Nah. 3:4; Xip. 18:16, 17, 19; 21:9

Kuvululelwa 17:15

Yi lo engeta yiku ka mina! A mati lawa u nga ma wona, laha xi tshamileko kona xibhayi, hi mifumo, ni zidlemo, ni matiko, ni tirimi. Isa. 8:7

Kuvululelwa 18:19

Va lo ti palatela tsutsungwani tihlokweni tabye, va hlaluka, va rila, va maha hlomulo, vaku: Yowe, yowe, a muti lowu wa hombe, lowu vontlhe lava va nga ni mataru lomu bimbini va nga fumiswa hi wukosi ga wona! Hakuva hi xitshuketi wu hangalakile nwa! Jox. 7:6; Joba 2:12