Jeremia 48:12 - Tshwa Bible

¹² Hikwalaho, a masiku mata, Ku wula Jehova, Lawa nzi ta nga mu rumela ha wona a vahalati, Lava va ta nga mu byeketa; Va ta halata a tifuko takwe, Va faya a miphata yakwe.

Jeremia 48:12 Mawu Ofanana

Tisimu 2:9

U ta va tshova hi nhonga ya xiketse, U ta va fayetela kotisa a mbita ya muwumbi. Kuv. 2:27; 12:5; 19:15

Isaya 16:2

Hakuva a vanhwana va le Moabi vata mapelweni ya le Amoni, Vaku khwatsi zinyanyani zi ha-ngalakako, Ni mavinyani ma humesilweko zisakeni.

Isaya 30:14

Gi ta khungumuka khwatsi i mbita ya wumba loku yi pswhandlaswa ha womu, leyi ku nga saliko ni xirengele lexi munhu a nga okako ha xona a nzilo, kutani a kukha ha xona mati le hlobyeni.

Jeremia 14:3

A vahombe va kona va rumele laʼva tsongwani a ku ya lava mati, Loku vata tihlobyeni a va kumi mati, Va tlhela nitifuko tabye ta maphanga. Vazwa tingana vaku goo! na va fenengeta tihloko tabye.

Jeremia 19:10

Zonake u ta faya a mbita mahlweni ka vanhu lava va nga ku pangalata,

Jeremia 25:34

Nwina varisi,: huwelelani mu rila; Puluwunzani khumeni nwina vahombe va ntlhambi; Hakuva a masiku ya kuchabyiwa ka nwina ma tshinele. Nzi ta mu hangalasa, mu tawa Kota a xibya xa lisima.

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 48:11

Moabi i tshamile kuruleni kusukela wusweni gakwe, I tshamile hehla ka zisese zakwe, A nga chululiwangi ka xibya ni xibya, Ge hambu ku yiswa wukhumbini. Hikwalaho a kunanziha kakwe wa ha hi nako, Ni masema yakwe a ma hunzukangi.

Jeremia 48:13

Moabi i tazwa tingana ha Kemoxe, Khwatsi hi yindlu ya ka Israeli yi ngazwa tingana ha Beteli, Loyi a nga hi kutsumba kabye.

Jeremia 48:15

Moabi i hahlulwe, a miti yakwe yi tuvika a musi, A majaha yakwe ma hlawulekako ma chikile maya kudaweni, Ku wula Hosi leyi a vito ga yona a nga Jehova wa tiyimpi.

Jeremia 48:38

Ku na ni xirilo hehla ka tontlhe tiyindlu ta Moabi ni lomu maruweni wontihe; hakuva nzi panzile Moabi kukotisa a xibya xi nga vuniko, ku wula Jehova. Jer. 22:28; Hos. 8:8

Jeremia 48:8

A muhlaseli i ta enghena mitini yontlhe, Ni munwe wu nga ta pona. A nkova wu ta lova, ni livala li onhiwa, Khwatsi hilezi Jehova a wulileko.

Nahume 2:2

Hakuva Jehova wa tlhelisela a wukulu ga Jakobe ni wukulu ga Israeli; hakuva a vaphangi va phangile, va gohetele a maravi ya vina wabye.