Jeremia 50:7 - Tshwa Bible

⁷ Vontlhe lava va nga kumana na vona, va wo va khadamula. A valala vabye vaku: A hi na nanzu, hakuva va onhele Jehova, a wutshamu ga nongameto, a nga Jehova loyi a nga kutsumba ka vadadani vabye.

Jeremia 50:7 Mawu Ofanana

Tisimu 71:5

Hakuva u xitsumbo xa mina, O Hosi Jehova; Nzi ku tsumbile kusukela wusweni ga mina.

Tisimu 79:7

Hakuva va khadamule Jakobe, Va hangalasile a wuakelo gakwe.

Tisimu 90:1

Hosi, u wa hi wutshamu ga kuaka ka hina, A ka xizukulwana ni xizukulwana.

Tisimu 91:1

Yena loyi a tshamileko xihundleni xa loyi a Hunzeleleko Kutlakuka, A humula nzhutini wa Nyamintamu,

Isaya 47:6

Nzi wa zangarele a tiko ga mina, Nzi nyenyezisa a tshomba ya mina, Nzi va nyikela mandleni ya wena. A ku va mahelangi wuxinji; U lo binzisa nguvu a muyoka wa wena hehla ka zikhosana.

Isaya 56:9

Nwina nwentlhe zihari za khwati, ngonani mu taga, Ina, tanani nwina zivanza za khwati.

Isaya 9:12

A maSiria hi Mutsuwuka-gambo, ni Mafilistia hi le Mupela-gambo; Va ta khadamula Israeli hi nomu wu ahlamileko. Hambulezo, a zanga yakwe a yi rengangi, Ni canja gakwe ga ha nawulukile.

Jeremia 10:25

Chulula a khulo ga wena hehla ka vamatiko lava va nga ku tiviko, Ni hehla ka tixaka leti ti nga vitanako a vito ga wena. Hakuva va khadamule Jakobe, va mu mita, va mu heta, Ni muti wakwe va wu mahile rumbi.

Jeremia 14:8

Wena loyi u nga kutsumba ka Israeli, Muhanyisi wakwe xikhatini xa zikarato, Hikuyini uku khwatsi u wamatiko tikweni, Kota muenzi loyi a hambukako kasi kuxwa wusiku ginwe ke?

Jeremia 17:13

Wena Jehova u kutsumba ka Israeli; Vontlhe lava va ku tsikako va taku koyo tingana. Vontlhe lava va sukako ka mina va ta tsaliwa vunyeni; Hakuva va tsikile Jehova, loyi a nga xibuka xa mati ya wutomi. Joh. 4:14

Jeremia 2:3

Israeli i wa basiselwe Jehova, A mbhanzu wo ranga wa kutshovela kakwe; Vontlhe lava va mu gako va tava ni nanzu, Va ta humelwa hi khombo, ku wula Jehova. Jak. 1:18

Jeremia 31:23

Jehova wa tiyimpi, Nungungulu wa Israeli, i ngalo: Va ha ta wula gezu legi a tikweni ga Juda ni lomu mitini yabye, loku nzi wuyisile lavava nga wukhumbini, vaku: Jehova a ku katekise, wena wuako ga nongameto, Wena xitsunga xi basileko!

Jeremia 33:15

A ka lawo masiku ni ka lexo xikhati nzi ta vuxela Davida a Hluke ga kululama; yena i ta lamula hi nongameto ni kululama lomu tikweni. Isa. 11:1; Zak. 3:8; 6:12

Jeremia 33:16

Juda i ta hanyiswa masikwini lawo, ni Jerusalema i ta tshama hi kurula. Legi hi vito va to mu vitana ha gona, Jehova hi kululama ka hina.

Jeremia 5:17

Vona va taga a mavele ya wena ni xibaba xa wena, va taga vafana va wena ni vanhanyana va wena, va taga tiyivu ta wena ni tihomu ta wena, va taga zivina za wena ni mikuwu ya wena; a miti ya wena ya makhokhola, leyi u yi tsumbako, va ta yi lovisa hi supado. Levi 26:16; Deut. 28:31

Jeremia 50:14

Hlomani mu vukela Babuloni matlhelo wontihe, nwina nwentlhe mu kondlako mawura; mu fuleni, mu nga siyi ni ligalala linwe; hakuva i onhele Jehova.

Jeremia 50:17

Israeli i yivu leyi yi lahlekileko, leyi yi hlongolisilweko hi tinghala. A ku ranga i lo giwa hi hosi ya le Assiria, ku gamela Nebukadrezzare a hosi ya le Babuloni i lo kutsa a marambu yakwe. 2 Tih. 17:5; 25:1

Jeremia 50:33

Jehova wa tiyimpi i ngalo: A vana va ka Israeli ni vana va ka Juda va hlokiswa zinwe; vontlhe laya va nga va yisa wukhumbini va va khoma hi ntamu, a va vumeli ku va tlhatlha.

Ezekieli 34:5

Ti lo hangalaka hakuva ku wa nga hi na murisi; ti lo giwa hi zivanza za khwati, ti hangalaka. Isa. 53:6; Mat. 9:36

Ezekieli 35:12

U ta zi tiva lezaku mina Jehova nzi zwile tontlhe a tinzhukano ta wena leti u nga ti wulawula ka zitsunga za ka Israeli, uku: Zi hahlulwe, zi nyikilwe ka hina a kuva hi zi khadamula.

Danieli 9:16

Hosi, hi kota ya kululama ka wena kontlhe, hi nga susa a zanga ya wena ni khulo ga wena mutini wa Jerusalema, a xitsunga xa wena xa kubasa. Hakuva Jerusalema ni vanhu va wena va mahile xiruko ka vontlhe lava va hi ranzeleko hi kota ya zionho za hina ni zigoho za vadadani va hina.

Danieli 9:6

A hi ingisangi a vaprofeti ma nga malanza ya wena, lava va wulawulileko hi vito ga wena ka tihosi ni tihosana ta hina, ni ka vadadani va hina, ni ka vanhu vontlhe va tiko.

Zakaria 1:15

na nzi tsanwiswa nguvu hi matiko lawa ma te ku ti njha; hakuva laha nzi nga wa tsanwile kutsongwani ha Israeli, wona ma lo engetela kubiha.

Zakaria 11:5

leti a vaxavi va tona va ti tlhavako va nga kumi nanzu, ni vaxavisi va tona vange: A khesiwe Jehova, hakuva nzi fumile! Hambu ni varisi va tona a va ti zweli. Rom. 8:36

1 Timote 1:1

Paule a mupostoli wa Kristu Jesu hi kulaya ka Nungungulu, a Muhanyisi wa hina, na Kristu Jesu a kutsumba ka hina, Gal. 1:1; Kol. 1:27; Xip. 2:3; Tit. 1:3; 2:10; 3:4