Jeremia 44:30 - Tshwa Bible

³⁰ Jehova i ngalo: Nzi ta nyikela Faro Hofra a hosi ya Gipite mandleni ya valala vakwe, ni mandleni ya lava va hlotako wutomi gakwe, khwatsi hilezi nzi nga nyikela Zedekia a hosi ya ka Juda mandleni ya Nebukadrezzare a hosi ya le Babuloni a nala wakwe, loyi a nga hlota wutomi gakwe.

Jeremia 44:30 Mawu Ofanana

Jeremia 27:7

Wontihe matiko ma ta mu tirela, yena ni nʼwana wakwe ni zukulu wakwe, kala ku chikela a xikhati xa tiko gakwe, zonake yenawu i ta khoziswa hi matiko manyingi ni tihosi ta hombe.

Jeremia 34:21

Na Zedekia hosi ya ka Juda, zinwe ni tihosana takwe nzi ta va nyikela canjeni ga valala vabye ni canjeni ga lava va va xuvelako kufa, ku nga canjeni ga yimpi ya hosi ya Babuloni, leyi yi sukileko ka nwina.

Jeremia 44:29

A xikombiso xa nwina xo tiyisa lezaku nzi ta mu tsayisa wutshanwini legi, ku wula Jehova, kasi mu fela ku zi tiva lezaku a timhaka ta mina ti ta tatiseka hi khombo hehla ka nwina, hi lexi:

Ezekieli 30:21

Nʼwana wa munhu, nzi tshovile a woko ga Faro a hosi ya le Gipite; languta, a gi bohelelwangi ni ku cheliwa muri, a gi tsonzelelwangi miceka kasi ku gi maha giva ni ntamu wo khoma a supado.

Ezekieli 31:18

U fanana ni yihi hi wumbhuri ni wukulu xikari ka tisinya ta Edeni? hambu zi hi tano, u ta yisiwa hasi ka misava zinwe ni tisinya ta Edeni. U ta etlela xikari ka makhuna, zinwe ni lava va delweko hi supado. Loye hi Faro ni xidlemo xakwe xontlhe, ku wula Hosi Jehova.