Jeremia 5:31 - Tshwa Bible

³¹ A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Jeremia 5:31 Mawu Ofanana

1 Tihosi 22:6

Zonake a hosi ya ka Israeli yi lo tsombanyisa a vaprofeti Xipimo xa 400, aku kabye: Xana nzi famba nzi ya hlasela le Ramote-Gileade, kutani nzi ngayi ke? Vona vaku: Kanziha, u famba, hakuva Jehova i ta nyikela gona mandleni ya hosi.

Mavingu 17:4

A wa kubiha i ingisela milomu ya kubiha; i muhembi i ingisela lirimi la mahlevo.

Isaya 10:3

Mu ta maha yini hi siku ga tsayiselelo, Laha a bhubhutsa gi tako hi le kule? Mu ta chavela ka mani kasi ku vuniwa ke? A titshomba ta nwina mu ta ti veka kwihi?

Isaya 20:6

A ka siku lego a vaaki va tiko ga laha bimbini va taku: Langutani a kulobyiswa ka loyi hi nga mu tsumba, loyi hi nga tsutsumela ka yena kasi ku vuniwa ni ku tlhatlhiswa mandleni ya hosi ya le Assiria! Hinake, hi ta ponisa kuyini?

Isaya 33:14

A vaonhi va le Zioni va chava; A vakubiha va rurumela, vaku: Himani xikari ka hina a ta nga tiya a yima nzilweni lowu wu hisako? Himani a ta nga hanya malangavini ma nga timekiko? Deut. 4:24; Isa. 30:27

Isaya 43:27

A nyapanze wa wena i onhile, Ni vatlhamuseli va wena va nzi onhele.

Isaya 47:7

Wena u ngalo: Nzi tava muzinza kala kupinzuka. A ku khatalelangi lezi zilo, A ku alakanyangi lezaku zi ta mbhela. Kuv. 18:7

Jeremia 12:4

Xana kala rini a tiko na gi keta. A khubyanyi na gi woma mikoveni. Hi kota ya kubiha ka lava va akileko lomo ke? A zihari ni zinyanyani za lova, Hakuva ve ngalo: A nga ta wona kugumelwa ka hina.

Jeremia 14:14

Jehova i lo nzi hlamula, aku: A vaprofeti va profeta mawunwa vitweni ga mina. A nzi va rumangi, a nzi va layangi; a nzi wulawulangi nchumu kabye. Va profeta ka nwina a miwoniso ya mawunwa ni kuvumba, a zilo za mahala za kukhohlakala ka timbilu tabye.

Jeremia 26:7

Va lo zizwa a vapristi, ni vaprofeti, ni vontlhe vanhu, loku Jeremia a kanela timhaka leti ndlwini ya Jehova.

Mikosi 1:9

A minzhungo ya tinguwo takwe yi wa hi ni chaka, a nga alakanyangi a magumo yakwe; A kuwa kakwe ka rewukisa, a nga na mutangalisi. Jehova, cuwuka a hlokiselelo wa mina, hakuva a nala wa ti kulisa.

Mikosi 2:14

A vaprofeti va wena va ku wonele a miwoniso yi nga nyawuliko ni ya wupumbu, A va tsetsulangi a zigoho za wena, kasi u pona u ngayi wukhumbini; Kanilezi va ku profetele zahava, lezi zi nga ku hambukisa.

Mikosi 4:13

Zi mahekile hi kota ya zionho za vaprofeti ni zigoho za vapristi, Lava va nga halata a nkhata wa valulamileko xikari ka gona. Mat. 23:35

Mikosi 4:18

Va xiya kufamba ka hina, lezaku hi nga dzuki hi fambafamba maruweni ya hina. A kugumelwa ka hin, ku tshinele, a masiku ya hina ma mbhelile, hakuva a kugumelwa ka hina ku chikele.

Ezekieli 13:10

Kota lezi va nga hambukisa a vanhu va mina, vaku: A kurula! na ku nge hi kona kurula; ni loku vanhu va aka khurisi vona vaprofeti va gi tshula hi mhemba; Jer. 6:14; Mika 3:5

Ezekieli 13:6

A miwoniso yabye nja hava, va vumba mawunwa, lavo va nge ngalo: Ku wula Jehova. Jehova a nga va rumangi, kanilezi va tsumba lezaku a gezu gabye gi ta tatiseka.

Ezekieli 22:14

A mbilu ya wena yi ta tiya ke, kutani a mandla ya wena ma tava ni ntamu a masikwini lawa nzi: ta nga cuwukana na wena ke? Mina Jehova nzi zi wonile, nzi ta zi maha.

Hosea 4:9

Hikwalaho a mupristi i ta humelela hi ndlela yinwe ni vanhu; nzi ta va tsayisa hi kota ya mahanyela yabye, nzi va chachazela a zimaho zabye.

Hosea 6:10

Ndlwini ya ka Israeli nzi wonile zilo zo tshisa: Efraime i maha wubhayi lomo, Israeli a ti nyenyezisa. 1 Tih. 12:28; 2 Tih. 17:7

Hosea 9:5

Mu ta maha yini sikwini ga gotsovanyano wa ximuse, ni sikwini ga mubuzo wa Jehova ke?

Mika 2:11

Loku a munhu a famba hi moya wa kukhohlisa, a hemba wunwa aku: Nzi ta ku profetela hi vinya ni byala, a muprofeti loye i sasekele lava vanhu. Isa. 30:10; Mik. 3:5

Mika 2:6

Va profeta vaku: Mu nga profeteni! Ngha va nga byabyatsi hi lezi zilo; a tinzhukano tabye a ti mbheli!

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Zefania 3:4

A vaprofeti va wona mbo ti kulisa, va nga tsumbekahgiko; a vapristi va wona va nyenyezisile a wutshamu ga kubasa, va byeketa nayo. Jer. 23:11, 32; Ezek. 22:26

Deuteronome 32:20

Aku: Mina nzi ta va fihlela a nghohe ya mina, Nza nga wona lezi zi to humelela, Hakuva lixaka la ku gombonyeka, I vanana va nga tsumbekiko.

Deuteronome 32:29

Loku va wa tlharihile ngha va zi pimile, Va alakanya kugumelwa ka vona.