Jeremia 5:3 - Tshwa Bible

³ O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 5:3 Mawu Ofanana

Genesisi 19:34

Zonake hi manziko wa kona loyi wa nhonzwa i te ngalo ka loyi wa nzisana: Languta, nzi etlele na dadani matolo; a hi engete kambe hi mu nwisa vinya wusiku legi, u enghenawu u etlela naye, kasi hiva ni tinyimba ha dadani.

1 Tihosi 13:33

Anzhako ka lezo Jeroboamu a nga hunzulukangi ndleleni yakwe ya kubiha. I lo engeta kambe a veka vapristi va lomu ka zitsunga, va humelako matikweni wontihe: i lo hlawula loye a mu lavako yena, a mu yimisa a kuva mupristi wutshanwini gi tlakukileko. Ekso. 28:41

2 Tihosi 1:13

Ahazia i lo engeta a rumela a nduna ya wunharu zinwe ni 50 wa vanhu. Ni nduna ya wunharu laha yi nga wa kanzihile yi lo ta chikela yi khizama hi madzolo ya yona mahlweni ka Elija, yi mu khongotela, yiku: Munhu wa Nungungulu, ponisa wutomi ga mina ni ga vanhu lava va ntlhanu wa makume, a malanza ya wena!

2 Kronekele 16:9

Hakuva a mahlo ya Jehova ma languta misaveni yontlhe a ku tiyisa lava va nga vakwe hi timbilu tabye tontlhe. U mahile wupumbu mhakeni leyi, hakuva kusukela lezi u tava ni tiyimpi. Jer. 16:17; 32:19; Zak. 4:10

2 Kronekele 28:22

Hambu lezo a nga wa hi khombyeni i lo simamisa a onhela Jehova.

Tisimu 51:6

Wena wa ranza zinene lomu mbilwini; Nzi gonzise a kutlhariha lomu nzeni ka mina.

Tisimu 51:8

Maha mina nzizwa a kutsaka ni kunengela, Kasi a marambu laya wena u ma tshovileko ma fela ku tsaka.

Tisimu 55:20

A wakubiha i hlomile a vukela loyi a hanyileko naye hi kurula, A tshova xivumelwano xakwe.

Mavingu 21:29

A munhu wa kubiha wa boha nghohe yakwe; anilezi loyi a lulamileko wa tiyisa a tindlela takwe.

Mavingu 22:12

A mahlo ya Jehova ma hlayisisa wutivi, anilezi wa hoxa kule a makungo ya loyi a nga tsumbekangiko.

Mavingu 23:35

U taku: Va nzi bile, kanilezi a nzi bayiswangi; a nzi kwapile, kanilezi a nzi zi zwangi: zi ta vuka rini nzi ya gi lava kambe?

Mavingu 27:22

Hambu loku u wa ta kanza a xipumbu lomu churini, kanza hi musi u patsa ni mavele lawa ma gayiwako, ima a wupumbu gakwe gi nga ta huma.

Isaya 26:11

Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Isaya 42:25

Hikwalaho i chulule a zanga yakwe hehla kabye, Ni kuleva ka yimpi. A nzilo wa yona wu va renzelekele, kanilezi a va wu pimangi; Wu va hisile, kanilezi a va wu khatalelangi. Jer. 7:20; Ezek. 20:8; Hos. 5:10

Isaya 48:4

Hakuva nzi wa zi tiva lezaku wa nonoha, Lezaku a nhamu ya wena i siha wa xiketse, Ni ximombo xa wena i suku. Ekso. 32:9; 33:5; Jer. 6:28

Isaya 9:13

Kanilezi a vanhu a va tlhelelangi ka loyi a va bako, Ge, hambu ku lava Jehova wa tiyimpi.

Jeremia 15:7

Nzi va heherile hi foxola le maphangweni ya tiko; A vapswali nzi va tekele a vana vabye, Nzi lovisa vanhu va mina. Hilezi va nga hunzulukangiko tindleleni tabye.

Jeremia 17:23

Vona a va ingisangi, hambu ku phuhunha tindleve tabye; kanilezi va lo nonohisa a tinhamu tabye, kasi va ngazwi, ni ku nga amukeli kulayiwa.

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Jeremia 3:3

Hikwalaho a tivula ti beletelwe, Zonake a vula yo ranga a yi nangi; Kanilezi a ximombo xa wena xi wa hi xa xibhayi, Lezaku u nga vumeli kuzwa tingana. Deut. 11:16; Ezek. 3:7

Jeremia 32:19

U wa hombe makungwini, u ni ntamu kumaheni; a mahlo ya wena ma wona a mahanyela wontihe ya vana va vanhu, kasi ku nyika ka munwe ni munwani kukotisa a hanyela gakwe, ni kukotisa a mbhanzu wa mitiro yakwe.

Jeremia 35:13

Jehova wa tiyimpi, a Nungungulu wa Israeli, i ngalo: Famba, u va byela a vanhu va ka Juda, ni vaaki va Jerusalema, uku: Xana cima mu nga ta amukela gonzo hi kuzwa a timhaka ta mina ke? ku wula Jehova.

Jeremia 44:10

Kala nyamutlha a va se nga ti tsongahata, ge hambu ku chava, kutani ku famba hi milayo ya mina ni zileletelo lezi nzi nyikileko nwina ni vakoko ya nwina.

Jeremia 7:26

Kanilezi a va ingisangi, hambu ku riya tindleve; va lo nonohisa a tinhamu tabye, va maha kubiha ku hunza ni vararu vabye.

Jeremia 7:28

Zonake wena u ta wula kabye, uku: Legi i tiko gi nga ingisiko a gezu ga Jehova a Nungungulu wabye, hambu ku amukela a ziluleko. A kutsumbeka ku hava, ku susilwe a milonwini yabye.

Jeremia 8:5

Hikuyini lava vanhu va Jerusalema va hluwuka hi kusimamisilweko ke? Va tiyile kukhohlakaleni, va ala ku wuya.

Ezekieli 2:4

Nza ku ruma ka vana va xikanya, va timbilu to nonoha, u tava byela uku: Hosi Jehova i ngalo.

Ezekieli 24:13

Kota lezi a chaka ga wena gi bihileko nguvu, ni kota lezi nzi nga ku hlaza kanilezi a ku basangi, hikwalaho a chaka ga wena gi nga ta hlaziwa kambe kala loku nzi rengisile a zanga ya mina hehla ka wena.

Danieli 9:13

A khombo gontlhe legi gi hi wele khwatsi hilezi ku tsalilweko nayweni wa Mosi. Kanilezi a hi kombelangi a wuxinji ga Jehova a Nungungulu wa hina, hi ku tsika zigoho za hina, hi chela kota hi zinene za wena.

Levi 26:23

Loku mu nga vumeli ku lulekwa hi lezi zilo, kanilezi mu simamisa mu hambana na mina,

Amosi 4:10

Nzi mu rumele a ntungu wo fanana ni wa le Gipite, nzi daya ma jaha ya nwina hi tisupado, a mahaxi ya nwina ma phangiwa; a kunuha ka zirumbi za wugovelo ga nwina nzi ku mahile ku chikela tinhovini ta nwina; hambu zi hi tano, a mu hunzulukangi ka mina, ku wula Jehova. Ekso. 9:3; 12:29; 2 Tih. 13:3, 7

Amosi 4:11

Nzi mu lovisile khwatsi hi laha Nungungulu a nga lovisa Sodoma ni Gomora, mu lo pona ku fanana ni lihunyi li susilweko nzilweni; hambu zi hi tano, a mu hunzulukangi ka mina, ku wula Jehova. Gen. 19:24; Isa. 13:19

Amosi 4:6

Kambe nzi mu rumele ndlala mitini yontlhe ya nwina, mu vumala zakuga matshanwini ya nwina wontlhe. Hambu zi hi tano, a mu hunzulukangi ka mina, ku wula Jehova. 2 Tih. 6:25; 8:1

Amosi 4:8

Zinghaho a miti mimbiri ni miti minharu yi loya ka muti a ku yanwa mati, kanilezi yi nga kolwi. Hambu zi hi tano, a mu hunzulukangi ka mina, ku wula Jehova.

Amosi 4:9

Nzi bile a mavele ya nwina hi mheho ya xikobani ni tindlati, a masimu ya nwina yo tala, ni zivina za nwina ni mikuwu ya nwina ni mioliva ya nwina zi gilwe hi bhanzala; hambu zi hi tano, a mu hunzulukangi ka mina, ku wula Jehova.

Zefania 3:7

Nzi te ngalo: Hizinene loku u wa ta nzi chava, u amukela a ziluleko, zinghaho a Wutshamu ga wena gi wa nga ta susiwa kukotisa zontlhe lezi nzi leleteleko xungetano na wena. Kanilezi na ga hi mixo va vukile kasi ku wonha zimaho zabye zontlhe.

Va le Roma 2:2

Hakuva ha zi tiva lezaku Nungungulu wa lamula hi zinene lava va mahako a zilo za kunghahi. 2 Tes. 1:6

Maheberu 12:9

Tlhatakumbiri, hi wa hi ni vadadani va nyama lava va nga hi tsayisa, hi wa hi ni xichawo ha vona; xana ngha hi nga ingisi a Dadani wa mimoya, a kuva hi hanya ke? Mitse. 27:16