Jeremia 46:21 - Tshwa Bible

²¹ A masochwa yakwe lomu tikweni gakwe Me khwatsi marole ma nonileko; Hakuva vonawu va tlhela nzhako va tsutsuma zinwe, A va yimangi; Hakuva a siku gabye ga makhombo ga va tela, A xikhati xa kutsayiswa kabye.

Jeremia 46:21 Mawu Ofanana

2 Samueli 10:6

Kanilezi a vanana va ka Amoni va lo wona lezaku va vangile livengo ka Davida; zonake va lo rumisa a kuva ku rambiwa 20,000 wa maSiria ya le Bete-Rehoba, ni maSiria ya le Zoba; a hosi ya le Maaka leyi yi nga wa hi ni 1,000 wa vavanuna, ni vanana va Toba va wa hi 12,000 wa vavanuna.

2 Tihosi 7:6

Hakuva Jehova i wa zwatisile le wugovelweni ga maSiria a guwa ga tikareta, ni ga mahaxi, ni ga yimpi ya hombe; zonake vaku ka munwe ni munwani: A hosi ya ka Israeli yi hi rambele a tihosi ta vaHiti ni ta vaGipite a ku ta hi hlasela. Isa. 13:4

Tisimu 37:13

Kanilezi Hosi ya mu hleka, Hakuva yi wona lezaku a siku gakwe gata.

Mavingu 15:17

A kuga ka matluka laha ku nga ni liranzo, u hunza a homu yi nonileko laha ku nga ni timholova.

Isaya 10:3

Mu ta maha yini hi siku ga tsayiselelo, Laha a bhubhutsa gi tako hi le kule? Mu ta chavela ka mani kasi ku vuniwa ke? A titshomba ta nwina mu ta ti veka kwihi?

Isaya 34:7

Ku dawa ni tinyari, ni tikuzi ni tihonwana; A tiko gabye gi ta popiwa hi nkhata, Ni misava yi ta nyuka hi mafura.

Jeremia 18:17

Ku fanana ni mheho ya Mutsuwuka-gambo nzi ta va hangalasa Mahlweni ka valala vabye; Hi siku ga kulobyiswa kabye Nzi ta va fularela, nzi nga va kambi nghohe.

Jeremia 46:22

A gezu ga Gipite gi khwatsi hi gezu ga nyoka; Hakuva vata ni yimpi, Va mu tela ni zihloka khwatsi vatsemi va tisinya.

Jeremia 46:5

Hikuyini nzi va wonako na va rurumela, va tlhelela nzhako? A tinhenha tabye ti hluliwa, Ti tsutsuma ti nga cuwuki nzhako; Matlhelo wontihe ku kona kuchava, ku wula Jehova.

Jeremia 46:9

Dlaladlalekani nwina mahaxi, Nwina tikareta tsutsumani mazambu! A tinhenha a ti range mahlweni: Kuxe na Pute lava va welelako zitlhangu, Na Ludima lava va kondlako mawura.

Jeremia 48:44

Loyi a tsutsumako hi kota ya hlenekera i ta wela rinzini; loyi a humako rinzini i ta phasiwa ziyweni. Hakuva Moabi nzi ta mu nehela a lembe ga kutsayiswa, ku wula Jehova.

Jeremia 49:8

Tlhelani, mu tsutsuma, mu ya tshama xihundleni, nwina vaaki va le Dedani; hakuva nzi ta nehela hlokiselelo Esau a xikhati nzi ta nga mu tsayisa.

Jeremia 50:11

Ina, hambu loku mu tsaka mu bhuma makunu, nwina vaonhi va tshomba ya mina, hambu loku mu khana ku fana ni role gi kanzihelako tirigo, mu yimba kukotisa a mahaxi ya ntamu,

Jeremia 50:27

Tlhavani tontlhe a tikuzi takwe, a tiye wuxinjelweni. Khombo ka vona, hakuva a siku gabye gi chikele, a xikhati xa kutsayiswa kabye.

Ezekieli 30:22

Hikwalaho Hosi Jehova i ngalo: Nzi yimekelene na Faro a hosi ya le Gipite, nzi ta tshova mawoko yakwe, legi ga ntamu ni legi gi tshovekileko, nzi wisa a supado canjeni gakwe.

Ezekieli 35:5

Hakuva u na ni livengo la simasima, ni kuva u nyikele a vanana va ka Israeli ntanwini wa supado xikhatini xa hlokiselelo yabye, xikhatini xa tsayiselelo wa magumo.

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

Amosi 6:4

Va etlela mibhedini yi mahilweko hi timhonzo ta tindlovu, va ti nawula zitheveni zabye; vaga tiyivana ta mitlhambi, ni marole ma nonileko ya lomo rangeni.

Obadia 1:13

U nga engheni hi nyangwa ya vanhu va mina hi siku ga kuxaniseka kabye; u nga tsakiswi hi hlokiselelo wabye hi siku ga kuxaniseka kabye, ge hambu ku henya a nhunzu yabye a sikwini ga kuxaniseka kabye.

Mika 7:4

A wa nene wa kona ka yontlhe i fanana ni xigetlwani, ni leyi a hunzeleleko kululama i fanana ni khuhu ga mizwa, Gi tshinele a siku ga tsayiselelo wa wena, legi gi wulilweko hi varinzeli va wena, makunu ku tava ni vilinganya.

Mateu 22:4

Yi lo engeta yi ruma manwani malanza, yiku: Byelani lava va rambilweko, muku: Nzi longisile a zakuga za mina; a tinkavi ta mina ni zifuyo za mina zi nonileko zi tlhabyilwe; zontlhe zi longile. Tanani mubuzweni.

Deuteronome 32:15

Jexuruni a su kulukelana, a radlavanya. A kuluka, a zimuka, a tala hi mafura. Kanilezi a tsika Nungungulu loyi a mu wumbileko, A nyenya a ribye ga kuhanyiswa kakwe.