Jeremia 49:39 - Tshwa Bible

³⁹ Kanilezi a masikwini yo gumesa nzi ta tlhelisela Elami a vakhonwilweko vakwe, ku wula Jehova.

Jeremia 49:39 Mawu Ofanana

Joba 42:10

Zonake Jehova i lo tlhatlhisa Joba wukhumbini gakwe anzhako na a kombelele vanghana vakwe; na Jehova i lo anzisa ha kumbiri lezi Joba a nga wa hi nazo.

Isaya 2:2

A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Jeremia 12:15

Kanilezi anzhako ka kuva na nzi va tsuwule, nzi ta tlhela nzi va zwela wusiwana, nzi ta va tlhelisa munwe ni munwani a tshombeni yakwe, munwe ni munwani a tlhelela tikweni gakwe.

Jeremia 48:47

Hambu lezo, nzi ta tlhelisela Moabi a vakhonwilweko vakwe masikwini ya kugumesa, ku wula Jehova. Loko hi kona a kulamulwa ka Moabi.

Jeremia 49:38

Nzi ta yimisa a xitshamu xa mina xa wuhosi le Elami, nzi lovisa a tihosi ni tihosana ta kona, ku wula Jehova.

Jeremia 49:6

Kanilezi anzhako ka xikhati nzi ta tlhelisela a vana va ka Amoni lava va nga le wukhumbini, ku wula Jehova. A xiprofeto ha Edome.

Ezekieli 29:14

nzi ta wuyisa a maGipite lava va nga le wukhumbini, va tlhelela tikweni ga Patrosi, a tikweni gabye ga maheleko; vona va ta kuva mufumo lowu wu nga hiko na ntamu.

Ezekieli 38:16

U tata u talwa ni tiko ga mina Israeli, u kotisa refu gi fenengetako misava. Loku ku hunzile malembe yo tala nzi ta ku ruma u yalwa ni tiko ga mina, kasi a matiko ma fela ku nzi tiva, laha nzi ta nga hlawuleka ha wena Goge, mahlweni kabye.

Ezekieli 39:25

Hikwalaho Hosi Jehova i ngalo: Makunu nzi ta tlhelisa kambe a tikhumbi ta Jakobe, nzi ta yi mahela wuxinji yontlhe a yindlu ya ka Israeli, nzi ta pangamela a vito ga mina go basa.

Danieli 10:14

Makunu nzi tile ku ta ku byela lezi zi ta nga maheka ka tiko ga wena masikwini yo gumesa, hakuva muwoniso wa masiku ya le kule.

Danieli 2:28

Kanilezi i kona Nungungulu le tilweni loyi a tsetsulako a mifihlakalo, hi yena a tivisileko hosi Nebukadnezzare lezi zi ta nga maheka masikwini ma ha tako. A noro wa wena ni miwoniso leyi u yi wonileko sangweni ga wena, hi lezi:

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Amosi 9:14

Nzi ta tlhelisela a vabohiwa va vanhu va mina va Israeli, va ta aketa a miti leyi yi nga hi marumbi va tshama ka yona; va ta byala zivina, vanwa a vinya ga zona; va rima masimu, vaga a mihanzu ya wona. Deut. 28:30, 39; Am. 5:11

Mika 4:1

Masikwini yo gumesa a xitsunga xa yindlu ya ka Jehova xi ta yimisiwa hehla ka zitsunga, xi ta tlakuswa hehla ka miganga, a matiko ma ta tsombana ka xona.