Jeremia 50:24 - Tshwa Bible

²⁴ Nzi ku dembele ziyo, u phasilwe wena Babuloni na u nga zi tivi. U kumilwe ni ku khomiwa, hakuva u lwile na Jehova.

Jeremia 50:24 Mawu Ofanana

Joba 15:25

Hakuva i nawulutile a canja gakwe a vukela Nungungulu, A tserama a vukela Nyamintamu.

Joba 40:2

Wena musoli, u ta kanetisana ni Nyamintamu ke? Loyi a phikizanako na Nungungulu a hlamule. Joba a wulawula hi kutikoramisa.

Joba 40:9

U na ni woko gi fananako ni ga Nungungulu ke? A gezu ga wena gi nga dzinza ku fana ni gakwe ke?

Joba 9:4

Loyi a nga ni wutlhari ga mbilu, i nhenha; Himani loyi a ti nonohisileko, a mu vukela, a simamisa ku vuvuma ke?

Eksodusi 10:3

Zonake Mosi na Aroni va loya ka Faro va yaku ngalo kakwe: Jehova, Nungungulu wa maHeberu, i ngalo: U ta ala kala rini a ku ti koramisa mahlweni ka mina? Tlhatlha a vanhu va mina va ya nzi khozela.

Mutshawuteli 9:12

Hakuva munhu a nga xi tivi xikhati xakwe; khwatsi hi zidluwani zi phasiwako hi likoka, ni tinyanyani ti phasiwako hi tlhamu, hilezo ni vana va vanhu va phasiswako zona xikhatini xa kubiha, va welwa hi khombo hi xitshuketi. Mar. 13:35; Lu. 12:20

Isaya 13:11

Nzi ta tsayisa misava hi kota ya kubiha ka yona, Ni vakubiha hi kota ya kugoha kabye, Nzi fuvisa a matshanza ya laʼva ti kulisako, Nzi tsongahata laʼva ti kukumukisako.

Isaya 45:9

Khombo ka loyi a phikizanako ni Mumahi wakwe, U nga hlaza xikari ka tihlaza ta wumba. Xana a wumba gi nga wula ka muwumbi, giku: Xini u mahako? Kutani i ntiro wa wena, wu nga wula, wuku: U hava mandla. Jer. 18:6; Rom. 9:20

Jeremia 48:43

A hlenekera, ni rinzi, ni ziyo zi rinzele wena muaki wa Moabi, ku wula Jehova.

Jeremia 48:44

Loyi a tsutsumako hi kota ya hlenekera i ta wela rinzini; loyi a humako rinzini i ta phasiwa ziyweni. Hakuva Moabi nzi ta mu nehela a lembe ga kutsayiswa, ku wula Jehova.

Jeremia 51:57

Nzi ta popisa a tihosana ni titlhari takwe, a vamwamangulu ni tinduna takwe, ni tinhenha takwe. Va ta etlela wurongo gi nga mbheliko, va nga vuki kambe, ku wula Hosi, loyi a nga Jehova wa tiyimpi a vito gakwe.

Jeremia 51:8

Babuloni i wile hi xitshuketi a lobyiswa. Mu: rileleni, mu mu nehela a muri wa kubayiseka kakwe, kutani i ta hanya. Isa. 21:9; Kuv. 14:8; 18:2

2 Va le Tesalonika 2:4

loyi a vukelako ni ku ti kulisa hehla ka zontlhe zi vitwako mingungulu, ni zontlhe lezi zi khozelwako; a kala a ya tshama tempeleni ya Nungungulu, a ti wula lezaku i Nungungulu. Isa. 14:13; Ezek. 28:2; Dan. 11:36; 1 Kor. 8:5