Jeremia 46:5 - Tshwa Bible

⁵ Hikuyini nzi va wonako na va rurumela, va tlhelela nzhako? A tinhenha tabye ti hluliwa, Ti tsutsuma ti nga cuwuki nzhako; Matlhelo wontihe ku kona kuchava, ku wula Jehova.

Jeremia 46:5 Mawu Ofanana

Genesisi 19:17

Laha na va va humesile lahandle ka muti, munwani i te ngalo: Tsutsuma u ponisa wutomi ga wena, u nga cuwuki nzhako, u nga yimi lomu livaleni leli; chavela xitsungeni, u nga taku u loviswa.

Isaya 13:8

Va chava, va khomiwa hi hlenekera ni kuxaniseka, Va tava kubayisekeni kukotisa a wasati loku a lunwa. Va cuwukana hi ku hlamala, a tinghohe tabye tiku khwatsi i nzilo.

Isaya 19:16

A ka siku lego Gipite i ta fanana ni vavasati; i ta rurumela a chava a xibhakela xa Jehova wa tiyimpi xi tlakusiwako, xi va vukela.

Isaya 42:17

Kanilezi lava va tsumbako zifananiso zi vatlilweko, Lava va nge ngalo ka zifananiso zi wumbilweko: Nwina mu vanungungulu va hina, Va ta tlhelela nzhako vave ni tingana. Tis. 97:7; Isa. 1:29

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Jeremia 20:10

Hakuva nzi zwile vanyingi na va nzi hleva, Matlhelweni wontihe ku kona kuchava. Vaku: Mu kecareni, hi ta mu kecara. A vanghana lava nzi toloveleneko navo Va langutela a kuwa ka mina, vaku: Kutani a nga kucetelwa, zonake hi ta mu hluthula, Kasi hi ti photela ka yena.

Jeremia 46:15

Hikuyini a tinhenha ta wena ti wadamiswako ke? A ti na nga yima, hakuva Jehova i ti papaxile.

Jeremia 46:21

A masochwa yakwe lomu tikweni gakwe Me khwatsi marole ma nonileko; Hakuva vonawu va tlhela nzhako va tsutsuma zinwe, A va yimangi; Hakuva a siku gabye ga makhombo ga va tela, A xikhati xa kutsayiswa kabye.

Jeremia 49:29

Va ta phanga matenda yabye ni mitlhambi yabye, va ta ti tekela a tinguwo tabye ni zibya zabye, ni makameli yabye; zonake va taba huwa kabye: Ka tshisa matlhelo wontihe.

Jeremia 49:5

Nzi ta ku nehela hlenekera hi ka matlhelo wontihe, ku wula Hosi, Jehova wa tiyimpi; mu ta hangalaswa munwe, ni munwani ka tlhelo legi a nga ka gona, a nga kona loyi a ta nga tsombanyisa lava va tsutsumako.

Jeremia 6:25

Mu ngayi masinwini, hambu ku famba tindleleni; Hakuva a supado ya nala yi kona lomo, Ka chavisa a matlhelo wontihe.

Ezekieli 32:10

Ina, nzi ta maha vanhu vanyingi va hlamaliswa ha wena, Ni tihosi tabye ti ta rurumela hi kota ya wena, Laha nzi ta nga tlakusa a supado ya mina mahlweni kabye. Va ta rurumela xontlhe xikhati, Munwe ni munwani a rurumelela a wutomi gakwe hi siku ga kuwa ka wena.

Ezekieli 39:18

Mu taga a nyama ya tinhenha, munwa a nkhata wa tihosana ta misava, ni wa tihamba, ni tiyivana, ni timhuti, ni tinkavi, wontihe a manonanona ya le Baxani.

Nahume 2:8

Ni kale Niniva i wa ku khwatsi i tiva ga mati; kanilezi va tsutsuma, vaku: Yimani, yimani! Kanilezi a ngakona ni munwe a cuwukako nzhako.

Nahume 2:9

Phangani siliva, mu phanga ni nzalama, hakuva a titshomba a ti na ku mbheta lomu bakweni; a wukosi ga yontlhe a nhunzu ya lisima.

Zefania 1:14

A siku ga hombe ga Jehova gi kusuhani, ga tshinela hi xihatla. Hi nga zwani, a siku ga Jehova hi legi! A tinhenha ta rila ti tsikwila!