Jeremia 5:6 - Tshwa Bible

⁶ Hi lezo-ke a nghala ya lomu khwatini yi ta va daya, Ni hlolwa ga lomu xiwuleni gi ta va hlakahla, A yingwe yi ta nyanimela a miti yabye; Munwe ni munwani a ta nga huma handle i ta hanzulelwa. Hakuva a zihambunyeto zabye zi tele, Ni zigoho zabye zinyingi. Jer. 4:7; Hos. 13:7

Jeremia 5:6 Mawu Ofanana

2 Kronekele 36:14

Tlhatakumbiri a tihosana tontlhe ta vapristi, ni vanhu va tiko va lo anzisa nguvu kuhambunyeta kabye, va lanzela manyala wontihe ya vamatiko, va nyenyezisa a yindlu ya Jehova leyi a nga wa yi basisile a kuva yakwe le Jerusalema.

Ezra 10:10

Zonake mupristi Ezra i lo suka a yima aba hungu, aku kabye: Nwina mu onhile hi ku teka vavasati va vamatiko, mu engetela kuonha ka Israeli.

Ezra 9:6

nziku: Nungungulu wa mina, nzi na ni tingana ni gome a ku tlakusa a nghohe ya mina ka wena Nungungulu wa mina, hakuva a zigoho za hina zi kulile zi tlakuka hehla ka tihloko ta hina, ni nanzu wa hina wu kulile wu chikela tilweni. Gen. 18:20; Kuv. 18:5

Joba 10:16

Loku nzi wa ta tlakusa hloko wena wa nzi hlota kukotisa nghala yo tshisa, U ti wonekelisa ka mina hi kuhlamalisa.

Tisimu 104:20

U neha munyama, kuva wusiku, Laha a zivanza za khwati zi fambafambako,

Tisimu 80:13

A makhumba-khwati ma xura ha yona, Ni zihari za khwati za yiga.

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Isaya 59:12

Hakuva a zihambunyeto za hina zi tele mahlweni ka wena, Ni zionho za hina za hi ranisa; Hakuva a zihambunyeto za hina ha zi wona, Ha zi tiva a zigoho za hina:

Jeremia 14:7

Hambu loku a zionho za hina zi hi ranisa, O Jehova, hi vune hi kota ya vito ga wena. Hakuva hi hluwukile kanyingi, hi ku onhela.

Jeremia 2:15

A tinghalana ti wele hehla kakwe na ti tsewuza hi gezu ga tona, Ti hanzulela a tiko gakwe, a miti yakwe yi hisilwe ku nga tshami munhu kona.

Jeremia 2:17

Xana a ku ti vangelangi ha wece a khombo, Kota lezi u tsikileko Jehova a Nungungulu wa wena Laha yena a nga ku rangela ndleleni ke?

Jeremia 2:19

Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.

Jeremia 2:31

Nwina va xizukulwana lexi, ingisani a mhaka ya Jehova! Xana nzi wa hi tiko ga xiwula a ka Israeli ke? Kutani kuva tiko ga munyama? Hikuyini a vanhu va mina vaku: Hi tlhatlhekile, Hi nga ta engeta hita ka wena.

Jeremia 25:38

Yena i humele kota nghala yi humako nghuleni ya yona. A tiko gabye gi mahile marumbi, Hi kota ya kutshisa ka supado ya Jehova, Ni kota ya kuhisa ka zanga yakwe.

Jeremia 30:14

A varanziwa va wena vontlhe va ku rivele, A va ku khataleli. Hakuva nzi ku porongetile kota nala, Hi tsayiso wu hlokisako; Hi kota ya wukulu ga kubiha ka wena, Ni wunyingi ga zionho za wena.

Jeremia 30:15

Hikuyini u ketako hi kota ya mbanga ya wena ke? Ni lezi ku nga chumekiko a kubayisa ka wena? Hi kota ya wukulu ga kubiha ka wena, Ni wunyingi ga zionho za wena Nzi ku mahele lezi zilo.

Jeremia 30:24

A zanga yo tshisa ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa.

Jeremia 4:7

A nghala yi humele xihlahleni xa yona, ni muhahluli wa matiko I sukile wutshanwini gakwe kasi ku hangalasa a tiko ga wena, A hahlula miti ya wena, lezaku ku nga ha ala munhu ka yona.

Jeremia 49:19

Languta, i tata kota nghala yi humako hi lomu xihlahleni xa Jordani, yiya wugehveni go nyuka. Nzi ta mu hlongola xikanwe; ni wihi loye nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Jeremia 8:5

Hikuyini lava vanhu va Jerusalema va hluwuka hi kusimamisilweko ke? Va tiyile kukhohlakaleni, va ala ku wuya.

Jeremia 8:7

Hambu a gotomeni wa le mpfhukeni wa tiva tinguva takwe, A tuva ni nyawukolwe ni mbewulwani za tiva a xikhati xa ku tlhela ha xona; Kanilezi a vanhu va mina a va tivi a milayo ya Jehova.

Mikosi 1:5

A vavengi vakwe va buma, ni valala vakwe va vuvuma; Hakuva Jehova i mu rumile makhombo hi kota ya kutala ka zigoho zakwe. A zivanana zakwe zi yile wukhumbini, na zi guliwa hi nala.

Ezekieli 16:25

A mahanzakanyeni wontihe u akile matshamu ma tlakukileko, a wumbhuri ga wena u gi nyenyezisa, na u ti nyikela ka vontlhe vahunzi, u enzelekisile a wuoswi ga wena.

Ezekieli 22:27

A tihosana ta gona ti khwatsi timhisi ti huhulukelako a pfimba xikari ka gona; ti halata nkhata, ti lovisa mihefemulo ya vanhu lezaku ti kuma bhinzu.

Ezekieli 23:19

Kasike i lo enzelekisa a wuoswi gakwe na alakanya a masiku ya wuswa gakwe, a xikhati lexi a nga maha wuoswi le tikweni ga Gipite;

Danieli 7:4

A xo ranga xi wa fanana ni nghala, na xi hi ni tipapa ta gama. Nzi lo xi cuwuka kala a tipapa ta xona ti tsuwuliwa, xi tlakuswa misaveni, xi yitniswa hi milenge ya xona kukotisa munhu, xi nyikiwa a mbilu ya munhu.

Danieli 7:6

Anzhako ka lezo nzi lo wona xinwani xo fanana ni yingwe, xi nga hi ni mune wa tipapa laha hlanini wa xona, xi wa hi ni mune wa tinghohe kambe. Xi lo nyikwa wuhosi.

Hosea 5:14

Hakuva ka Efraime nzi ta fanana ni nghala, nzi fanana ni xinghalana a ka yindlu ya ka Juda. Mina wutsumbu nzi ta hanzula nzi ti fambela; nzi ta rwala a pfimba, ku nga hi kona a to nzi wutlela wona.

Habakuka 1:8

A mahaxi yabye ma tsutsuma ku hunza tiyingwe, ma tshisa ku hunza mahlolwa ni wusiku; a vakhileli va wona va famba hi ku ti kulisa. Ina, a vakhileli vabye va mahaxi vata hi le kule, va puruma khwatsi i gama legi gi hatliselako a pfimba wa gona. Jer. 4:13; Zef. 3:3; Mat. 24:28

Zefania 3:3

A tihosana ta wona, tinghala leti ti dzumako; a valamuli va wona va fana ni mahlolwa ni wusiku, ma nga siyiko nchumu xa manziko.

Mitsengo 32:14

Makunu nwinawu mu lava ku teka xikhundla xa vararu va nwina, mu maha xizukulwana xa vaonhi, mu anzisa a zanga ya Jehova xikari ka va ka Israeli.

Kuvululelwa 13:2

A xihari lexi nzi nga xi wona xi wa kotisa yingwe, a milenge ya xona kotisa ya ursu, ni nomu wa xona wu ku khwatsi i nomu wa nghala. Drako i lo xi nyika ntamu wakwe, ni xitshamu xakwe xa wuhosi, ni wuhosi ga hombe. Dan. 7:4-6; Xip. 12:9