Jeremia 50:11 - Tshwa Bible

¹¹ Ina, hambu loku mu tsaka mu bhuma makunu, nwina vaonhi va tshomba ya mina, hambu loku mu khana ku fana ni role gi kanzihelako tirigo, mu yimba kukotisa a mahaxi ya ntamu,

Jeremia 50:11 Mawu Ofanana

Tisimu 22:12

Nzi ranzelwe hi tikuzi to tala, A tikuzi ta ntamu ta le Baxani ti nzi ranzele.

Mavingu 17:5

Loyi a tseketselako xisiwana i rukatela Mumahi wa xona; i loyi a tsakako hi hlokiselelo ya vanwani a nga ta pona tsakiselelo.

Isaya 47:6

Nzi wa zangarele a tiko ga mina, Nzi nyenyezisa a tshomba ya mina, Nzi va nyikela mandleni ya wena. A ku va mahelangi wuxinji; U lo binzisa nguvu a muyoka wa wena hehla ka zikhosana.

Isaya 47:8

Hikwalaho zwana lezi, wena loyi u ranzako ku ti tsakisa; Wena loyi u tshamekileko: Wena loyi unge mbilwini ya wena: Hi mina nzoce, a ku na munwani, Cima nzi nga ta kuva noni, Hambu ku lahlekelwa hi vanana.

Jeremia 12:14

Zakunghahi a wulako Jehova hi vaakelwani va mina vo biha lava va vukelako a tshomba leyi nzi hileko a vanhu va mina a vaIsraeli; Nzi ta va tsuwula tikweni gabye, ni yindlu ya ka Juda nzi ta yi tsuwula xikari kabye.

Jeremia 46:20

Gipite i thokazi go saseka nguvu, Kanilezi a bhawani gata hi le Nwalungu.

Jeremia 46:21

A masochwa yakwe lomu tikweni gakwe Me khwatsi marole ma nonileko; Hakuva vonawu va tlhela nzhako va tsutsuma zinwe, A va yimangi; Hakuva a siku gabye ga makhombo ga va tela, A xikhati xa kutsayiswa kabye.

Jeremia 5:28

Va kulukile, va tolile mafura; a kubiha kabye a ku na magumo; a va yimeli mhaka ya zisiwana lezaku zi vuvuma; a va tsemi mhaka ya vavumali hi fanelo.

Jeremia 5:8

Vona va kota a vamatsune va mahaxi ma xureko; a munwe ni munwani a yimba hi ku navela a sati wa muakelane.

Jeremia 50:17

Israeli i yivu leyi yi lahlekileko, leyi yi hlongolisilweko hi tinghala. A ku ranga i lo giwa hi hosi ya le Assiria, ku gamela Nebukadrezzare a hosi ya le Babuloni i lo kutsa a marambu yakwe. 2 Tih. 17:5; 25:1

Jeremia 50:27

Tlhavani tontlhe a tikuzi takwe, a tiye wuxinjelweni. Khombo ka vona, hakuva a siku gabye gi chikele, a xikhati xa kutsayiswa kabye.

Mikosi 1:21

Va zwile lezaku nzi hefumuteka, kanilezi a nga kona ni munwe a nzi chavelelako; A valala va mina vontlhe va zwile hi khombo ga mina, va tsakela lezi u zi mahileko; Va ta fanana na mina loku ku chikele a siku legi u nga kanela ha gona.

Ezekieli 35:15

Khwatsi hilezi wena u nga tsaka hi kuhahluka ka tshomba ya yindlu ya ka Israeli, mina nzi ta maha lezo na wenawu. U ta hahluka, wena xitsunga xa Seire u maha xiwula, ni tiko gontlhe ga Edome; zonake va ta zi tiva lezaku hi mina Jehova.

Ezekieli 36:5

Hikwalaho Hosi Jehova i ngalo: Hakunene nzi wulawulile hi kuhisa ka kupangama ka mina nzi vukela a matiko manwani ni gontlhe tiko ga Edome, lava va ti nyikileko a tiko ga mina a kuva va gi fumela hi migiyo ya timbilu tabye, ni xikanya xa mihefemulo, va gi maha muphango wabye.

Hosea 10:11

Efraime i thokazi legi gi gonzisilweko, gi ranzako ku hula mavele: kanilezi nzi vekile muyoko nhanwini ya gona yo saseka. Nzi ta veka mukhileli hehla ka Efraime; Juda i ta rima, na Jakobe a fayetela marukwani. Deut. 25:4; 1 Kor. 9:9

Amosi 4:1

Zwanani mhaka leyi, nwina tihomu ta le Baxani, ti nga lomu xitsungeni xa Samaria, nwina lava mu xanisako zisiwana, mu tsimbeketako vavumali, mu nge ka vanuna va nwina: Nehani hinwa!

Obadia 1:12

Kanilezi wena u nga cuwuki a siku ga nakuloni, gi nga siku ga khombo gakwe, u nga tsakeli a siku ga kulobyiswa ka vanana va ka Juda, kambe u nga wulawuli hi ku ti kukumukisa a sikwini ga kuxaniseka.

Habakuka 1:15

Wa va tlukula vontlhe hi ximemba, a va khoma hi likoka lakwe, a va phasa lomu ka masole yakwe; hikwalaho a bhuma hi kutsaka.

Zakaria 14:12

Lowu hi ntungu lowu Jehova a ta ngaba ha wona a matiko wontlhe lawa ma ngalwa na Jerusalema: A nyama yabye yi ta bola na va yimile hi mikonzo yabye; a mahlo yabye ma ta bola lomu makheleni ya wona, ni tirimi tabye ti ta bola; lomu milonwini yabye.

Deuteronome 32:15

Jexuruni a su kulukelana, a radlavanya. A kuluka, a zimuka, a tala hi mafura. Kanilezi a tsika Nungungulu loyi a mu wumbileko, A nyenya a ribye ga kuhanyiswa kakwe.