Jeremia 5:24 - Tshwa Bible

²⁴ A va wuli timbilwini tabye ku: A hi chaveni Jehova Nungungulu wa hina, loyi a nyikako vula yo ranga ni ya wuxika hi tinguva ta yona, a wihi a hi hlayiselako a maviki ya kutshovela ka hina. Deut. 11:14; Miti. 14:17

Jeremia 5:24 Mawu Ofanana

Genesisi 8:22

Kala magumeso ya misava ku nga ta khawula kurima, ni kutshovela, ni xirami ni kuhisa, ximumu ni wuxika, a siku ni wusiku.

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

Joba 29:23

Va wa nzi rinzela khwatsi nzi vula, Va ahlamisa milomu yabye khwatsi hi loku va amukela a vula yo kala.

Joba 38:37

Himani a nga hlayako marefu hi wutlhari ke? Himani a chelako tinghotso ta le tilweni,

Joba 5:10

Loyi a nisako vula hehla ka misava, A rumela mati lomu mikoveni;

Tisimu 147:8

Loyi a fenengetako a tilo hi marefu, A nisako vula misaveni, Ni ku milisa byanyi lomu zitsungeni. Miti. 14:17

Tisimu 65:9

U enzela misava, u yi tsanisa, U yi pfunisa nguvu; A congo wa Nungungulu wu tele hi mati. Wena u va nyika mavele, loku u longisisile lezo a misava. Deut. 11:11

Isaya 64:7

A ku na munhu a khongelako vitweni ga wena, Loyi a vukako kasi ku namarela ka wena; Hakuva u hi fihlele a nghohe ya wena, U hi tsika hifa zigohweni za hina.

Jeremia 10:13

Loku a tlakusa a gezu gakwe A mati ma dzuma le matilweni, A maha marefu mata hi le magunweni ya misava; I rumela zingwalangwanza zinwe ni vula, Ni ku humesa a mheho lomu mabakweni yakwe.

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Jeremia 2:19

Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.

Jeremia 3:3

Hikwalaho a tivula ti beletelwe, Zonake a vula yo ranga a yi nangi; Kanilezi a ximombo xa wena xi wa hi xa xibhayi, Lezaku u nga vumeli kuzwa tingana. Deut. 11:16; Ezek. 3:7

Jeremia 5:22

Xana a mu nzi chavi ke? ku wula Jehova; mu nga ta rurumela mahlweni ka mina ke? Mina loyi nzi nga veka a seke a kuva mbhingano wa bimhi wa kala kupinzuka, lezaku gi nga zi koti ku wu hunza. Hambu loku a mabyandlati ma gobhoza hi ntamu a ma zi koti ku hlula, hambu loku gi nga dzinza-dzinza hi ntamu, cima gi nga ta hunza. Joba 26:10; Tis. 104:9

Jeremia 50:5

Va ta wutisa ha Zioni, a tinghohe tabye na ti cuwuka kona, vaku: Tanani mu ta boha zinwe na Jehova a xivumelwano xa pinzukelwa lexi xi to kala xi nga rivaliwi.

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Joeli 2:23

Tsakani nwina vanana va le Zioni, mu tsakela Jehova a Nungungulu wa nwina; hakuva i ta mu nyika a vula hi gi eneleko, a mu nisela a vula ya tsangela nguva ni vula ya xikubya kota kusanguleni. Deut. 11:14; Jer. 5:24

Amosi 4:7

Nzi mu tsonile vula na ka ha sele tihweti tinharu a kuva mu tshovela; nzi yi nisa ka muti munwe, a ka wunwani yi ngani; a simu ginwe gi nelwa, legi gi nga kala ku nelwa gi woma.

Zakaria 10:1

Kombelani vula ka Jehova xikhatini xa vula ya xirimo! Hi Jehova a rumako zingwalangwanza, i ta va nyika a tivula ta hombe, a nyika ka munwe ni munwani a mihanzu lomu sinwini gakwe.

Mateu 5:45

kasi mu fela kuva vana va Raru wa nwina loyi a nga le tilweni; hakuva wa tsuwukisa gambo gakwe hehla ka vobiha ni ka vosaseka, a nisa vula hehla ka valulamileko ni ka va nga lulamangiko.

Mitiro 14:17

Hambu lezo a nga vumalangi Wukustumunyu ka wona, hakuva i lo maha kusaseka, a mu nyika vula hi le tilweni ni tinguva ta mihanzu, a mu anzisela zakuga, a tatisa timbilu ta nwina hi kutsaka. Deut. 11:14; Levi 26:4; Mat. 5:45

Deuteronome 28:12

Jehova i ta ku vululela tilo, gi nga bako gakwe ga titshomba, ni ku nyika a misava ya wena a tivula hi zikhati za tona, ni ku katekisa yontlhe mitiro ya mandla ya wena. Wena u ta cenekisa matiko ya ku tala, kanilezi wena u nga ta ceneka nchumu ka wona.

Jakobe 5:7

Hikwalaho, vamakabye, timiselani kala Hosi yi wuya. Langutani, a murimi wa langutela a mihanzu yo saseka ya misava, a timisela a kala a kuma a vula yo ranga ni yo gumesa. Deut. 11:14

Kuvululelwa 11:6

Vona va na ni ntamu wo vala tilo, lezaku a vula yi ngani masikwini lawo va profetako ha wona; va na ni ntamu a ku hunzula mati ma maha nkhata; ni wa kuba misava hi zixaniso zi tsalangeneko, kota lezi va zi ranzako. Ekso. 7:19; Jak. 5:17