Jeremia 44:7 - Tshwa Bible

⁷ Hikwalaho Jehova, a Nungungulu wa tiyimpi tlhelo Nungungulu wa Israeli, i ngalo: Hikuyini mu ti mahelako a khombo legi ga hombe, kala ku lobyiswa a vavanuna; ni vavasati, ni vanana ni zihlangana xikari ka Juda, ku nga sali ni munwe wa nwina?

Jeremia 44:7 Mawu Ofanana

Mavingu 1:18

Kasi vona va xiyelela nkhata wa vona venyi, a dembela wutomi gabye ha voce.

Mavingu 15:32

Loyi a alako gonziselelo i kanyisa muhefemulo wakwe; anilezi loyi a ingisako ziluleko i kuma kupimisisa.

Mavingu 5:22

A wakubiha i ta phasiwa hi kugoha kakwe, ta bohiwa hi magota ya kuonha kakwe wutsumbu.

Mavingu 8:36

Kanilezi loyi a nzi goheleko, i onha muhefemulo wakwe, ontlhe lava va nzi vengako, va ranza kufa.

Jeremia 25:6

Mu nga lanzeli vanwani vanungungulu, kasi mu va tirela ni ku va khizamela, mu nga vindlusi a khulo ga mina hi mitiro ya mandla ya nwina, kasi mina nzi nga mu maheli kubiha.

Jeremia 25:7

Hambu lezo a mu nzi ingisangi, ku wula Jehova, lezaku kasi mu vindlukisa a zanga ya mina hi mitiro ya mandla ya nwina, kasi ku ti hala khombo ha nwece.

Jeremia 26:19

Xana Hezekia hosi ya ka Juda, ni gontlhe tiko ga Juda, va mu dele ke? Xana a nga chavangi Jehova, a kombela thomo ga yena, kasi Jehova a hunzuluka a ka khombo lego a nga wa wulile ha vona? Kanilezi hina hi mahela a mihefemulo ya hina a kubiha ka hombe.

Jeremia 3:24

A nungungulu wa tingana i gile ntiro wa vadadani va hina A ku sukela wusweni ga hina; A tiyivu tabye ni tihomu ta bye, A varisanyana vabye ni vanhanyana vabye. Jer. 11:13

Jeremia 38:17

Zonake Jeremia i lo byela Zedekia, aku: Jehova a Nungungulu wa tiyimpi, a Nungungulu wa ka Israeli i ngalo: Loku u huma u ya ti nyikela ka tihosana ta hosi ya Babuloni, zonake wena u ta hanya, ni muti lowu wu nga ta hiswa hi nzilo; u ta hanya, wena ni yindlu ya wena.

Jeremia 42:20

Hakuva mu ti kanganyisile; hakuva mu nzi rumile ka Jehova a Nungungulu wa nwina, muku: Hi kombelele ka Jehova a Nungungulu wa hina, ni zihi lezi Jehova a Nungungulu wa hina a ta nga zi wula, hi byele hi ta zi maha.

Jeremia 44:14

Kasi ku nga poni hambu ku sala ni munwe wa misalela ya ka Juda lava va yileko ku ya luvela tikweni ga Gipite, na va ranza ku tlhelela tikweni ga ka Juda legi va xuvako ku ta aka ka gona. Va nga ta tlhelela kona saseka vanwani va ta nga pona.

Jeremia 44:8

Mu vindlusela yini a zanga ya mina hi mitiro ya mandla ya nwina, mu hisela vanwani vanungungulu a tibani lomu tikweni ga Gipite, lomu mu tileko mu ta luvela, kasi mu fela ku susiwa mu mahiwa xiruko, mu tseketselwa xikari ka matiko wontihe ya misava ke?

Jeremia 51:22

Ha wena nzi lo panza wanuna ni wasati; Ha wena nzi lo panza a xikhosana ni xinwanana; Ha wena nzi lo panza a jaha ni nhwana;

Jeremia 7:19

Kasi hi mina va nzi zangarisako ke? ku wula Jehova. A va ti vuxeli wutsumbu gabye a tingana ke?

Jeremia 9:21

Hakuva a kufa ku nomile ku enghena ka tinjhanela ta hina, Ku enghenile tindlwini ta hina ta wuhosi; Ka daya vanana maruweni ni majaha laha maphangweni.

Mikosi 2:11

A mahlo ya mina ma mbhela hi mihloti, a mbilu ya mina ya karateka, A nyongwa ya mina ya halakela lahasi hi kota ya mbanga ya nhanyana wa tiko ga mina; Hakuva a zihlangana ni tisana za titivala lomu maruweni ya muti.

Mikosi 2:22

U nzi rambele kuchavisa matlhelo wontlhe, khwatsi hi siku ga mutlhangano wa ximuse; A nga kona ni munwe wo pona, a nga sala hi siku ga zanga ya Jehova. Lava nzi nga va wukarela, nzi va wundla, a nala wa mina i va lovisile.

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Ezekieli 9:6

Hihiritani vaku bhi a zikhosana za vavanuna, ni majaha, ni vanhwana, ni zivanana, ni vavasati. Kanilezi mu nga henyi loyi a nga ni xifungo. Sangulani hi le ndlwini ya mina yo basa. Zonake va lo sangula hi zikhosana lezi zi nga hi mahlweni ya yindlu.

Habakuka 2:10

A yindlu ya wena yi tawa tingana hi makungo ya wena, hi ku lovisa a matiko manyingi u onhele a moya wa wena nwinyi.

Mitsengo 16:38

A zibya lezi a vanhu va onhileko mihefemulo yabye ha zona zi ta tlombiwa zi maha ziphambati za ku lemela a alati ha zona; hakuva zona zi nyikelwe mahlweni ka Jehova, na zona zi basile; zi tava xialakanyiso ka vanana va ka Israeli.

Deuteronome 32:25

Lahandle va ta dawa hi tlhari, Ni lomu tindlwini va ta dawa hi kutshisa; A jaha gi ta lova khwatsi hi nhanyana, Ni loyi a anwako khwatsi hi xikhosana.

Joxua 6:21

Va lo lovisa zontlhe lezi zi nga hi lomu mutini, a vavanuna ni vavasati, a vaswa ni vakale, ni tihomu ni tiyivu, ni timbongola, va lo daya zontlhe hi matlhari.

Valamuli 21:11

Mu ta mahisa lezi: Mu ta daya vontlhe vavanuna ni vontlhe vavasati lava va tivileko wanuna. Mitse. 31:17

1 Samueli 15:3

Makunu lezi famba u ya hlasela vaAmaleki, u lovisa zontlhe lezo va nga nazo; u nga va nyenyeleteli, kanilezi daya vontlhe vavanuna ni vavasati, ni vananani tisana ta ha anwako, ni tihomu, ni tiyivu, ni makameli, ni timbongola.

1 Samueli 22:19

Saule i lo hlasela Nobe a muti wa vapristi hi wutlha ga supado, a daya vavanuna ni vavasati, ni vanana ni Zihlangana, ni tihomu, ni timbongola, ni tiyivu, a lovisa zontlhe hi wutlha ga supado.