Jeremia 44:19 - Tshwa Bible

¹⁹ A xikhati lexo hi nga hisela a muzinza wa tilo a tibani, hi mu phahlela hi zakunwa, xana hi lo mu mahela a zikhekhetselo hi mufananiso wakwe, hi mu phahlela hi zakunwa, a vanuna va hina na va nga zi vumeli ke? Mitse. 30:7

Jeremia 44:19 Mawu Ofanana

Genesisi 3:6

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

1 Tihosi 21:25

Kunene, a ku na nga va kona a hosi yo kota Ahabi loyi a xavisileko wutsumbu gakwe hi ku maha lezi zi bihileko mahlweni ka Jehova, hi kota ya Jezebeli sati wakwe a nga mu kucetela.

2 Kronekele 21:6

I lo lanzela tindlela ta tihosi ta va ka Israeli, khwatsi hi yindlu ya Ahabi, hakuva a sati wakwe i n wa Ahabi; hikwalaho i lo maha kubiha mahlweni ka Jehova.

Mavingu 11:21

A wa kubiha cima a nga ta pona ku tsayiswa; anilezi a pswalo wa loyi a lulamileko wu ta hlangutwa.

Jeremia 44:15

Zonake vontlhe vavanuna lava va nga zi tiva lezaku a vasati vabye va hisele vanwani vanungungulu a tibani, ni vavasati vontlhe lava va nga yimile laho xi nga xidlemo xa hombe, vontlhe lava ya nga akile tikweni ga Gipite le Patrosi, va lo hlamula Jeremia,

Jeremia 44:20

Zonake Jeremia a wulawula ka vontlhe vanhu, a vavanuna ni vavasati, ni ka vontlhe lava va nga mu hlamule, aku:

Jeremia 7:18

A vanana va wungeletela tihunyi, a vararu va dzivela nzilo, ni vavasati va vuva mapa, kasi ku maha zikhekhetselo ka muzinza wa tilo; na va nyikela minyikelo ya zakunwa a ka vanwani vanungungulu, kasi ku nzi vuxela zanga.

Mitsengo 30:12

Kanilezi loku a nuna wakwe a mu beletela gwalego siku a nga muzwa na hlambanya, wontihe magezu ya kuhlambanya kakwe ni ya ku ti boha kakwe, lawa ma humileko nonwini wakwe, ma nga ta tiya, hakuva a nuna wakwe i zi kanetile. Hikwalaho Jehova i ta mu tsetselela.

Mitsengo 30:8

Kanilezi loku a nuna wakwe a mu beletela gwalego siku a zi zwako, yena i tsemile kuhlambanya kakwe, ni magezu lawa ma humileko hi nonwini wakwe, lawa a ti bohileko ha wona; zonake Jehova i ta mu tsetselela,