Jeremia 50:17 - Tshwa Bible

¹⁷ Israeli i yivu leyi yi lahlekileko, leyi yi hlongolisilweko hi tinghala. A ku ranga i lo giwa hi hosi ya le Assiria, ku gamela Nebukadrezzare a hosi ya le Babuloni i lo kutsa a marambu yakwe. 2 Tih. 17:5; 25:1

Jeremia 50:17 Mawu Ofanana

2 Tihosi 15:19

Ku lota Pule a hosi ya le Asiria a ku ta vukela tiko ga ka Israeli. Zonake Menahema i lo nyika Pule 1,000 wa titalenta ta siliva, kasi a fela ku mu vunetela ku tiyisa wuhosi lomu mandleni yakwe.

2 Tihosi 15:29

Masikwini ya Peka hosi ya ka Israeli, Tiglate-Pilesera a hosi ya le Asiria i lota a ta teka Ijoni, na Abelabete-Maaka, na Janoa, na Kedexe, na Hazora, na Gileade, na Galile, ni gontlhe a tiko ga ka Naftali, a va khoma va maha tikhumbi a va fambisa le Asiria.

2 Tihosi 24:1

Masikwini yakwe Nebukadnezzare a hosi ya le Babuloni i lo hloma yimpi, Jehoiakimu a maha nanza gakwe malembe manharu; zonake i lo mu hluwuka.

2 Tihosi 24:10

Xikhatini xwalexo a malanza ya Nebukadnezare a hosi ya le Babuloni ma lo kanziha ma ta hlasela Jerusalema, va vimbezela a muti.

2 Tihosi 25:1

Hi lembe ga wu 9 ga kufuma kaZedekia, hi hweti ya wu 10, hi siku ga 10, i lota Nebukadnezare a hosi ya le Babuloni zinwe ni yimpi yakwe yontlhe a ku ta hlasela Jerusalema. Va lo ta wu govela, va aka a tigingisi va wu ranzela. Jer. 39:1; 52:4

2 Kronekele 28:20

Na Tilgate-Pilnesera a hosi ya le Assiria i lo ta mu hlokisa, a mu maha nala wakwe, a nga mu nyenyeleteli.

2 Kronekele 33:11

Hikwalaho Jehova i lo va nehela vanhu va ta va vukela, ti nga tinduna ta tiyimpi ta hosi ya Assiria, ti ta khoma Manasa, ti mu boha hi mangenje ya suku, va mu yisa le Babuloni. Deut. 28:36; 2 Tih. 20:17

Isaya 15:9

Hakuva a mati ya Dimoni ma tele hi nkhata. Nza ha ta engeta hehla ka Dimoni, A nghala yi ta wela hehla ka lava va tsutsumileko hi ka Moabi, ni misalela ya tiko.

Isaya 47:6

Nzi wa zangarele a tiko ga mina, Nzi nyenyezisa a tshomba ya mina, Nzi va nyikela mandleni ya wena. A ku va mahelangi wuxinji; U lo binzisa nguvu a muyoka wa wena hehla ka zikhosana.

Jeremia 10:25

Chulula a khulo ga wena hehla ka vamatiko lava va nga ku tiviko, Ni hehla ka tixaka leti ti nga vitanako a vito ga wena. Hakuva va khadamule Jakobe, va mu mita, va mu heta, Ni muti wakwe va wu mahile rumbi.

Jeremia 2:15

A tinghalana ti wele hehla kakwe na ti tsewuza hi gezu ga tona, Ti hanzulela a tiko gakwe, a miti yakwe yi hisilwe ku nga tshami munhu kona.

Jeremia 21:7

Anzhako ka lezo, ku wula Jehova, nzi ta nyikela Zedekia, a hosi ya ka Juda, ni malanza yakwe, zinwe ni vanhu lavo va ta ngava va ponile ntungu a mutini lowu, ni ku pona a supado ni ndlala, nzi va nyikela canjeni ga Nebukadrezzare hosi ya Babuloni, ni canjeni ga valala vabye ni ga lava va hlotako wutomi gabye. Yena i ta va lamata hi supado, a nga ta va nyenyeletela, hambu a ku va zwela, hambu ni kuva ni tipswalo havona.

Jeremia 4:7

A nghala yi humele xihlahleni xa yona, ni muhahluli wa matiko I sukile wutshanwini gakwe kasi ku hangalasa a tiko ga wena, A hahlula miti ya wena, lezaku ku nga ha ala munhu ka yona.

Jeremia 49:19

Languta, i tata kota nghala yi humako hi lomu xihlahleni xa Jordani, yiya wugehveni go nyuka. Nzi ta mu hlongola xikanwe; ni wihi loye nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Jeremia 5:17

Vona va taga a mavele ya wena ni xibaba xa wena, va taga vafana va wena ni vanhanyana va wena, va taga tiyivu ta wena ni tihomu ta wena, va taga zivina za wena ni mikuwu ya wena; a miti ya wena ya makhokhola, leyi u yi tsumbako, va ta yi lovisa hi supado. Levi 26:16; Deut. 28:31

Jeremia 5:6

Hi lezo-ke a nghala ya lomu khwatini yi ta va daya, Ni hlolwa ga lomu xiwuleni gi ta va hlakahla, A yingwe yi ta nyanimela a miti yabye; Munwe ni munwani a ta nga huma handle i ta hanzulelwa. Hakuva a zihambunyeto zabye zi tele, Ni zigoho zabye zinyingi. Jer. 4:7; Hos. 13:7

Jeremia 50:6

A vanhu va mina va wa hi tiyivu leti ti lahlekileko. Va hambukisilwe hi varisi vabye, va va tsika lomu zitsungeni. Va pepetsekile lomu zitsungeni vaya migangeni, va kohlwa hi ranga gabye.

Jeremia 51:38

Va ta dzuma khatiginwe khwatsi tinghala, Va ngura khwatsi zinghalana.

Jeremia 52:1

Zedekia i wa hi ntangeni ya 21 wa malembe laha a nga sangula ku fuma; i lo fuma 11 wa malembe le Jerusalema. A vito ga mamani wakwe i wa hi. Hamutali a nʼwana wa Jeremia wa le Libna. 2 Tih. 24:18; 2 Kro. 36:11

Ezekieli 34:12

Nzi ta lava a tiyivu ta mina kota lezi a murisi a lavako a tlhambi wakwe laha a nga xikari ka tiyivu takwe ti hangalakileko; nzi ti humesa matshanwini wontihe lawa ti hangalakileko ka wona hi siku ga dzuvi ni munyama, Jer. 31:10; Joeli 2:2; Lu. 15:4

Danieli 6:24

Zonake hi kulayiwa ka hosi ku lo nehiwa a vavanuna lava va nga ranisa Danieli, va ta hoxiwa lomu nkeleni wa tinghala, vona ni vanana vabye ni vasati vabye. Vaku va nga se chikela lehasi ka nkele, a tinghala ti va khamukela ti tshoveletela a marambu yabye wontihe.

Joeli 3:2

Nzi ta tsombanyisa wontlhe matiko, nzi ma yisa nkoveni wa Jehoxafate, nzi ta va ranisa hi kota ya Israeli, a vanhu va mina ni tshomba ya mina, lava va va hangalasileko xikari ka matiko, va avelana a tiko ga mina.

1 Pedro 2:25

Hakuva mu wa pengile khwatsi hi tiyivu ti lahlekileko; kanilezi makunu mu tlhelele ka Murisi ni Muhlayisi wa mihefemulo ya nwina. Ezek. 34:6; Joh. 10:11, 14, 16