Jeremia 5:19 - Tshwa Bible

¹⁹ Loku nwina mu taku ngalo: Hikuyini Jehova Nungungulu wa hina a hi maheleko lezi zilo ke? u ta va byela uku: Kotisa lezi nwina mu nzi tsikileko, mu khozela a vanungungulu vanwani tikweni ga nwina, hizalezo mu ta tirela a vamatiko a tikweni gi nga hiko ga nwina. Deut. 29:24; Jer. 16:10

Jeremia 5:19 Mawu Ofanana

Jeremia 13:22

Loku u wula mbilwini ya wena, uku: Zita hikuyini lezi zilo hehla ka mina ke? Tiva lezaku a nguwo ya wena yi tlakusilwe hi kota ya kubiha ka wena ka hombe. Ni zirenze za wena zi biwa. Isa. 47:2; Nah. 3:5

Jeremia 16:13

Hikwalaho nzi ta mu hlongola tikweni legi, muya ka tiko legi mu nga gi tiviko, nwina hambu vararu va nwina; mu ta ya tirela kona a vanwani vanungungulu a mumu ni wusiku, hakuva nzi nga ta mu zwela wuxinji. Deut. 4:27—28:36, 64

Jeremia 17:4

Hi nanzu wa wena wutsumbu u ta lahlekelwa hi tshomba ya wena leyi nzi ku nyikileko; nzi ta ku maha u tirela a valala va wena a tikweni legi u nga gi tiviko. Hakuva mu dzivele a nzilo wa zanga ya mina lowu wu ta nga vura kala kupinzuka.

Jeremia 2:13

Hakuva a vanhu va mina va mahile a kubiha kumbiri: Va nzi tsikile, mina loyi nzi nga xibuka xa mati ma hanyako, Va ti akela mathangi ma nga ni tifa, Ma nga zi kotiko ku hlayisa mati. Tis. 36:9; Joh. 4:13

Jeremia 2:14

Xana Israeli a ngava khumbi yi xabyilweko, Kutani khumbi yi pswalilweko lomu ndlwini ke? Hikuyini a phangiwako ke?

Jeremia 2:35

Hambu zi hi tano, u ngalo: Kota lezi nzi nga hava nanzu, A zanga yakwe yi sukile ka mina. Languta, nzi ta ku kecara, Lezi u nge ngalo: A nzi onhangi!

Jeremia 5:18

Hambu zi hi tano, ku wula Jehova, nzi nga ta ku fuvisela magumo a ka lawo masiku.

Jeremia 5:20

Tlhatlhambutelani ka yindlu ya Jakobe, muba hungu ka Juda, muku:

Jeremia 9:12

Himani a tlharihileko lezaku a pima lezi ke? Himani loyi a nomu wa Jehova wu wulawulileko kakwe, kasi a hi tivisa lezaku tiko gi onhisilwe hikuyini? Kala gi hisilwe ku fanana ni xiwula, ku nga ha hunzi ni munhu?

Jeremia 9:13

Jehova i ngalo: Hi kota ya lezi va tsikileko a nayo wa mina, lowu nzi nga wu veka mahlweni kabye, va nga ingisi a gezu ga mina, hambu ku famba ha gona,

Mikosi 5:8

Hi fumelwa hi tikhumbi, A nga kona a nga hi tlhatlhisako mandleni yabye.