Jeremia 50:32 - Tshwa Bible

³² A wamatshanza i ta ti gumula awa, a nga kona a to mu vuxa. Nzi ta dzivela nzilo mitini yakwe, wu hisa zontlhe lezi zi mu ranzeleko.

Jeremia 50:32 Mawu Ofanana

Tisimu 119:78

Ngha vamatshanza va wiswa tingana, hakuva va nzi xanisa ahandle ka nanzu; Kanilezi mina nzi ta ehleketa a zileletelo za wena.

Mavingu 16:18

A matshanza ma rangela kulova; i kutikukumukisa ku rangela kuwa.

Mavingu 18:12

Loku a kulova ku nga se nga chikela, a mbilu ya munhu yi na ni matshanza; i ku ti tsongahata ku ranga mahlweni ka wudzunzo.

Jeremia 21:14

Nzi ta mu tsayisa maringano ni mbhanzu wa zimaho za nwina, ku wula Jehova. Nzi ta dzivela nzilo khwatini ga nwina, wu ta lambuxa zontlhe zi nga lahandle ka muti. Mav. 1:31

Jeremia 49:27

Nzi ta dzivela a nzilo lomu khurisini ga Damasku, wu ta hisa a ziluvelo za Ben-hadade.

Jeremia 51:26

lezaku ku nga tekiwi ka wena a ribye ga magumo, hambu a ribye go aka ha gona a ziseketelo; kanilezi u tava marumbi kala kupinzuka, ku wula Jehova.

Jeremia 51:64

Zonake uku: Hi lezi a ta nga rikhisa zona Babuloni; a nga ha vuxiwi kambe hi kota ya makhombo lawa nzi ta nga mu nehela wona; va ta rereka. Lawa hi wona magumo ya timhaka ta Jeremia.

Danieli 5:20

Kanilezi laha a mbilu yakwe yi nga ti kulisa, a nonohisa moya wakwe ava ni matshanza, i lo suswa xitshanwini xakwe xa wuhosi, a tekelwa wukosi gakwe.

Amosi 1:10

Kanilezi nzi ta rumela a nzilo khurinisi ga Tire, wu ta hisa a ziluvelo za kona. Jer. 47:4; Ezek. 26:3

Amosi 1:12

Kanilezi nzi ta rumela a nzilo le Temani, wu ta hisa a ziluvelo za Bozra.

Amosi 1:14

Kanilezi nzi ta dzivela a nzilo khurisini ga Rabba, wu hisa a ziluvelo za kona, na ku biwa tihuwa sikwini ga kulwa, ni mheho a sikwini ga bhubhutsa.

Amosi 1:4

Nzi ta rumela a nzilo lomu ndlwini ya Hazaeli, Wu ta hisa a ziluvelo za Ben-hadade. 2 Tih. 13:3; Jer. 49:27

Amosi 1:7

Kanilezi nzi ta rumela a nzilo khurisini ga Gaza, wu hisa a ziluvelo za kona.

Amosi 2:2

Kanilezi nzi ta rumela a nzilo hehla ka Moabi, wu ta hisa a ziluvelo za le Keriote. Zonake Moabi i ta lova na ku hi ni pfilupfilu ni tihuwa ni kuvuma ka mpunzu.

Amosi 2:5

Kanilezi nzi ta rumela a nzilo hehla ka Juda, wu ta hisa a ziluvelo za Jerusalema.

Amosi 5:2

A nhwana wa ka Israeli i wile, a nga ta ha tlhela a yima kambe; i tlatlalatilwe lahasi a tikweni gakwe, i hava a to mu vuxa.

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.

Kuvululelwa 18:8

Hikwalaho a zixaniso zakwe zi tata hi siku ginwe, a kufa, ni hlomulo, ni ndlala; yena i ta hiswa hi nzilo hakuva i na ni ntamu Hosi Nungungulu loyi a mu-lamulako. Isa. 47:9; Jer. 50:34