Jeremia 50:5 - Tshwa Bible

⁵ Va ta wutisa ha Zioni, a tinghohe tabye na ti cuwuka kona, vaku: Tanani mu ta boha zinwe na Jehova a xivumelwano xa pinzukelwa lexi xi to kala xi nga rivaliwi.

Jeremia 50:5 Mawu Ofanana

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

2 Samueli 23:5

Xana a yi lezo a yindlu ya mina mahlweni ka Nungungulu ke? Hakuva i mahile xivumelwano xa pinzukelwa na mina, Lexi xi longiselweko khwatsi, xi tiyiswa. Wa kulisa a kuhanyiswa ka mina kontlhe ni kutsaka ka mina kontlhe.

1 Tihosi 19:10

I lo hlamula, aku: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele a vaprofeti va wena hi supado, hi mina nzoce nzi seleko, na vona va lava ku nzi daya! Rom. 11:2

1 Tihosi 19:14

Yena i te ngalo: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele vaprofeti va wena hi supado, hi mina nzoce nzi seleko, na vona va lava ku nzi daya.

Tisimu 84:7

A ntamu wabye wo enzelekelana, Vona vontlhe va woneka mahlweni ka Nungungulu le Zioni.

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Jeremia 3:18

A ka lawo masiku a yindlu ya ka Juda yi ta longoloka zinwe ni yindlu ya ka Israeli; va tata hi wumbiri gabye hi le tikweni ga Nwalungu, vata ka tiko legi nzi nyikileko vararu va nwina a kuva tshomba yabye.

Jeremia 31:21

Ti yimisele a zikombiso, u zimeka zikomba-ndlela; A mbilu ya wena yi kongoma a gonzo, A ndlela leyi u fambileko ha yona. Hunzuluka, wena nhwana wa Israeli, Wuya mitini ya wena.

Jeremia 31:6

Hakuva ku ta chikela a siku legi a varinzeli va le migangeni ya Efraime va to vitana ha gona, vaku: Sukani, a hi yeni Zioni ka Jehova, Nungungulu wa hina.

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Ezekieli 16:61

Zonake u ta alakanya a mahanyela ya wena, uva ni tingana, laha u ta nga amukela a vamakwenu va ti-nhonzwa ni va tinzisana; hakuva nzi ta va nyikela ka wena a kuva vanhwana va wena, kanilezi na ku nga hi kota ya xivumelwano xa wena.

Ezekieli 37:22

Nzi ta va maha mufumo munwe laha tikweni, hehla ka zitsunga za ka Israeli, vontlhe va ta fumelwa hi hosi yinwe; va nga ha ta kuva matiko mambiri kambe, va nga ha ta avanyiswa hi mifumo mimbiri. Hos. 1:11; Joh. 10:16

Hosea 1:11

A vana va ka Juda ni vana va ka Israeli va ta tlhangana va ti yimisela hosi yinwe, va huma tikweni, hakuva gi tava ga hombe a siku ga Jezreeli. Joh. 10:16; Efe. 1:22

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Johani 7:17

Loku munhu a xuva ku maha kuranza ka Nungungulu, i ta yi tiva a gonzo leyi, loku yita hi ka Nungungulu, kutani nzo ti wulawulela mina wutsumbu. Xip. 8:43

Mitiro 11:23

Laha a nga wa chikele kona, a wona lezi zi mahilweko hi tipswalo ta Nungungulu, i lo tsaka; a va khongotela vontlhe lezaku ngha va namarela ka Hosi hi kutiyisa ka mbilu.

2 Va le Korinte 8:5

A va nyikangi lezi hi nga tsumbile zona ntsena, kanilezi va lo ranga va ti nyikela ka Hosi, zonake va lo ti nyikela ka hina hi kuranza ka Nungungulu. Mat. 25:40; Fil. 4:18; Maheb. 13:16