Jeremia 5:22 - Tshwa Bible

²² Xana a mu nzi chavi ke? ku wula Jehova; mu nga ta rurumela mahlweni ka mina ke? Mina loyi nzi nga veka a seke a kuva mbhingano wa bimhi wa kala kupinzuka, lezaku gi nga zi koti ku wu hunza. Hambu loku a mabyandlati ma gobhoza hi ntamu a ma zi koti ku hlula, hambu loku gi nga dzinza-dzinza hi ntamu, cima gi nga ta hunza. Joba 26:10; Tis. 104:9

Jeremia 5:22 Mawu Ofanana

Genesisi 1:9

Nungungulu aku: A ma tsombane wutshamu ginwe a mati laya ma nga lahasi ka tilo, ku woneka muhanza wu omileko; ku lova lezo.

1 Tihosi 13:28

Zonake i lo suka a famba, a ya kuma a xirumbi na xi te chanjala laha ndleleni, a mbongola ni nghala na zi yimile kusuhani ka xona. A nghala yi wa ngagi xirumbi hambu ku pfhemula a mbongola.

Joba 26:10

Yena i vekile a ranzani mimbhinganweni ya mati, Laha ku tlhanganako a kuwonekela ni munyama.

Joba 37:24

Hikwalaho a vanhu va mu chava: A nga khatali hi loyi a tsumbako a wutlhari ga yena nwinyi.

Joba 38:8

Himani loyi a valeleko a bimbi hi tivati, A xikhati gi nga phuxuka, khwatsi gi huma hi rumbyini ga nyine?

Tisimu 104:9

U vekile a mbhingano lezaku a mati ma nga wu hunzi, Ma nga tlheli ma fenengeta misava. Joba 38:10; Mav. 8:29; Jer. 5:22

Tisimu 119:120

A miri wa mina wa rurumela hi ku chava wena, Nza chava ni kulamula ka wena.

Tisimu 33:7

A viringetela a mati ya bimbi ma maha nhulu, A veka kueta lomu wuhlayiselweni. Gen. 1:9; Joba 38:8

Tisimu 46:3

Hambu loku mati ya gona ma go bhoza ma vindlukiswa, Ni loku a zitsunga zi tsekatseka hi kukumuka ka wona. (Sela.)

Tisimu 99:1

Jehova wa fuma, matiko a ma rurumele. I tshamile xikari ka makerubima, A misava yi tsekatseka. 1 Sam. 4:4; 2 Sam. 6:2

Mavingu 8:29

A xikhati lexi a nga yimisa mbhingano wa bimbi, ezaku mati ma nga hambunyeti a xileletelo xakwe, xikhati a nga yimisa a ziseketelo za misava: Joba 38:10; Jer. 5:22

Isaya 50:2

A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Isaya 64:2

A kukotisa a nzilo wu dzivelako tihunyi ti womileko, A nzilo wu vilisa mati; Lezaku a valala va wena va fela ku tiva a vito ga wena, Ni matiko ma rurumela mahlweni ka wena.

Isaya 66:5

Zwanani a mhaka ya Jehova nwina lava mu rurumelako hi gezu gakwe! Hakuva a vamakwenu lava va mu vengako, Lava va mu hlongolako hi kota ya vito ga mina, Ve ngalo: Jehova a kombisa a wukulu gakwe, Kasi ha fela ku wona kutsaka ka nwina! Kanilezi va tawa tingana.

Jeremia 10:7

O Hosi ya matiko, himani a nga ku chaviko? U fanele ku chabyiwa, Hakuva xikari ka tontlhe titlhari ta vamatiko, Ni ka mifumo yabye yontlhe, Cima a nga kona loyi; a fananako na wena. Kuv. 15:8

Jeremia 2:19

Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.

Jeremia 31:35

Jehova loyi a nyikako a gambo a ku woningela ni mumu, Loyi a vekileko a hweti ni tinyeleti a kuva zi woninga wusiku, Loyi a vindlusako a bimhi kasi a mabyandlati ya gona ma dzinza-dzinza; Jehova wa tiyimpi hi vito gakwe; i ngalo;

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Amosi 4:12

Hikwalaho nzi ta maha lezo ka wena, Israeli; khwatsi hi lezi nzi ta nga maha lezo ka wena, ti longisele ku tlhangana ni Nungungulu wa wena, Israeli.

Amosi 9:6

hi yena loyi a akako a tiyindlu takwe le tilweni, a tshambuluta a tilo gi maha a langwa hehla ka misava; a vitanako a mati ya bimbi a ma chulula hehla ka misava. A vito gakwe hi Jehova.

Jona 1:16

A vavanuna lavo va lo mu chava nguvu Jehova, va mu mahela miphahlo ni zifungo.

Nahume 1:4

Wa kawuka a bimbi a gi maha gipswha, a pswhisa micongo yontlhe; Baxani ni Karmeli ya ohoma, ni xitsangi xa Lebanoni xa wuna.

Mateu 10:28

Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14

Marku 4:39

I lo vuka, a kawuka a mheho, aku ka bimbi: Miyela, uku hwi! Ni mheho yi lo gawuka, kuva ni malenga ya hombe.

Luka 12:5

Kanilezi nzi ta mu byela loyi mu ta nga mu chava: Chavani loyi a nga ni ntamu ku hoxa Gehena anzhako ka kuva na a dele miri; ina, nziku ka nwina, mu chaveni yena.

Deuteronome 28:58

Loku u nga cheli kota ku lanzela timhaka tontlhe ta nayo lowu, leti ti tsalilweko ka bhuku legi, ni ku chava a vito legi ga hombe gi chavekako ga Jehova Nungungulu wa wena,

Kuvululelwa 15:4

Himani a ta nga kala ku ku chava, wena Hosi, A nga dzunzeleti a vito ga wena ke? Hakuva hi wena wece u basileko, A matiko wontihe ma tata ma ta ku khizamela: Hakuva a mitiro ya wena yi lulamileko vi wonekelisilwe. Ekso. 15:14-16; Isa. 66:23