Jeremia 5:7 - Tshwa Bible

⁷ Xana nzi nga ku tsetselelisa kuyini? A vanana va wena va nzi tsikile, va hlambanya hi lava va nga hiko vanungungulu. Hambu loku nzi va xurisile hi gi eneleko, vona va mahile wubhayi, va lo tsombana lomu ndlwini ya wuoswi na va tele nguvu.

Jeremia 5:7 Mawu Ofanana

2 Kronekele 13:9

Xana a mu hlongolangi a vapristi va Jehova, a vana va Aroni zinwe ni va ka Levi ke? Mu ti yimisele vanwani vapristi kota lezi va mahako vamatiko manwani, muku, loku munhu ata ku ta phahlela hi homu zinwe ni 7 wa tihamba, a yimiswa kuva mupristi wa lexi xi nga hiko nungungulu. Ekso. 28:41; 32:29; 1 Tih. 12:31

Joba 31:12

Hakuva kona i nzilo loʼwu hisako wu lovisa; Wu wa ta heta kontlhe kuanza ka mina.

Tisimu 50:18

Loku u wonana ni khamba, u zwanana nago, U hlengela ni zibhayi.

Jeremia 12:16

Loku va gonzile a tindlela ta vanhu va mina, lezaku va hlambanya a vitweni ga mina, vaku: Hi Jehova loyi a hanyako; kota lezi va gonzisileko vanhu va mina a ku hlambanya hi Baali, zonake va ta akiwa xikari ka vanhu va mina. Deut. 6:13; Efe. 2:19

Jeremia 13:27

Nzi wonile a wubhayi ga wena ni kurila ka kunavela ka wena, A wugango ga wena go hunzeleta le zitsungeni ni lomu masinwini. Khombo ka wena Jerusalema! Xana u ta rinzela kala rini na u nga basiswi ke?

Jeremia 16:11

Zonake u taku kabye: A vararu va nwina va nzi tsikile, ku wula Jehova, va lanzela a vanwani vanungungulu, va va tirela ni ku va khozela; va nzi tsikile, a va gongangi a nayo wa mina.

Jeremia 16:20

Xana munhu wa zi kota a ku ti mahela vanungungulu ke? Kasi vona a hi vanungungulu.

Jeremia 2:11

Xana ku ngava kona a tiko gi hunzulusileko a vanungungulu va gona, Hambu lezi va uga hiko vanungungulu ke? Kanilezi a vanhu va mina va tsikile a wudumo gabye, Va khozela a nungungulu a nga vuniko nchumu.

Jeremia 2:31

Nwina va xizukulwana lexi, ingisani a mhaka ya Jehova! Xana nzi wa hi tiko ga xiwula a ka Israeli ke? Kutani kuva tiko ga munyama? Hikuyini a vanhu va mina vaku: Hi tlhatlhekile, Hi nga ta engeta hita ka wena.

Jeremia 23:10

Hakuva a tiko gi tele hi zibhayi, Ga rila hi kota ya nzhukano; A wuriselo ga xiwula gi swile; A mafambela yabye ma bihile, Leʼzo biha hi ntamu wabye.

Jeremia 3:19

Nzi waku: Nzi ta ku veka xikari ka vanana va mina, Nzi ta ku nyika a tiko gi xuvekako, A tshomba yo saseka nguvu xikari ka matiko. Nziku: Mu ta nzi vitana, muku: Dadani; Mu nga ta ha hambuka mu nzi siya.

Jeremia 3:8

Nzi lo wona lezaku hambu lezi nzi nga hlongole Israeli, nzi mu nyika a papilo ga kuhambana hi kota ya wubhayi gakwe, Juda a makabye wakwe loyi a nga tsumbekangiko, a nga chavangi, kanilezi yenawu i lo famba a ya maha gona wubhayi. Deut. 24:1; 2 Tih. 17:18

Jeremia 7:9

Xana ma ha ta yiva, mu daya, mu bhaya, mu hlambanya mawunwa, mu hisa miphahlo yo nuhela ka Baali, ni ku lanzela vanwani vanungungulu lavo mu nga va tiviko?

Jeremia 9:1

O mayiwako! loku a hloko ya mina yi wa hi mati, Ni mahlo ya mina a kuva xibuka xa mihloti, Kasi nzi zi kota mumu ni wusiku a ku rilela Lava va delweko va nhwana wa vanhu va mina!

Jeremia 9:2

O mayiwako! loku nzi wa hi ni zumbo ga vafambi lomu xiwuleni, Zonake nzi wa ta ngha nzi tsikile a vanhu va mina, nzi suka xikari kabye, Hakuva vontlhe zibhayi, i hubye ya vakanganyisi. Tis. 55:6

Mikosi 3:42

Hi gohile hi ti alisa; Wena a ku hi tsetselelangi.

Ezekieli 22:11

Ku mahiwa manyala ni sati wa muakelane, a vanwani va maha kubiha ni vakatamwane, a ka wena va wisa tingana a vamakabye va xisati, a vanhwana vo belekwa hi vararu vabye.

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Hosea 13:6

Va xurile wuriselweni gabye; loku va xurile a timbilu tabye ti lo kukumuka, va nzi rivala. Deut. 8:12; 32:15

Hosea 4:2

Ku kona ntsena ku hlambanya mawunwa, ni kukhohlisa, ni kudaya, ni wukamba, ni wubhayi; va tira hi tihanyi, ku halatwa nkhata.

Hosea 7:4

Vona vontlhe zirembi, va ku khwatsi i njalo wu hisilweko hi mukatingi; wa tsika ku hlanganyeta a nzilo loku a vuvile mapa ma kala ma kukumuka.

Levi 20:10

Ni loku munhu a bhaya ni wasati a tekilweko, a bhaya ni sati wa muakelani wakwe, a wanuna ni wasati lava va bhayileko, vona vambiri va ta dawa. Mat. 5:27; Joh. 8:4

Amosi 8:14

Lava va hlambanyako hi xionho xa Samaria, vaku: Hi wutomi ga nungungulu wa wena Dani! niku, Hi wutomi ga ndlela ya le Berexeba! Na vonawu va tawa, va nga ha vuki kambe. 1 Tih. 12:28; Hos. 10:8

Zefania 1:5

ni lava va khozelako a yimpi ya tilo na va hi hehla ka tiyindlu; ni lava va khizamelako va hlambanya ha Jehova, va tlhela va hlambanya ha Malkamu.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

1 Va le Korinte 6:9

Xana a mu zi tivi lezaku a vangalulamangiko va nga taga a tshomba ya mufumo wa Nungungulu ke? Mu nga kohliswi: hakuva a zirembi, ni vakhozeli va zifananiso, ni zibhayi, ni lava va ti mahako vavasati, ni lava va ti bihisako ni vanwani vavanuna, Isa. 3:11

1 Va le Korinte 8:4

Hikwalaho xungetano ni kuga a zilo zi phahlelweko zifananisweni, ha zi tiva lezaku a xifananiso a hi nchumu laha misaveni, ni ku ngalo, a ku kona Nungungulu mumbe, munwe ntsena. Deut. 4:39; Isa. 41:24; 44:8

Va le Galatia 4:8

Kanilezi hi xikhati lexo mu nga kala mu nga tivi Nungungulu, mu wa hi wukhumbini ka vona lava va nga hiko vanungungulu. Rom. 1:25; Efe. 2:12; 1 Tes. 1:9

Deuteronome 32:15

Jexuruni a su kulukelana, a radlavanya. A kuluka, a zimuka, a tala hi mafura. Kanilezi a tsika Nungungulu loyi a mu wumbileko, A nyenya a ribye ga kuhanyiswa kakwe.

Deuteronome 32:21

Vona va nzi vuxele xiluse hi lezi zi nga hiko Nungungulu, Va nzi zangarisile hi zilo zabye za hava; Nzi ta va vuxela xiluse hi lezi zi nga hiko vanhu, Nzi ta va zangarisa hi matiko ya zipumbu.

Maheberu 13:4

Ngha na kutekana ku dzunzeka ka vanhu vontlhe, ngha sango gi nga nyenyeziswi; hakuva a zirembi ni zibhayi Nungungulu i ta zi lamula.

Jakobe 4:4

Nwina zibhayi, a mu zi tivi lezaku a wuxaka ni tiko mbulala ka Nungungulu ke? Hikwalaho kani hi wihi a nga ni wuxaka ni tiko i ti maha nala wa Nungungulu. Joh. 17:14; 1 Joh. 2:15

Joxua 23:7

Mu nga hlengeli ni matiko lawa maseleko xikari ka nwina; mu nga dzuki mu kumbuka mavito ya vanungungulu vabye, ge hambu ku hlambanya ha vona; mu nga dzuki mu va khozela ni ku va khizamela.