Jeremia 49:37 - Tshwa Bible

³⁷ Nzi ta maha Elami a mbhela ntamu mahlweni ka valala vabye, a mahlweni ka lavo va hlotako wutomi gabye. Nzi ta va nehela khombo, yi nga zanga ya mina, ku wula Jehova. Nzi ta ruma a supado yi va lanzela kala vontlhe vaku bhi.

Jeremia 49:37 Mawu Ofanana

Jeremia 30:24

A zanga yo tshisa ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa.

Jeremia 48:2

A wudumo ga Moabi a ga ha hi kona; Le Hexboni va mu bohele xikungo, vaku: Tanani, hi ta mu lovisa kasi a ngavi tiko. Na wena Madmeni u ta dawa, A supado yi ta ku lanzela.

Jeremia 48:39

Lezi a nga tshobyiswazona! A mahela yakwe tihuwa! Lezi Moabi a nga fularelisa zona hi tingana! Zinghaho Moabi i tava xihlekiso a tlhela a dzukisa lava va mu ranzeleko.

Jeremia 49:22

Langutani, wata hi ku puruma kukotisa a gama, a tshambuluta a tipapa takwe a vukela Bozra. A siku lego a timbilu ta tinhenha ta le Edome ti ta fanana ni mbilu ya wasati loyi a lunwako.

Jeremia 49:24

Damasku i rerekile, i ti longisela ku tsutsuma, wa rurumela; i khomilwe hi kubayiseka ni kuxaniseka kukotisa a wasati loyi a lunwako.

Jeremia 49:29

Va ta phanga matenda yabye ni mitlhambi yabye, va ta ti tekela a tinguwo tabye ni zibya zabye, ni makameli yabye; zonake va taba huwa kabye: Ka tshisa matlhelo wontihe.

Jeremia 49:38

Nzi ta yimisa a xitshamu xa mina xa wuhosi le Elami, nzi lovisa a tihosi ni tihosana ta kona, ku wula Jehova.

Jeremia 49:5

Nzi ta ku nehela hlenekera hi ka matlhelo wontihe, ku wula Hosi, Jehova wa tiyimpi; mu ta hangalaswa munwe, ni munwani ka tlhelo legi a nga ka gona, a nga kona loyi a ta nga tsombanyisa lava va tsutsumako.

Jeremia 50:36

A supado a yive hehla ka lava va profetako mawunwa, va ta hunguka. A supado a yive hehla ka tinhenha takwe, kasi va tsemeka-hlana.

Jeremia 6:19

Ingisa, o misava: Nzi ta neha a khombo hehla ka tiko legi, wu nga mbhanzu wa maalakanyo yabye; hakuva a va ingisangi a timhaka ta mina, va kanyisile a nayo wa mina.

Jeremia 9:15

hikwalaho, ku wula Jehova wa tiyimpi, a Nungungulu wa Israeli, aku: Nzi ta va gisa manonwe ni ku va nwisa wutsulu.

Jeremia 9:16

Nzi ta va hangalasa xikari ka matiko lawo vona wutsumbu hambu a vararu vabye va nga ma tivangiko, nzi ta rumela supado, kala nzi va hetisa. Levi 23:23; Deut. 28:64

Ezekieli 12:14

Wontihe a malanza yakwe lawa ma mu vunako, ni wontihe a mabutho yakwe, nzi ta va hangalasa matlhelo wontihe ya misava nzi va hlasela hi supado.

Ezekieli 32:23

A matsiza yabye ma kona lehasi kueteni ka nkele, a xidlemo xakwe xi ranzele a tsiza gakwe. Vontlhe va file, va delwe hi supado, va nga vona va dzukisileko a tiko ga vahanyako.

Ezekieli 5:12

A xipanze xa wunharu xa vanhu va wena xi tafa hi mitungu ni ndlala xikari ka wena; a xipanze xa wunharu xi ta dawa hi tisupado lahandle ka tigingisi ta wena; ni xipanze xa wunharu nzi ta xi hangalasa matlhelo wontihe, nzi xi hlongolisa hi supado.

Ezekieli 5:2

U ta hisa a xipanze xa wunharu xikari ka muti loku a masiku ya kuvimbezelwa ma mbhelile. U ta teka xinwani xipanze xa wunharu u xi tsemelela hi supado u renzelekela muti; ni xinwani xipanze xa wunharu u ta xi hangalasa moyeni, nzi ta xi hlongolisa hi supado.

Levi 26:33

Na nwina nzi ta mu hangalasa lomu matikweni, nzi mu hlongorisa hi matlhari, a tiko ga nwina gi sala gi maha xiwula, ni miti ya nwina yi maha marumbi.