Jeremia 46:4 - Tshwa Bible

⁴ Gabhatselani mahaxi, mu khilela nwina vakhileli; Yimani na mu bohile tindlondla ta nwina; Kutlani matlhari, mu ambala zikatawu za xiketse.

Jeremia 46:4 Mawu Ofanana

2 Kronekele 26:14

Uzzia i lo hlomisa a vanhu vontlhe lavo va yimpi hi zitlhangu, ni matlhari, ni tingenge, ni mabhaji ya ziketse, ni mawura, ni maribye ya tifisga.

Nehemia 4:16

Kusukela ka siku lego, a khihlanya ga vatiri va mina va lo tira, a ginwani khihlanya gabye va welela matlhari ni zitlhangu ni mawura ni mabhaji ya ziketse; a tinduna ti wa yimile hi lenzhako ka yontlhe a yindlu ya ka Juda.

Isaya 8:9

Mahani guwa ga kulwa, nwina matiko, mu ta lobyiswa! Kangatelani ndleve, nwina lava mu nga matikweni ya le kule; hlomani mu ta hangalaswa, hlomani mu ta hangalaswa!

Jeremia 46:14

Tiyisani le Gipite, mu zi tlhatlhambutela le Migdole, Mu tlhatlhambutela le Nofe ni le Tahpanhesi, Muku: Yima u ti longisela, Hakuva a supado yi gile lava va ku ranzelekeleko.

Jeremia 51:11

Lotani a tigalala, mu khoma a zitlhangu. Jehova i vindlusile a moya wa tihosi ta vaMedi, hakuva a mixuvo yakwe njo vukela Babuloni a kuva a lobyiswa. Hakuva hi kona a kuphota ka Jehova, a photelako a tempeli yakwe.

Jeremia 51:3

A muweleli wa wura a vukela loyi a kondlako wura kona ni loyi a tsumbako a xikatawu xakwe xa xiketse; mu nga hawukeli ni ginwe ga majaha yakwe. Rizani yiku bhi yontlhe yimpi yakwe.

Ezekieli 21:28

Wena nʼwana wa munhu, profeta uku: Hosi Jehova wa wulawula xungetano ni vana va ka Amoni, ni xungetano ni xiruko zabye. Wula uku: A supado, a supado yi hlomulwe, yi kutlilwe kasi ku hihirita, kasi ya kwezima.

Joeli 3:9

Banani nyiwo xikari ka matiko lezaku va hloma yimpi, va vuxa tinhenha! Vontlhe vavanuna va yimpi a vate va tshinela!

1 Samueli 17:38

Saule i lo ambexa Davida a tinguwo takwe, a mu tlhateka xihuku xa suku hlokweni yakwe, a mu ambexa ni bhaji ga xiketse.

1 Samueli 17:5

A hlokweni yakwe i wa ambele xihuku xa suku, na wa ambele a bhaji ga xiketse, legi a kubinza ka gona ku nga hi 5,000 wa maxekeli ya suku.