Jeremia 5:21 - Tshwa Bible

²¹ Ingisani makunu, nwina vanhu va hungukileko, mu nga hiko ha kupima; mu nga ni mahlo ma nga woniko, na mu hi ni tindleve ti nga zwiko.

Jeremia 5:21 Mawu Ofanana

Tisimu 94:8

Pimisisani nwina zipumbu xikari ka vanhu, Na nwina maphuphulu, mu ta tlhariha rini?

Mavingu 17:16

Zi vuna yini a kuva a xipumbu xi hi ni mali ya ku xava wutlhari, aha a mbilu ya xona yi nga gi khataleliko ke?

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Isaya 43:8

Humesani a vanhu va zikhumu laʼva nga ni mahlo, Ni ziwiri lezi zi nga ni tindleve.

Isaya 44:18

A vakunghahi a va tivi nchumu, a va pimi nchumu, hakuva a mahlo yabye ma valilwe, a va zi koti ku wona, ni timbilu tabye laha kaku va nga pimi nchumu.

Jeremia 10:8

Vontlhe va hungukile ni kuva zipumbu, A gonzo ya zifananiso i tsanza ntsena.

Jeremia 4:22

Ihakuva a vanhu va mina va hungukile, a va nzi tivi; Mbana va zipumbu, na va nga hi na kupima. Vona va tlharihile a ku maha kubiha, Kanilezi a va zi tivi ku maha zinene. Rom. 16:19

Jeremia 5:20

Tlhatlhambutelani ka yindlu ya Jakobe, muba hungu ka Juda, muku:

Jeremia 5:4

Zonake nzi wa alakanya ku ngalo: Hizinene, lava i vanhu va tsongwani, vona zipumbu, Hakuva a va yi tivi a ndlela ya Jehova Ni milayo ya Nungungulu wabye.

Jeremia 6:10

Nzi ta byela mani, Nzi maha wumboni kasi va ingisa ke? A tindleve tabye makhuna, a va zi koti kuzwa. A mhaka ya Jehova i nzhukano kabye, a va yi ranzi.

Jeremia 7:13

Makunu na mu mahile a zimaho lezi zontlhe, ku wula Jehova, nzi wulile a ka nwina na ga hi mixo, nzi mu byela, kanilezi a mu ingisangi; nzi lo mu vitana kanilezi a mu hlamulangi.

Jeremia 8:7

Hambu a gotomeni wa le mpfhukeni wa tiva tinguva takwe, A tuva ni nyawukolwe ni mbewulwani za tiva a xikhati xa ku tlhela ha xona; Kanilezi a vanhu va mina a va tivi a milayo ya Jehova.

Ezekieli 12:2

Nʼwana wa munhu, u akile xikari ka lixaka, la va hluwukwa, lava va nga ni mahlo ya ku wona, kanilezi va nga woni, laʼva nga ni tindleve tozwa, kanilezi va ngazwi, hakuva mba yindlu ya mihluwukwa. Deut. 29:4; Isa. 6:9; Mat. 13:14

Hosea 7:11

Efraime i fanana ni tuva ga manya, gi nga hiko na kupima; va vitana a maGipite, vaya le Assiria. 2 Tih. 15:19; 16:7

Zakaria 7:11

Kanilezi va lo ala ku ingisa, va tshukwama makatla, va vala tindleve tabye, aku kasi va ngazwi.

Marku 4:12

kasi hi ku wona, va ta wona, kanilezi va nga wonisisi; hi kuzwa va tazwa, kanilezi va nga zi pimi; ku nga taku va hunzuluka va tsetselelwa kuonha kabye Isa. 6:9; Mat. 13:14; Rom. 11:8

Marku 8:18

Lezi mu nga ni mahlo, a mu woni ke? Ni tindleve mu nato, a mu zi koti kuzwa? A mu alakanyi nchumu ke?

Johani 12:40

I phumisile mahlo yabye, a nonohisa timbilu tabye; Ku nga taku va wona hi mahlo yabye, va pima hi timbilu tabye; Va hunzuluka, nzi va hanyisa. Isa. 6:9, 10; Mat. 13:14

Mitiro 28:26

Famba ka tiko legi u yaku ngalo: Hi kuzwa mu tazwa, kanilezi mu nga ta zi pima, Ni ku wona mu ta wona, kanilezi mu nga ta zi tiva. Isa. 6:9; Mar. 4:12; Lu. 8:10

Va le Roma 1:20

Hakuva a matshamela yakwe ma nga wonekiko, wu nga ntamu wakwe wa pinzukelwa ni wunungungulu gakwe, ma wonekile maku dlunya kusukela kuvangiweni ka misava, hakuva ma tibyiwa hi mitiro yakwe. Hikwalaho a va na ku ti pendla. Tis. 19:1

Va le Roma 11:8

Kota lezi ku tsalilweko ku ngalo: Nungungulu i lo va nyika a moya wo khudzehela, ni mahlo yo kala ma nga woni, ni tindleve leti ti nga ingisiko; kala nyamutlha lezi hi zalezo. Deut. 29:4; Isa. 29:10; Mat. 13:14

Deuteronome 29:3

A zikarato za hombe lezi u zi wonileko hi mahlo ya wena, ni zikombiso ni masingita ya hombe.

Deuteronome 29:4

Kanilezi kala lego siku Jehova a nga se mu nyika a mbilu ya ku pima ni mahlo ya ku wona, ni tindleve ta kuzwa. Isa. 6:10

Deuteronome 32:6

Kaxana mu ta tlhelisela ka Jehova hi za kunghahi ke? Nwina vanhu va zipumbu, mu nga hiko na wutlhari? Kasi a hi yena dadani wa wena, loyi a ku mahileko ke? Hi yena a ku wumbileko a ku yimisa.