Jeremia 49:2 - Tshwa Bible

² Hikwalaho masiku mata, ku wula Jehova, lawa nzi ta ngaba ha wona a nyiwo yo vukela Rabba wa vana va ka Amoni. I ta maha a nhulu ya marumbi, ni miti yakwe yi ta hiswa hi nzilo. Zonake Israeli i taga a tshomba ya lava va ngaga tshomba yakwe, ku wula Jehova.

Jeremia 49:2 Mawu Ofanana

2 Samueli 11:1

Hi lembe gi gamelako, hi xikhati lexi a tihosi ti yako yimpini, Davida i lo rumela Joabe zinwe ni malanza yakwe, ni vontlhe vanana va ka Israeli, a ku ya hlasela a vanana va ka Amoni; va loya vimbezela Raba, kanilezi Davida i wa sele le Jerusalema.

Tisimu 48:11

Ngha xitsunga xa Zioni xi tsaka, A va tsake a vanhwana va ka Juda, Hi kota ya kulamula ka wena.

Tisimu 97:8

Zioni i lo zizwa a tsaka, A vanhwana va Juda va nengela, Hi kota ya kulamula ka wena, Jehova.

Isaya 11:14

Kanilezi va ta purumela makatleni ya maFilistia le Muhlwa-gambo, Va ta hlasela zinwe a vana va Mutsuwuka-gambo; Va ta khoma Edome na Moabi, Ni vana va Amoni va ta va ingisa.

Isaya 17:1

Langutani, Damasku a nga ha ta kuva muti, Kanilezi i tava nhulu ya marumbi. Jer. 49:23; Am. 1:3

Jeremia 4:19

Marambu ya mina, marumbu ya mina! Nzi ni kubayiseka mbilwini ya mina! A mbilu ya mina ya radlama-ra-dlama, A nzi zi koti ku miyela; Hakuva a muhefemulo wa mina wu zwile a xiwuta xa mpunzu, Ni tihuwa ta tiyimpi.

Jeremia 49:1

Xungetano ni vana va Amoni, Jehova i ngalo: Israeli a nga na vana ke? a nga na xigatshomba ke? Hikuyini Malkamu a fumelako Gadi, a vanhu vakwe va tshama lomu mitini ya kona ke? 1 Tih. 11:5; Ezek. 21:28; Am. 1:13

Ezekieli 21:20

U ta komba a ndlela leyi supado yi ngaya Rabba ha yona, a mutini wa vana va Amoni, a yinwani yi kongoma Jerusalema, a muti wu bhiyelweko wa ka Juda.

Ezekieli 21:25

Na wena loyi u konelweko kufa, hosana yo biha ya ka Israeli, loyi a siku ga wena gi chikelako xikhatini xa kugoha ka magumo,

Amosi 1:14

Kanilezi nzi ta dzivela a nzilo khurisini ga Rabba, wu hisa a ziluvelo za kona, na ku biwa tihuwa sikwini ga kulwa, ni mheho a sikwini ga bhubhutsa.

Obadia 1:19

A va le Dzongeni va ta fumela a xitsunga xa Esau; lava va le mikoveni va ta fumela a maFilistia. Va ta fumela a tiko ga Efraime ni tiko ga Samaria; na Benjamini i ta fumela a tiko ga Gileade.

Mitsengo 10:9

Ni loku mu hloma yimpi lomu tikweni ga nwina a ku yalwa ni valala va nwina lava va mu vukelako, mu taba mipunzu yo hlomisa, zonake mu ta alakanywa mahlweni ka Jehova, Nungungulu wa nwina, mu hlangutwa mandleni ya valala va nwina.

Mitsengo 21:25

Zinghaho Israeli i lo teka yontlhe a miti leyo, a aka ka yontlhe a miti ya maAmori, lomu Hexboni ni ka yontlhe miti leyi yi nga hi lahasi ka vona.

Deuteronome 13:16

U ta tsombanyisa yontlhe a tshomba ya muti lowo laha phangweni ga muti, zonake u hisa zontlhe hi kota ya Jehova Nungungulu wa wena, a muti ni yontlhe a tshomba ya wona, ku tava rumbi laho; ku nga ha akiwi kambe.

Deuteronome 3:11

(Hakuva hi yena Ogi a hosi ya le Baxani yece a nga sele ka misalela ya zihotlovila. Kasi a mubhedi wakwe lowu wa simbi, a hi wona lowu wu nga wa hi le Raba, mutini wa ka Amoni ke? A kuleha ka wona wu wa hi ntlhanu wa mikono ni mune, a kuanama wu wa hi mune wa mikono, hi nkono wa wanuna.)

Joxua 17:11

Manasa i lo nyikiwa lomu tikweni ga Isakari ni ga Axeri: a Bet-Xani ni miti ya kona, a Jibleami ni miti ya kona, ni vanhu va Dori ni miti ya kona, ni vanhu va Endora ni miti ya kona, ni vanhu va Taanaka ni miti ya kona, ni vanhu va Megiddo ni miti ya kona; yi nga miganga minharu.

Joxua 17:16

Ni vanana va ka Josefa va lo hlamula, vaku ngalo: A xitsunga lexi xi nga ta enela, ni kambe a vaKanani vontlhe lava va akileko lomu tikweni ga mikova va na ni tikareta ta tisimbi, ni vanhu va le Bet-Xani ni miti yi nga le tlhatuko kabye, ni lava va nga le nkoveni ka Jezreeli.