Jeremia 44:5 - Tshwa Bible

⁵ Kanilezi a va ingisangi, ge hambu ku phumunha ndleve yabye, kasi ku huma kubiheni kabye, va nga ha hiseli tibani a vanwani vanungungulu.

Jeremia 44:5 Mawu Ofanana

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Nehemia 9:30

Kanilezi ku lo hunza malembe yo hlaya na u timisela ha vona, u va khongotela hi moya wa wena hi milomu ya vaprofeti va wena; kanilezi va nga pangi tindleve tabye; hikwalaho u va nyikela mandleni ya vanhu va matiko.

Isaya 48:18

O, loku ku wo khwatsi wa ingisa zileletelo za mina! Zonake a kurula ka wena ku wa ta khulunga ku khwatsi i congo, Ni kululama ka wena ku wa ta ku khwatsi mabyandlati ya bimbi,

Isaya 48:4

Hakuva nzi wa zi tiva lezaku wa nonoha, Lezaku a nhamu ya wena i siha wa xiketse, Ni ximombo xa wena i suku. Ekso. 32:9; 33:5; Jer. 6:28

Jeremia 11:10

Va tlhelele zigohweni za vakoko vabye, lava va nga ala ku ingisa timhaka ta mina. Va lanzele vanwani vanungungulu, va va khozela. A yindlu ya ka Israeli ni yindlu ya ka Juda ti tshovile a xivumelwano xa mina lexi nzi xi mahileko ni vararu vabye.

Jeremia 11:13

Hakuva a tsengo wa vanungungulu va wena wu ringana ni wa miti ya wena, O Juda! Mu yimisile a maganzelo ka lexi xa tingana ma ringana ni tsengo wa maruwa ya lomu Jerusalema: ma nga maganzelo yo hisela libani ka Baali. 2 Kro. 28:24

Jeremia 11:17

Hakuva Jehova wa tiyimpi loyi a nga ku byala, i ta rumela makhombo hehla ka wena, hi kota ya kubiha loku ku mahilweko hi yindlu ya ka Israeli ni yindlu ya ka Juda, va nzi zangarisa hi ku hisa a libani ka Baali.

Jeremia 11:8

Kanilezi a va ingisangi, hambu ku phuhunha ndleve yabye. Munwe ni munwani i na si hutsetse a njhenjhereka hi kunonoha ka mbilu yakwe yo biha. Hikwalaho nzi nehile hehla kabye a timhaka tontlhe ta lexi xivumelwano, lexi nzi va layileko a ku xi hlayisa, kanilezi a va xi hlayisangi.

Jeremia 13:10

A tiko legi go biha, legi gi nga vumeliko a kuzwa a magezu ya mina, legi gi fambako hi kunonoha ka mbilu ya gona, gi lanzela vanungungulu vanwani, gi va tirela ni ku va khozela, gi ta fanana ni bhandi legi gi nga vuniko nchumu.

Jeremia 19:13

A tiyindlu ta Jerusalema, ni tiyindlu ta tihosi ta ka Juda, ti tava ni chaka kota a wutshamu ga Tofete, ti nga tiyindlu tontlhe leti ku hisilweko langweni ya tona a libani ka butho gontlhe ga tilo, laho va nyikeleko a minyikelo ya zakunwa ka vanwani vanungungulu.

Jeremia 43:4

Zinghaho Johannani nʼwana Karea ni tinduna tontlhe ta mabutho ni vanhu vontlhe a va ingisangi a gezu ga Jehova, gaku a va tshame tikweni ga ka Juda.

Jeremia 7:24

Kanilezi a va ingisangi, hambu ku riya tindleve; kanilezi va lo famba lomu makungweni yabye ni lomu ka kunonoha ka timbilu tabye ta kubiha, va lo tlhelela nzhako, a va yangi mahlweni.

Danieli 9:6

A hi ingisangi a vaprofeti ma nga malanza ya wena, lava va wulawulileko hi vito ga wena ka tihosi ni tihosana ta hina, ni ka vadadani va hina, ni ka vanhu vontlhe va tiko.

Hosea 11:2

Kanilezi va lo fularela lava va nga vitana; va lo phahlela ka vaBaali, va hisela zifananiso a tibani.