Jeremia 51:11 - Tshwa Bible

¹¹ Lotani a tigalala, mu khoma a zitlhangu. Jehova i vindlusile a moya wa tihosi ta vaMedi, hakuva a mixuvo yakwe njo vukela Babuloni a kuva a lobyiswa. Hakuva hi kona a kuphota ka Jehova, a photelako a tempeli yakwe.

Jeremia 51:11 Mawu Ofanana

1 Tihosi 11:14

Jehova i lo vuxa a nala wa Solomoni, Hadade a muEdomi, loyi a nga wa hi wa lixaka la tihosi ta va ka Edomi.

1 Tihosi 11:23

Nungungulu i lo vuxa munwani nala wa Solomoni, Rezoni nʼwana Eliada, loyi a nga wa chavile a hosi yakwe Hadadezera, a hosi ya le Zoba.

1 Kronekele 5:26

Nungungulu wa ka Israeli i lo kucetela a mbilu ya Pule a hosi ya le Asiria, ni mbilu ya Tilgate-Pilnesera a hosi ya le Asiria, a khoma va ka Rubeni, ni va ka Gadi, ni khihlanya ga nyangwa ya ka Manasa, a va yisa le wukhumbini, a va yisa le Hala, ni Habora, ni le Hara, ni le Congweni wa le Gozani, laho va akileko kona kala nyamutlha.

2 Kronekele 36:22

Zonake hi lembe go ranga ga kufuma ka Kurusi a hosi ya le Persia, kasi ku fela ku tatiseka a gezu ga Jehova a gi wulileko hi nomu wa Jeremia, Jehova i lo vuxa a mbilu ya Kurusi a hosi ya le Persia, aba hungu ka wontihe mufumo wakwe ni ku tsala aku: Ezra 1:1; Isa. 44:23

Ezra 1:1

Hi lembe go ranga ga kufuma ka Kurusi a hosi ya le Persia, lezaku kasi a gezu ga Jehova legi a nga gi wula hi nomu wa Jeremia gi fela ku tatiseka, Jehova i lo vuxa a moya wa Kurusi a hosi ya le Persia, aba hungu lomu mufunwini wakwe wontihe ni ku tsala a timhaka, aku: 2 Kro. 36:22; Jer. 25:12; 29:10

Isaya 10:26

Jehova wa tiyimpi i ta tlakusa a limhika lakwe hehla kabye, khwatsi hi lezi a nga maha le Midiani, le ribyeni ga Orebi; kota lezi a nga tlakusa a nhonga yakwe hehla ka bimbi, i ta yi tlakusa kambe kota lezi a nga zi maha le Gipite. Ekso. 7:19; Vala. 7:25

Isaya 21:2

Nzi wonisilwe a muwoniso wo tshisa nguvu; A mukanganyisi wa kanganyisa, ni muphangi wa phanga. Kanziha, O Elami; vimbezela, O Media; Nzi miyetile a miketo yontlhe.

Isaya 21:5

Va longisa meza, va andlala masango, vaga, vanwa; Sukani mu yima, nwina tihosana, mu tota zitlhangu.

Isaya 41:25

Nzi vuxile munwe hi le Nwalungu, i sina a tile, Ku tile hi le Mutsuwuka-gambo munwe loyi a vitanako vito ga mina; Loyi a ta nga kanzihela vafumeli kota nzhope, Khwatsi hi muwumbi a kanzihelako a wumba.

Isaya 45:1

Jehova i wula ka a totilweko wakwe Kurusi, Loyi nzi mu khomileko hi canja gakwe ga xinene, Lezaku nzi hlula matiko mahlweni kakwe, Nzi tlhatlha a tifunga ta tihosi; A vululelwa tivati, ti nga valiwi, aku:

Isaya 45:5

Hi mina Jehova, a ku na munwani, A nga kona Nungungulu ahandle ka mina, Nzi ku bohile bhandi na u nga se nga nzi tiva, Deut. 4:35; Joeli 2:27

Isaya 46:11

Nzi vitana a gama hi le Mutsuwuka-gambo, Ni munhu loyi a ta nga maha kuranza ka mina hi le tikweni ga le kule. Ina, nzi zi wulile, nzi ta zi maha zi tatiseka; Lezi nzi zi alakanyileko nzi ta zi maha.

Jeremia 25:25

ni tontlhe tihosi ta Zimri, ni tontlhe tihosi ta Elami, ni tontlhe tihosi ta Media;

Jeremia 46:3

Longisani a tingenge ni zitlhangu, Muya kulweni.

Jeremia 46:4

Gabhatselani mahaxi, mu khilela nwina vakhileli; Yimani na mu bohile tindlondla ta nwina; Kutlani matlhari, mu ambala zikatawu za xiketse.

Jeremia 46:9

Dlaladlalekani nwina mahaxi, Nwina tikareta tsutsumani mazambu! A tinhenha a ti range mahlweni: Kuxe na Pute lava va welelako zitlhangu, Na Ludima lava va kondlako mawura.

Jeremia 50:25

Jehova i vulule a mabako yakwe, a humesa a matlhari ya zanga yakwe, hakuva Hosi Jehova wa tiyimpi i na ni ntiro wo mahiwa lomu tikweni ga maKaldea.

Jeremia 50:3

Hakuva hi le Nwalungu wata a mufumo lowu wu ta nga hahlula a tiko gakwe, laha kakuva ku ngavi na munhu wo tshama ka gona; a vanhu ni zifuyo zi sukile, zi tsutsumile.

Jeremia 50:45

Hikwalaho zwanani a makungo ya Jehova, lawa a bohileko ha Edome, ni mixuvo yakwe leyi a xuvileko hi vaaki va le Babuloni. Futsi va ta rorovisela lava va tsongwani va thlambi; ni wugelo gabye gi ta onhiwa zinwe navo.

Jeremia 50:9

Hakuva nzi ta vuxela Babuloni a tsombano wa matiko ya hombe ya tlhelo ga Nwalungu. Va ta hloma va mu vukela, va mu hlula. A tigalala tabye ti ta fanana ni ta nhenha ji tlharihileko, leyi yi nga tlheliko mahala.

Jeremia 51:12

Yimiselani a makhurisi ya Babuloni a bandera, tiyisani varinzeli, mu veka varinzeli ni ku longisa a zijumani; hakuva Jehova i mahile xikungo, a tira lezi a nga zi wula hi vaaki va le Babuloni.

Jeremia 51:24

Nzi ta tlhelisela Babuloni ni vaaki vontlhe vo le Kaldea a kubiha kabye kontlhe loku va ku mahileko le Zioni a kuwoneni ka nwina, ku wula Jehova.

Jeremia 51:35

A muaki wa le Zioni i taku ngalo: A hlokiselelo lowu nzi mahelweko wona mirini wa mina a wuve hehla ka Babuloni; na Jerusalema i taku: A nkhata wa mina a wuve hehla ka vaaki va le Kaldea.

Jeremia 51:36

Hikwalaho Jehova! ngalo: Nzi ta ku yimela, nzi ku photela; Nzi ta maha bimbi gakwe gipswha, Nzi pswhisa ni hlowo yakwe.

Danieli 5:30

A ka wusiku gwalego Belxazzare, a hosi ya maKaldea, i lo dawa.

Joeli 3:10

Fulani a tisupado hi zikomu za nwina, mu fula matlhari hi mibherana ya nwina. Loyi a nga ni gome ngha a wula, aku: Nzi nhenha! Isa. 2:4; Mik. 4:3

Joeli 3:9

Banani nyiwo xikari ka matiko lezaku va hloma yimpi, va vuxa tinhenha! Vontlhe vavanuna va yimpi a vate va tshinela!

Levi 26:25

Nzi ta rumela hehla ka nwina a matlhari ya ku ta photela a xivumelwano xa mina; zonake ku taku loku mu tsombene lomu mitini ya nwina, nzi rumela a ntungu xikari ka nwina, mu nyikelwa mandleni ya nala.

Zakaria 14:12

Lowu hi ntungu lowu Jehova a ta ngaba ha wona a matiko wontlhe lawa ma ngalwa na Jerusalema: A nyama yabye yi ta bola na va yimile hi mikonzo yabye; a mahlo yabye ma ta bola lomu makheleni ya wona, ni tirimi tabye ti ta bola; lomu milonwini yabye.

Zakaria 14:2

Hakuva nzi ta tsombanyisa a matiko wontlhe kasi kulwa ni Jerusalema, a muti wu ta tekiwa, a tiyindlu ti phangiwa, ni vavasati va pfinyiwa. A khihlanya ga vanhu va muti gi ta yiswa wukhumbini, kanilezi a misalela ya vanhu yi nga ta humeswa mutini.