Jeremia 48:37 - Tshwa Bible

³⁷ Hakuva a tihloko tontlhe ti halulwe, ni malevu wontihe ma cingilwe; a mawoko wontihe ma cekelelwe, na va ambele tisakwa ziwunwini.

Jeremia 48:37 Mawu Ofanana

Genesisi 37:29

Zonake Rubeni i lo tlhela aya rinzini, i loya wona lezaku Josefa a nga kona.

Genesisi 37:34

Jakobe i lo hanzula tinguwo takwe, i lo boha tisakwa, a rila nʼwana wakwe masiku yo tala.

1 Tihosi 18:28

Va lo rila hi gezu ga hombe, va ti tsemelela hi mikwana ni tikari, kala a nkhata wu xilila hehla kabye. Deut. 14:1

1 Tihosi 21:27

Makunu laha Ahabi a ngazwa timhaka leti, i lo hanzula a tinguwo takwe, a ambala a tinguwo ta tisakwa, a yila. I lo etlela ni tinguwo ta tisakwa, a famba hi kunyanima.

2 Tihosi 6:30

Laha a hosi yi ngazwa timhaka leto ta wasati, yi lo hanzula a tinguwo ta yona. Na a hunza hi le hehla ka ligingisi, a vanhu va lo mu wona lezaku i wa ambele a tinguwo ta tisakwa a ti maha zirangiso.

1 Kronekele 19:4

Zinghaho Hanuna i lo khoma a malanza ya Davida a ma halula, a tsema tinguwo ta wona hi laha xikari kala tinyongeni tabye, a ma tlhelisa.

Isaya 20:2

a ka xikhati xwalexo Jehova i lo wulawula ha Isaya a nʼwana Amozi, aku: Famba u ya tlhatlha a sakwa yi nga xiwunwini xa wena, u susa ni zilato mikonzweni ya wena. I lo maha lezo, a famba ximbyiri, na a nga hi na zilato. Zak. 13:4; Mat. 3:4

Isaya 3:24

A wutshanwini ga mipepo yo nuhela ku tava kona kubola, a wutshanwini ga bhandi ku tava kona a gota; a wutshanwini ga misisi yi xamulweko khwatsi ku tava kona a tipandla; a wutshanwini ga nguwo ya mubuzo ku ta ambaliwa tisakwa; a wutshanwini ga wumbhuri ku tava kona a mapswhapswhati ya ku hiswa hi xiketse.

Isaya 37:1

Laha hosi Hezekia a nga wa zi zwile, i lo hanzula tinguwo takwe, a ambala tisakwa, aya ndlwini ya Jehova. 2 Tih. 19:1

Jeremia 16:6

A vahombe ni vanana va tafa hi wumbiri gabye tikweni legi, na va nga lahliwi; a vanhu va nga ta va rilela, hambu ku ti tlhavela ni ku halula tihloko. Levi 19:28; Deut. 14:1; Mika 1:16

Jeremia 41:5

ku lo chikela a vanhu va le Xekemi ni le Xilo ni le Samaria, va wa hi 80 wa vavanuna, na va cingile malevu yabye, a tinguwo tabye na ti hanzulwe, na va ti tsemelele, na va welele minyikelo ya tinzhoho ni pepo, va zi neha ndlwini ya Jehova. Levi 19:27; Deut. 14:1

Jeremia 47:5

A tikuluwa ti tava kona le Gaza, Axkeloni i lovile ni misalela ya nkova wakwe. U ta ti cekelela kala rini?

Jeremia 49:3

Bana huwa wena Hexboni, hakuva Ai i hahlulwe. Rilani nwina vanhanyana va Rabba, ambalani tinguwo ta tisakwa. Tlhavani nkosi, mu renzelekela lomu tigingisini, hakuva Malkamu i taya wukhumbini, zinwe ni vapristi vakwe ni tihosana takwe.

Ezekieli 27:31

Va ta ti halula tihloko hi kota ya wena, Va ambala tinguwo ta xirilo; Va ku rilela hi kubayiseka, va maha hlomulo wa hombe.

Ezekieli 29:18

Nʼwana wa munhu, Nebukadrezzare a hosi ya le Babuloni, i rumile a yimpi yakwe ku tira a ntiro wo binza le Tire. A tihloko tontlhe ti lo kuluveka, ni makatla wontihe ma wa pswhomukile. Kanilezi yena ni yimpi yakwe a va kumangi hakhelo le Tire ya ntiro lowu va wu mahileko wa ku gi vukela.

Ezekieli 7:18

Va ta ambala tinguwo ta xirilo, va khomiwa hi hlanekera, a tinghohe tabye ti tala hi tingana, a tihloko tontlhe ti ta halulwa.

Levi 19:28

Mu nga ti tlhaveli tihlanga lomu mirini hi kota ya vafileko, hambu ni ku tlhavela madaranganya mimirini ya nwina. Hi mina Jehova.

Amosi 8:10

Nzi ta hunzula a mibuzo ya nwina yi maha xirilo, ni tisimu ta nwina ti maha mikosi; a ziwunu zontlhe nzi ta zi ambexa tinguwo ta tisakwa, a tihloko tontlhe ti ta halulwa. A xirilo xa kona xi ta fanana ni xo khwatsi ko riliwa a nʼwana loyi a belekelweko yece, a kugumelwa ka xona ku ta fanana ni siku ga hlomulo. Jer. 6:26; 48:37; Zak. 12:10

Mika 1:16

Halula misisi, halulela a vanana va wena va ranzekako, halula a hloko ya wena yi fanana ni ya koti, hakuva va yiswa wukhumbini kule na wena.

Marku 5:5

Xontlhe xikhati, a mumu ni wusiku, i wa kanyuluka zilahleni ni le zitsungeni, na a ti cekelela hi maribye.

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4