Jeremia 44:6 - Tshwa Bible

⁶ Hikwalaho a khulo ga mina ni zanga ya mina zi lo chululeka zi vura lomu mitini ya ka Juda ni lomu maruweni ya Jerusalema; inyamutlha lezi zi hahlulwe zi maha marumbi.

Jeremia 44:6 Mawu Ofanana

Isaya 1:7

A tiko ga nwina gi hahlukile, a miti ya nwina yi hisilwe hi nzilo; a misava ya nwina yi giwa hi vamatiko a kuwoneni ka nwina; yi mahile xiwula khwatsi hi loku yi phangilwe hi valala.

Isaya 51:17

Vuka, vuka, suka u yima Jerusalema! Loyi u nwileko canjeni ga Jehova a gombe ga zanga yakwe, U nwile a gombe legi gi popisako, u gi heta. Jer. 25:15; Kuv. 14:10; 16:19

Isaya 51:20

A vana va wena va titivele, Va etlele mahanzakanyeni ya tindlela kota mangulwe lomu ziyweni. Va popilwe hi zanga ya Jehova, ni kukawuka ka Nungungulu wa wena.

Isaya 6:11

Zonake mina nziku: Kala rini Hosi? Yena i lo hlamula, aku: Kala a miti yi hahluka, yi nga have na vaaki, ni tiyindlu ti nga hi na munhu, ni tiko gontlhe giva rumbi,

Jeremia 21:12

Nwina yindlu ya ka Davida, Jehova i ngalo: Lamulani hi kululama na ga hi mixo; mu ponisa loyi a phangiwako mandleni ya loyi a mu tsimbeketako; kasi a zanga ya mina yi nga vuri kota nzilo, yi hisa lezaku ku vumaleka ni mutimeli, zi maha lezo hi kota ya kubiha ka zimaho za nwina.

Jeremia 21:5

Mina wutsumbu nzi talwa na nwina hi canja gi tlakusilweko, hi woko ga ntamu, ni zanga, ni khulo ni xiviti xa hombe. Deut. 29:28

Jeremia 34:22

Languta, nzi ta va leletela lezaku va wuyela ka lowu muti, ku wula Jehova, va talwa nawo, va wu khozisa, va wu hisa hi nzilo; ni miti ya ka Juda nzi ta yi maha xiwula, ku nga hi na muaki ka wona. 2 Tih. 25:9; Jer. 37:8

Jeremia 36:7

Kutani va ta khongela mahlweni ka Jehova, va hunzuluka munwe ni munwani mahanyeleni yabye yo biha. Hakuva a khulo ga Jehova ga hombe ni xiviti lexi a sinako a xi wulile hi lava vanhu.

Jeremia 4:27

Hakuva Jehova i ngalo: A tiko gontlhe gi ta hahlulwa, Kanilezi nzi nga ta gi mbhetisela magumo.

Jeremia 4:4

Mahani zitshiva ka Jehova, Mu susa a dewu ga timbilu ta nwina, Nwina vavanuna va ka Juda ni vaaki va Jerusalema, Kasi a zanga ya mina yi nga ta vutsuka kota nzilo, Wu vura lezaku wu nga timiwi, Hi kota ya kubiha ka mitiro ya nwina. Deut. 10:16; Rom. 2:28; Kol. 2:11

Jeremia 42:18

Hakuva Jehova wa tiyimpi, a Nungungulu wa Israeli, i ngalo: Laha mu ta nga enghena Gipite nzi ta chulula a zanga ya mina hehla ka nwina, khwatsi hilezi nzi nga yi chululisisa zona hehla ka vaaki va Jerusalema. Mu tava xiruko ni xirewukiso, mu rukiwe ni ku xanziwa; mu nga ta ha wona legi wutshamu.

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.

Jeremia 7:17

Xana a ku woni lezi va zi mahako lomu mitini ya ka Juda ke? ni lomu maruweni ya Jerusalema?

Jeremia 7:20

Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Jeremia 7:34

A mitini ya ka Juda ni lomu maruweni ya Jerusalema nzi ta miyeta a gezu ga kutsaka ni kuhlakana, a gezu ga muteki ni mutekiwa; hakuva a tiko gi ta maha rumbi. Isa. 24:7; Ezek. 26:13

Jeremia 8:3

Ni lava va seleko ka lixaka lolu li bihileko va ta ranza kufa ku hunza a kuhanya, a matshanwini wontihe lawa nzi va hlongoleko ka wona, ku wula Jehova wa tiyimpi.

Mikosi 1:1

Hikuyini wu nga ni xiwunza a muti lowu wu nga tele hi vanhu! Loyi a nga hi wahombe xikari ka mifumo i mahile noni; Loyi a nga hi muzinza xikari ka matiko i mahile hlonga hikuyini?

Mikosi 1:13

I rumele a nzilo hi le hehla wuta marambyini ya mina, ma lobyiswa hi wona; I dembele mikonzo ya mina a ziyo, a nzi tlhelisela nzhako; I nzi nyikele kuonhekeni, nzi rereka siku gontlhe.

Mikosi 5:18

Hakuva a xitsunga xa Zioni xi hahlukile, A mahlolwa ma fambafamba hehla ka xona.

Ezekieli 20:33

Nza hlambanya hi kuhanya ka mina, ku wula Hosi Jehova: nzi ta mu fumela hi canja ga ntamu, ni woko gi nawulutilweko, ni zanga yi chululweko.

Ezekieli 20:34

Nzi ta mu humesa lomu vanhwini, nzi mu tsombanyisa hi le matikweni lawa mu hangalakileko ka wona hi canja ga ntamu, ni woko gi nawulutilweko, ni zanga yi chululweko.

Ezekieli 24:13

Kota lezi a chaka ga wena gi bihileko nguvu, ni kota lezi nzi nga ku hlaza kanilezi a ku basangi, hikwalaho a chaka ga wena gi nga ta hlaziwa kambe kala loku nzi rengisile a zanga ya mina hehla ka wena.

Ezekieli 24:8

kasi ku vuxa a zanga yi to phota ha wona, nzi chulule a nkhata lowu a wu halatileko hehla ka ribye ga likwembu, kasi wu fela ku kala wu nga seletelwi. Levi 17:13; Deut. 12:16, 24

Ezekieli 5:13

A zanga ya mina yi ta tatisekisa lezo; nzi ta rutisa a khulo ga mina ha vona, nzi tangala. Va ta zi tiva lezaku mina Jehova nzi wulile hi kupangama, laha nzi nga tatisa a zanga ya mina hehla ka vona.

Ezekieli 6:12

Loyi a nga le kule i ta dawa hi ntungu; loyi a nga kusuhani i tafa hi supado; loyi a ta nga sala a vimbezelwa, i ta dawa hi ndlala. A zanga ya mina yi ta tatisekisa lezo hehla kabye.

Ezekieli 8:18

Hikwalaho minawu nzi ta va holovela. A tihlo ga mina gi nga ta va nyenyeletela, ge nzi nga ta va zwela wusiwana. Hambu loku va rila tindleveni ta mina hi gezu ga hombe, nzi nga ta va ingisa. Mav. 1:28; Jer. 11:11

Danieli 9:12

I tiyisile a timhaka leti a nga ti wula ka hina, ni ka Valamuli va hina lava va nga hi lamula ni ku hi wisela a khombo ga hombe; hakuva lahasi ka tilo gontlhe a zi na nga maheka zo ringana ni lezi zi nga mahiwa ka Jerusalema.

Levi 26:28

zonake nzi ta mu vukela hi zanga, nzi mu tsayisa kambe ntlhanu wa makhati ni mambiri hi kota ya zionho za nwina.

Levi 26:31

Nzi ta hahlula a miti ya nwina, yi maha marumbi; nzi ta hangalasa matshamu ya nwina yo basa; cima nzi nga ta ha nuhetela a masema ya minyikelo ya nwina. Isa. 1:13

Nahume 1:2

Jehova i Nungungulu wa xiluse, i muphoteli. Jehova wa ti photela, i tele hi zanga. Jehova wa ti photela ka lava va mu vukelako, a khulo gakwe i gi vekela valala vakwe. Ekso. 20:5; Deut. 4:24; Jox. 24:19

Zakaria 1:2

Jehova i tsanwisilwe nguvu hi vadadani va nwina.

Zakaria 1:6

Kanilezi a timhaka ta mina ni zilayelo za mina, lezi nzi nga zi leletela ka vaprofeti a malanza ya mina, a zi kamanyetangi a vadadani va nwina ke? kasi va hunzuluka, vaku: Khwatsi hilezi Jehova wa tiyimpi a xuvileko ku maha zona ka hina, maringano ni tindlela ta hina ni zimaho za hina, i hi mahele lezo.

Zakaria 7:14

kanilezi nzi ta va hangalasa hi xipupuri xikari ka matiko wontlhe va nga ma tiviko, a tiko gi sala gi hi marumbi anzhako kabye, ku nga hi na munhu a hunzako hi ka gona, hambu ku tlhelela ka gona; hakuva va hunzule a tiko gi nene gi maha marumbi.