Jeremia 5:8 - Tshwa Bible

⁸ Vona va kota a vamatsune va mahaxi ma xureko; a munwe ni munwani a yimba hi ku navela a sati wa muakelane.

Jeremia 5:8 Mawu Ofanana

Genesisi 39:9

I hava wahombe ka leyi yindlu ku hunza mina, a nga nzi tsimbeteli nchumu a handle ka wena, hakuva u nga sati wakwe. Nzi ta mahisa kuyini loku kubiha, nzi onha ka Nungungulu ke?

Joba 31:9

Loku a mbilu ya mina yi khohlisilwe hi wasati, Lezaku nzi xiyamele livatini la muakelane wa mina,

Eksodusi 20:14

U nga bhayi.

Eksodusi 20:17

U nga naveli a yindlu ya wakelane wa wena. U nga naveli sati wa wakelane wa wena, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xinwanyani xilo xa wakelane wa wena. Rom. 7:7; 13:9

Mavingu 6:29

Hikwalaho loyi a enghenako ka wasati wa muakelane wakwe, i wihi loyi a mu henyako, a nga ta kuva hava nanzu.

Jeremia 13:27

Nzi wonile a wubhayi ga wena ni kurila ka kunavela ka wena, A wugango ga wena go hunzeleta le zitsungeni ni lomu masinwini. Khombo ka wena Jerusalema! Xana u ta rinzela kala rini na u nga basiswi ke?

Jeremia 23:10

Hakuva a tiko gi tele hi zibhayi, Ga rila hi kota ya nzhukano; A wuriselo ga xiwula gi swile; A mafambela yabye ma bihile, Leʼzo biha hi ntamu wabye.

Jeremia 29:23

Hakuva va mahile wupumbu lomu ka Israeli, va bhaya ni vasati va vaakelwane, ni ku wulawula timhaka ta mawunwa vitweni ga mina, leti nzi nga va layangiko. Mina nza zi tiva, niku nzi mboni, ku wula Jehova.

Jeremia 50:11

Ina, hambu loku mu tsaka mu bhuma makunu, nwina vaonhi va tshomba ya mina, hambu loku mu khana ku fana ni role gi kanzihelako tirigo, mu yimba kukotisa a mahaxi ya ntamu,

Jeremia 9:2

O mayiwako! loku nzi wa hi ni zumbo ga vafambi lomu xiwuleni, Zonake nzi wa ta ngha nzi tsikile a vanhu va mina, nzi suka xikari kabye, Hakuva vontlhe zibhayi, i hubye ya vakanganyisi. Tis. 55:6

Ezekieli 22:11

Ku mahiwa manyala ni sati wa muakelane, a vanwani va maha kubiha ni vakatamwane, a ka wena va wisa tingana a vamakabye va xisati, a vanhwana vo belekwa hi vararu vabye.

Deuteronome 5:18

U nga bhayi.

Deuteronome 5:21

U nga naveli sati wa muakelane wa wena, u nga naveli a yindlu ya muakelane wa wena, hambu ni simu gakwe, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xihi xilo xa muakelane wa wena.