Jeremia 49:18 - Tshwa Bible

¹⁸ Khwatsi hi kuhahlulwa ka Sodoma ni Gomora, ni miti ya kona ya lomu kusuhani, ku wula Jehova, ku nga ha aki munhu kona, ge hambu a nʼwana wa munhu a luvela kona. Gen. 19:24; Jer. 50:40

Jeremia 49:18 Mawu Ofanana

Tisimu 11:6

I ta nisa makala ya nzilo hehla ka vakubiha, ni nzilo ni solufa, Ni mheho yi hisako; Lezi zi tava xiavelo xa gombe gabye. Gen. 19:24; Deut. 29:23; Ezek. 38:22

Isaya 34:10

Gi nga ta timeka wusiku ni hlikanhi; A musi wa kona wu ta tuvika kala kupinzuka. Ku ta hunza xizukulwana ni xizukulwana na kona ku hi xiwula; Cima a ku na munhu a ta nga hunza ha kona.

Jeremia 23:14

Kanilezi hi ka vaprofeti va Jerusalema nzi wonile a zilo zo tshisa nguvu: Vona va maha wuoswi, va hemba mawunwa; Va tiyiseta a mawoko ya vamahi va kubiha, Lezaku kasi ku nga hunzuluki ni munwe kubiheni kakwe. A ka mina va fanana ni Sodoma, Ni vaaki va Jerusalema va kota Gomora. Gen. 13:13; Deut. 32:32; Ezek. 13:22

Jeremia 49:33

Hazora gi tava wutshamu ga mahlolwa, giva xiwula kala kupinzuka. A ku na munhu a ta nga aka lomo, ge hambu a nʼwana wa munhu a ku luvela kona.

Jeremia 50:40

Khwatsi hi xikhati lexi Nungungulu a nga lovisa Sodoma ni Gomora ni miti ya lomu kusuhani, ku wula Jehova, zinghaho a nga kona ni munwe a ta nga aka lomo, ge hambu a nʼwana wa munhu a ku luvela kona.

Amosi 4:11

Nzi mu lovisile khwatsi hi laha Nungungulu a nga lovisa Sodoma ni Gomora, mu lo pona ku fanana ni lihunyi li susilweko nzilweni; hambu zi hi tano, a mu hunzulukangi ka mina, ku wula Jehova. Gen. 19:24; Isa. 13:19

Zefania 2:9

Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Va le Roma 9:29

Khwatsi hi lezi Isaya a nga wula hi kale, aku: Loku a Hosi yi wa nga hi siyelangi a vanana, Ngha hi fanene ni Sodoma, ni ku khwatsi hi Gomora. Isa. 1:9; 13:19

Deuteronome 29:22

Zonake a zizukulwana za nwina lezi zi ta ngava kona anzhako ka nwina, ni vamatiko lava va ta ngata hi le matikweni ya le kule, laha va ta nga ta wona a zixaniso ni makhombo lawo Jehova a ta nga xanisa tiko lego ha wona,

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8

2 Pedro 2:6

I lo lamula a miti ya Sodoma ni Gomora a kuva yi lobyisiwa, yi maha khuma, a yi yimisa a kuva xikombiso ka lava va ta nga kala va nga hanyeli Nungungulu. Gen. 19:24; Mitse. 26:10

Juda 1:7

Kota Sodoma ni Gomora ni miti ya kona, leyi yi nga ti nyikela wubhayini, ni ku lanzela nyama ya hava, yi yimisilwe a kuva xikombiso, yi tsayiswa hi nzilo wa pinzukelwa.