Jeremia 46:22 - Tshwa Bible

²² A gezu ga Gipite gi khwatsi hi gezu ga nyoka; Hakuva vata ni yimpi, Va mu tela ni zihloka khwatsi vatsemi va tisinya.

Jeremia 46:22 Mawu Ofanana

Tisimu 74:5

Va wa woneka kota vanhu va nga tlakusa zihloka, Kasi ku tsema tisinya ta khwati go khwela.

Isaya 10:15

A xihloka xi nga ti dzunza ka loyi a tsemako ha xona ke? Ni saho gi nga ti kulisa ka loyi a sahako ha gona ke? A ku khwatsi hi loku a nhonga yi wa ta tsekatsekisa a woko ga loyi a yi tlakusako, Ni loku a xigomba xi wa ta tlakusa loyi a nga hiko sinya!

Isaya 14:8

A tisinya ta kipres ta ku tseketsela, Ni tisedare ta Lebanoni tiku: Cima ka lezo u nga wisilwe a nga kona a tako ku ta hi tsema.

Isaya 29:4

U ta koramiswa, a gezu ga wena gi ta humela hasi; A timhaka ta wena ti ta huma hi gome ntshurini, A gezu ga wena gi ta fanana ni legi ga xiruti, gi huma misaveni; Gi huma ntshurini khwatsi hi loyi a nʼununʼutako.

Isaya 37:24

Hi malanza ya wena u rukatele a Hosi, Uku: Hi tikareta ta mina leʼtinyingi Nzi kanzihile hehla ka zitsunga, a mareveni ya Lebanoni, Nzi ta tsema tisinya to leha ta tisedare. Ni leʼta kusaseka ta kipres; Nzi ta enghena kala nzi chikela xixungweni xa magumo, Ni lomu khwatini go saseka nguvu;

Jeremia 46:21

A masochwa yakwe lomu tikweni gakwe Me khwatsi marole ma nonileko; Hakuva vonawu va tlhela nzhako va tsutsuma zinwe, A va yimangi; Hakuva a siku gabye ga makhombo ga va tela, A xikhati xa kutsayiswa kabye.

Jeremia 46:23

Va hlahla a khwati gakwe, ku wula Jehova, Hakuva ga khwela; Va tele ku hunza humbi, mba tsanza-vahlayi,

Mika 1:8

Hi kota ya lezi nzi ta rila, nzi hlomula; nzi ta famba na nzi nga hi na zilato na nzi hi ximbyiri. Nzi ta rila ku fanana ni, hlolwa, nzi maha hlomulo khwatsi nzi mbuwu.

Mika 7:16

A vamatiko va ta zi wona, vawa tingana hi kota ya ntamu wabye wontlhe; va ta ti khoma milomu, vata tindleve.

Zakaria 11:2

Kipres, rila hakuva a sedare yi wile, hakuva a tisinya ti nene ti gohilwe! Nwina mikuhlu ya Baxani, rilani hakuva a likwara li wisilwe.

Joxua 9:21

Ni tihosana ti te ngalo: A va hanye. Va ta maha vatsemi va tihunyi, ni vakhi va mati ya tlhangano wontihe, khwatsi hi lezi ti nga va byelile.