Jeremia 46:6 - Tshwa Bible

⁶ A va mazambu va nga tsutsumi, ni tinhenha ti nga poni; Va retemukile vawa le Nwalungu a congweni wa Eufrate. Am. 2:14

Jeremia 46:6 Mawu Ofanana

2 Tihosi 23:29

Xikhatini xwalexo xakwe, Faro-Neko a hosi ya le Gipite i lo kanziha a ku yalwa ni hosi ya le Asiria, le Congweni wa Eufrate; yenawu hosi Josia i lo huma ku mu tlhangaveta. Zonake laha Faro-Neko a nga mu wona, i lo mu daya le Megido.

2 Tihosi 24:7

A hosi ya Gipite a ya ha engetangi yi huma lomu tikweni ga yona, hakuva a hosi ya le Babuloni yi wa tekile tiko gontlhe legi gi nga wa hi ga hosi ya le Gipite, kusukela xicongwaneni xa le Gipite kala le Congweni wa Eufrate.

Tisimu 27:2

Loku a vakubiha va tshinela A kuga nyama ya mina, A vavengi va mina ni valala va mina Va khunguvanyeka vawa.

Mutshawuteli 9:11

Nzi lo tlhela nzi wona lahasi ka gambo lezaku a kupalisaneni, a xitsutsumi a xi dawuli, a nhenha a yi hluli yimpini, a zakuga a zi lumbi lava vo tlhariha, a wukosi a hi ga lava va kupima, ni kudzunziwa a hi ka titlhari; hakuva vontlhe va chikelelwa hi xikhati, zi dzuka zi va humela.

Isaya 8:15

Vanyingi vabye va ta khunguvanyeka ka gona, vawa, va tshoveka: va ta phasiwa, va khomiwa.

Jeremia 1:14

Jehova aku ka mina: A khombo gi tata hi le Nwalungu hehla ka vaaki vontlhe va misava.

Jeremia 20:11

Kanilezi Jehova i zinwe na mina Kota a nhenha yi chavisekako; A vaxanisi va mina va ta khungu vanyeka, va nga nzi hluli; Kanilezi va ta si koyo tingana, hakuva a va mahangi hi wutlhari; Ti tava tingana ti nga mbheliko, leto ti nga hiko na ku rivalwa.

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 4:6

Gwimbani nghapa tlhelweni ga Zioni, Tsutsumani ni tihunzu ta nwina, mu nga yimi;. Hakuva nza mu nehela a khombo na gita hi le Nwalungu, Ni lobyiselelo wa hombe.

Jeremia 46:10

Hakuva i siku ga Hosi, Jehova wa tiyimpi, A siku ga ku photela, a ti photela valala vakwe. A supado yi taga yi xura, yi tlhela yi popiwa hi nkhata wabye. Hakuva Hosi Jehova wa tiyimpi i na ni muphahlelo tikweni ga le Nwalungu Le congweni wa Eufrate.

Jeremia 46:12

A matiko ma zwile hi tingana ta wena, A misava yi tele hi tihuwa ta wena, A nhenha yinwe yi khunguvanyiswa hi yinwani, Tiwa zinwe hi wumbiri ga tona.

Jeremia 46:16

I khunguvanyisile vanyingi, Vawa, munwe hehla ka munwani; Vaku: A hi vukeni hi tlhelela tikweni ga hina, A tikweni ga hina ga maheleko, Hi tsutsuma a supado yi dayako.

Jeremia 50:32

A wamatshanza i ta ti gumula awa, a nga kona a to mu vuxa. Nzi ta dzivela nzilo mitini yakwe, wu hisa zontlhe lezi zi mu ranzeleko.

Jeremia 6:1

Nwina vanana va Benjamini, tsutsumani mu huma xikari ka Jerusalema, Banani mpunzu le Tekoa, Yimisani a xikombiso xa nzilo le Betakeremi; Hakuva a khombo gita hi le Nwalungu, Ni lobyiselelo wa hombe.

Danieli 11:19

Zonake i ta tlhelela makhokholeni ya tiko gakwe; kanilezi i ta khunguvanyeka awa, a nga ha kumiwi kambe.

Danieli 11:22

A tiyimpi leʼtinyingi ti ta kukuletwa mahlweni kakwe, ti hangalaswa, zinwe ni hosana ya xivumelwano.